ਜਲੰਧਰ, 29 ਜਨਵਰੀ (ਪਵਨ ਖਰਬੰਦਾ)-ਏ.ਪੀ.ਜੇ. ਸਕੂਲ ਟਾਂਡਾ ਰੋਡ ਜਲੰਧਰ ਸਾਲਾਨਾ ਖੇਡ ਦਿਵਸ ਕਰਵਾਇਆ ਗਿਆ | ਸਮਾਗਮ ਵਿੱਚ ਮੁੱਖ ਮਹਿਮਾਨ ਰਣਜੀ ਟਰਾਫੀ ਖਿਡਾਰੀ ਅਭਿਸ਼ੇਕ ਬਜਾਜ ਸ਼ਾਮਲ ਹੋਏ | ਜਸ਼ਨ ਦੀ ਸ਼ੁਰੂਆਤ ਇੱਕ ਮਨਮੋਹਕ ਸਵਾਗਤ ਨਾਚ ਨਾਲ ਹੋਈ ਜਿਸ ਤੋਂ ਬਾਅਦ ਵਿਦਿਆਰਥੀਆਂ ਦੁਆਰਾ ਫ੍ਰੀ-ਹੈਂਡ ਕਸਰਤਾਂ, ਮਾਰਸ਼ਲ ਆਰਟਸ, ਡੰਬਲ ਡਿ੍ਲਸ ਤੇ ਯੋਗਾ ਦੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਕੀਤੇ ਗਏ | ਇਸ ਤੋਂ ਇਲਾਵਾ, ਪ੍ਰੀ-ਪ੍ਰਾਇਮਰੀ ਬੱਚਿਆਂ ਲਈ ਗਾਜਰ ਦੌੜ, ਕੰਗਾਰੂ ਦੌੜ ਤੇ ਹਰਡਲ ਦੌੜ ਵਰਗੇ ਪ੍ਰੋਗਰਾਮ ਇਸ ਖੇਡ ਮੁਕਾਬਲੇ ਦੇ ਮੁੱਖ ਅੰਸ਼ ਸਨ | ਸੀਨੀਅਰ ਵਿਦਿਆਰਥੀਆਂ ਲਈ ਸ਼ਟਲ ਦੌੜ, ਡਿ੍ਬਲ ਦ ਬਾਲ, ਇੱਕ-ਪੈਰ ਵਾਲਾ ਡੱਡੂ ਛਾਲ, ਨਿੰਬੂ-ਚਮਚ ਦੌੜ, ਸ਼ਾਟਪੁਟ ਤੇ ਰੱਸਾਕਸ਼ੀ ਵਰਗੇ ਮੁਕਾਬਲੇ ਸਨ | ਇਹ ਪ੍ਰੋਗਰਾਮ ਇੱਕ ਸ਼ਾਨਦਾਰ ਇਨਾਮ ਵੰਡ ਸਮਾਰੋਹ ਨਾਲ ਸਮਾਪਤ ਹੋਇਆ ਜਿੱਥੇ ਜੇਤੂ ਭਾਗੀਦਾਰਾਂ ਨੂੰ ਮੈਡਲ ਤੇ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਮੁੱਖ ਮਹਿਮਾਨ ਤੇ ਸਕੂਲ ਪਿ੍ੰਸੀਪਲ ਡਾ. ਰਾਜੇਸ਼ ਚੰਦੇਲ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕੀਤਾ |
