ਲੁਟੇਰੇ ਐਕਟਿਵਾ ਸਵਾਰ ਕੁੜੀਆਂ ਕੋਲੋਂ ਪਰਸ ਖੋਹ ਕੇ ਫਰਾਰ
ਅਜੀਤ ਡੈਸਕ
18-02-2026
ਜਲੰਧਰ 17 ਫਰਵਰੀ (ਸ਼ੈਲੀ)-ਜਲਧੰਰ ਦੇ ਆਬਾਦਪੁਰਾ ਲਿੰਕ ਰੋਡ 'ਤੇ ਬੀਤੀ ਰਾਤ ਐਕਟਿਵਾ ਸਵਾਰ ਦੋ ਕੁੜੀਆਂ ਕੋਲੋਂ ਐਕਟਿਵਾ ਸਵਾਰ ਦੋ ਲੁਟੇਰੇ ਪਰਸ ਖੋਹ ਕੇ ਫਰਾਰ ਹੋ ਗਏ | ਪੀੜਤ ਕੁੜੀ ਨੇ ਦੱਸਿਆ ਕਿ ਉਹ ਆਪਣੀ ਸਹੇਲੀ ਨਾਲ ਐਕਟਿਵਾਂ 'ਤੇ ਸਵਾਰ ਹੋ ਕੇ ਆਪਣੇ ਕੰਮ ਤੋਂ ਘਰ ਵਾਪਿਸ ਜਾ ਰਹੀ ਸੀ ਕਿ ਜਦੋਂ ਉਹ ਆਬਾਦਪੁਰਾ ਲਿੰਕ ਰੋਡ 'ਤੇ ਪਹੁੰਚੀ ਤਾਂ ਆਬਾਦਪੁਰਾ ਵਲੋਂ ਇਕ ਗਲੀ ਵਿਚੋਂ ਇਕ ਐਕਟਿਵਾ 'ਤੇ ਸਵਾਰ ਦੋ ਨੌਜਵਾਨ ਆਏ ਅਤੇ ਉਸ ਦਾ ਪਰਸ ਖੋਹ ਕੇ ਫਰਾਰ ਹੋ ਗਏ | ਉਸ ਨੇ ਦੱਸਿਆ ਕਿ ਪਰਸ ਵਿਚ ਕੁਝ ਪੈਸੇ ਅਤੇ ਆਈ ਫ਼ੋਨ ਸੀ | ਇਸ ਸਬੰਧੀ ਥਾਣਾ 6 ਦੀ ਪੁਲਿਸ ਨੂੰ ਸੁਚਿਤ ਕੀਤਾ ਗਿਆ, ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ |