ਚੰਡੀਗੜ੍ਹ ਤੇ ਪੰਜਾਬ ਦੇ ਸਟਾਲ ’ਤੇ ਸਾਖ਼ਰਤਾ ਪ੍ਰਤੀ ਕਿਤਾਬਾਂ ਤੇ ਸਮੱਗਰੀ ਵਿਖਾਉਂਦੇ ਹੋਏ ਪਤਵੰਤੇ , ਨਾਲ ਹੀ ਸੁਖਵਿੰਦਰ ਸਾਰੰਗ ਤੇ ਸੁਖਮਨੀ ਸਾਰੰਗ ਗੀਤ ਪੇਸ਼ ਕਰਦੇ ਹੋਏ। ਦਿੱਲੀ ’ਚ ਅੰਤਰਰਾਸ਼ਟਰੀ ਸਾਖ਼ਰਤਾ ਦਿਵਸ ਮਨਾਇਆ

ਨਵੀਂ ਦਿੱਲੀ, 9 ਸਤੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਅੰਬੇਡਕਰ ਭਵਨ (ਡੀ.

ਅ

ਅਜੀਤ ਡੈਸਕ 10-09-2026

ਨਵੀਂ ਦਿੱਲੀ, 9 ਸਤੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਅੰਬੇਡਕਰ ਭਵਨ (ਡੀ.ਏ.ਆਈ.ਸੀ.) ਵਿਖੇ ਅੰਤਰਰਾਸ਼ਟਰੀ ਸਾਖ਼ਰਤਾ ਦਿਵਸ ਮਨਾਇਆ ਗਿਆ, ਜਿਸ ਵਿਚ ਮੁੱਖ ਮਹਿਮਾਨ ਜੈਅੰਤ ਚੌਧਰੀ (ਕੇਂਦਰੀ ਰਾਜ ਸਿੱਖਿਆ ਮੰਤਰੀ) ਸਨ। ਇਸ ਤੋਂ ਇਲਾਵਾ ਕੁਝ ਰਾਜਾਂ ਦੇ ਮੁੱਖ ਮੰਤਰੀਆਂ ਨਾਲ ਹੀ ਵੱਖ-ਵੱਖ ਰਾਜਾਂ, ਯੂ.ਟੀ. ਦੇ ਸਿੱਖਿਆ ਮੰਤਰੀ ਅਤੇ ਸਿੱਖਿਆ ਸਕੱਤਰ ਅਤੇ ਹੋਰ ਸ਼ਖ਼ਸੀਅਤਾਂ ਵਿਸ਼ੇਸ਼ ਤੌਰ ’ਤੇ ਸ਼ਾਮਿਲ ਸਨ। ਇਸ ਮੌਕੇ ਅੰਤਰਰਾਸ਼ਟਰੀ ਸਾਖ਼ਰਤਾ ਦਿਵਸ ਦੀ ਲਹਿਰ ’ਤੇ ਚਰਚਾ ਕੀਤੀ ਗਈ। ਇਸ ਮੌਕੇ ‘ਰਾਸ਼ਟਰੀ ਉਲਾਸ ਥੀਮ’ ਤੇ ਸੁਖਵਿੰਦਰ ਸਾਰੰਗ ਦਾ ਲਿਖਿਆ ਤੇ ਗਾਇਆ ਗੀਤ ਸਭ ਨੇ ਪਸੰਦ ਕੀਤਾ। ਮੁੱਖ ਮਹਿਮਾਨ ਜੈਅੰਤ ਚੌਧਰੀ ਨੇ ਵਿਸ਼ੇਸ਼ ਤੌਰ ’ਤੇ ਸੁਖਵਿੰਦਰ ਸਾਰੰਗ ਤੇ ਸੁਖਮਨੀ ਨੂੰ ਮੁਬਾਰਕਾਂ ਦਿੱਤੀਆਂ। ਵਰਨਣਯੋਗ ਹੈ ਕਿ ਰਾਸ਼ਟਰੀ ਉਲਾਸ ਥੀਮ ਨੇ ਹੋਰ ਵੀ ਗੀਤ ਚੋਣ ਕਮੇਟੀ ਕੋਲ ਆਏ ਸਨ, ਪਰ ਸੁਖਵਿੰਦਰ ਸਾਰੰਗ ਤੇ ਸੁਖਮਨੀ ਦਾ ਗਾਇਆ ਗੀਤ ਹੀ ਚੁਣਿਆ ਗਿਆ ਜੋ ਚੰਡੀਗੜ੍ਹ ਲਈ ਗੌਰਵ ਦੀ ਗੱਲ ਹੈ। ਸੁਖਵਿੰਦਰ ਸਾਰੰਗ ਚੰਡੀਗੜ੍ਹ ਦੇ ਪੀ.ਐਸ.ਸੀ.ਸ.ਸ. ਸੈਕਟਰ 18-ਸੀ ਵਿਖੇ ਸੰਗੀਤ ਦੇ ਲੈਕਚਰਾਰ ਹਨ। ਇਸ ਦਿਵਸ ਦੇ ਦੂਸਰੇ ਦਿਨ ਬਾਲ ਭਵਨ ਵਿਖੇ ਸਾਖ਼ਰਤਾ ਪ੍ਰਤੀ ਇਕ ਮੇਲਾ ਵੀ ਲਗਾਇਆ, ਜਿਸ ਵਿਚ ਵੱਖ-ਵੱਖ ਰਾਜਾਂ ਦੇ ਸਟਾਲਾਂ ’ਤੇ ਸਾਖ਼ਰਤਾ ਦੀਆਂ ਕਿਤਾਬਾਂ ਤੇ ਹੋਰ ਸਮੱਗਰੀ ਮੌਜੂਦ ਸੀ। ਪੰਜਾਬ ਅਤੇ ਚੰਡੀਗੜ੍ਹ ਦੇ ਸਟਾਲ ’ਤੇ ਸਾਖ਼ਰਤਾ ਸੰਬੰਧੀ ਕਿਤਾਬਾਂ ਤੇ ਹੋਰ ਸਮੱਗਰੀ ਮੌਜੂਦ ਸੀ। ਚੰਡੀਗੜ੍ਹ ਦੇ ਵਫ਼ਦ ਵਿਚ ਪ੍ਰਿੰਸੀਪਲ ਰੁਚੀ ਗਰੋਵਰ, ਬਿੰਦੀਆ, ਵਿੱਕੀ ਪੰਚਾਲ, ਗੁਰਜੰਟ ਸਿੰਘ, ਕੁਲਦੀਪ ਸਿੰਘ, ਸ਼ਬਨਮ, ਰਾਮ ਚੰਦਰ, ਸੁਖਮਨੀ, ਰਾਮ ਕ੍ਰਿਪਾਲ, ਸੁਖਵਿੰਦਰ ਤੇ ਸ਼ਾਮਾ ਦੇਵੀ ਸ਼ਾਮਿਲ ਸਨ, ਜਿਨ੍ਹਾਂ ਨੇ ਸਾਖ਼ਰਤਾ ਲਿਹਰ ਪ੍ਰਤੀ ਕਾਫ਼ੀ ਮੇਹਨਤ ਕੀਤੀ ਅਤੇ ਸਟਾਲ ’ਤੇ ਬੱਚਿਆਂ ਨੂੰ ਵਧੀਆ ਢੰਗ ਨਾਲ ਜਾਣਕਾਰੀ ਦਿੱਤੀ।

ਪਿਛਲੀ ਖ਼ਬਰ ਗੁਰਦੁਆਰਾ ਬੰਗਲਾ ਸਾਹਿਬ ਵਿਖੇ ਕੜਾਹ ਪ੍ਰਸਾਦ ਦੀ ਪਰਚੀ ਲਈ ਆਟੋਮੈਟਿਕ ਸੈੱਲਫ਼ ਸਰਵਿਸ ਮਸ਼ੀਨ ਸ਼ੁਰੂ ਅਗਲੀ ਖ਼ਬਰ ਸੱਤਿਆ ਨਿਕੇਤਨ ਪੀ.ਜੀ. ਵਿਖੇ ਹੋਏ ਹਾਦਸੇ ਤੋਂ ਬਾਅਦ ਵਿਦਿਆਰਥੀ ਸਹਿਮੇ