ਐਸ. ਡੀ. ਐਮ. ਨੇ ਇਕ ਹੱਲ ਕੈਂਪ 'ਚ ਜਨਤਕ ਸ਼ਿਕਾਇਤਾਂ ਸੁਣੀਆਂ ਜਨਤਾ ਨੂੰ ਹੱਲ ਕੈਂਪ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣਾ ਚਾਹੀਦੈ-ਕੈਪਟਨ ਪ੍ਰਮੇਸ਼ ਸਿੰਘ <br/>

ਐੱਸ. ਡੀ. ਐਮ. ਗੂਹਲਾ ਜਨਤਾ ਦੀਆਂ ਸ਼ਿਕਾਇਤਾਂ ਸੁਣਦੇ ਹੋਏ | ਤਸਵੀਰ : ਓ. ਪੀ. ਸੈਣੀ <br/> 23-01-2026

ਗੂਹਲਾ ਚੀਕਾ, 22 ਜਨਵਰੀ (ਓ. ਪੀ. ਸੈਣੀ)-ਐਸ. ਡੀ. ਐਮ. ਕੈਪਟਨ ਪ੍ਰਮੇਸ਼ ਸਿੰਘ ਨੇ ਵੀਰਵਾਰ ਨੂੰ ਲਗਾਏ ਗਏ ਇਕ ਹੱਲ ਕੈਂਪ 'ਚ ਨਾਗਰਿਕਾਂ ਦੀਆਂ ਸ਼ਿਕਾਇਤਾਂ ਸੁਣੀਆਂ ਤੇ ਸੰਬੰਧਿਤ ਵਿਭਾਗਾਂ ਦੇ ਅਧਿਕਾਰੀਆਂ ਤੋਂ ਮੌਕੇ 'ਤੇ ਹੀ ਉਨ੍ਹਾਂ ਦਾ ਹੱਲ ਕਰਵਾਇਆ | ਉਨ੍ਹਾਂ ਕਿਹਾ ਕਿ ਜਨਤਕ ਸ਼ਿਕਾਇਤਾਂ ਦੇ ਤੁਰੰਤ ਹੱਲ ਨੂੰ ਯਕੀਨੀ ਬਣਾਉਣ ਲਈ ਸਬ-ਡਿਵੀਜਨ ਪੱਧਰ 'ਤੇ ਹਫ਼ਤੇ 'ਚ ਦੋ ਵਾਰ ਹੱਲ ਕੈਂਪ ਲਗਾਏ ਜਾਂਦੇ ਹਨ | ਜਨਤਾ ਨੂੰ ਇਨ੍ਹਾਂ ਹੱਲ ਕੈਂਪਾਂ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣਾ ਚਾਹੀਦਾ ਹੈ | ਇਹ ਕੈਂਪ ਹਰ ਸੋਮਵਾਰ ਤੇ ਵੀਰਵਾਰ ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਐਸਡੀਐਮ ਦਫ਼ਤਰ ਵਿਚ ਲਗਾਏ ਜਾਂਦੇ ਹਨ | ਹੱਲ ਕੈਂਪ 'ਚ ਲੋਕ ਜਾਇਦਾਦ ਆਈਡੀ, ਬੁਢਾਪਾ ਪੈਨਸ਼ਨ, ਪਰਿਵਾਰਕ ਪਛਾਣ ਪੱਤਰ, ਬਿਜਲੀ, ਸਿੱਖਿਆ, ਸਿਹਤ ਆਦਿ ਨਾਲ ਸੰਬੰਧਿਤ ਆਪਣੀਆਂ ਸਮੱਸਿਆਵਾਂ ਦਾ ਮੌਕੇ 'ਤੇ ਹੀ ਹੱਲ ਕਰਵਾ ਸਕਦੇ ਹਨ | ਐਸ. ਡੀ. ਐਮ. ਨੇ ਕਿਹਾ ਕਿ ਸਾਰੇ ਅਧਿਕਾਰੀ ਜਨਤਕ ਮੁੱਦਿਆਂ ਦੇ ਹੱਲ ਲਈ ਇਕ ਜਗ੍ਹਾ 'ਤੇ ਹੱਲ ਕੈਂਪ 'ਚ ਮੌਜੂਦ ਹਨ | ਵਿਭਾਗ ਜਨਤਕ ਮੁੱਦਿਆਂ ਦੇ ਹੱਲ ਲਈ ਤਾਲਮੇਲ ਨਾਲ ਕੰਮ ਕਰ ਰਹੇ ਹਨ | ਸਮਾਧਾਨ ਕੈਂਪ ਦੌਰਾਨ ਪ੍ਰਾਪਤ ਹੋਈ ਕਿਸੇ ਵੀ ਸ਼ਿਕਾਇਤ ਦਾ ਹੱਲ ਸੰਬੰਧਿਤ ਵਿਭਾਗਾਂ ਦੇ ਅਧਿਕਾਰੀਆਂ ਦੁਆਰਾ ਮੌਕੇ 'ਤੇ ਹੀ ਕੀਤਾ ਜਾਂਦਾ ਹੈ | ਪ੍ਰਸ਼ਾਸਨ ਰਾਜ ਸਰਕਾਰ ਦੀਆਂ ਲੋਕ ਭਲਾਈ ਸਕੀਮਾਂ ਨੂੰ ਲਾਗੂ ਕਰਨ ਅਤੇ ਜਨਤਕ ਮੁੱਦਿਆਂ ਨੂੰ ਹੱਲ ਕਰਨ ਲਈ ਵਚਨਬੱਧ ਹੈ |

ਪਿਛਲੀ ਖ਼ਬਰ ਗਣਤੰਤਰ ਦਿਵਸ ਦੇ ਮੱਦੇਨਜ਼ਰ ਟੋਹਾਣਾ ਸਿਟੀ ਪੁਲਿਸ ਵਲੋਂ ਰੇਲਵੇ ਸਟੇਸ਼ਨ, ਬੱਸ ਅੱਡਾ ਤੇ ਮੁੱਖ ਦਫ਼ਤਰਾਂ ਦੀ ਚੈਕਿੰਗ <b... ਅਗਲੀ ਖ਼ਬਰ ਗਣਤੰਤਰ ਦਿਵਸ ਸਮਾਰੋਹ ਸਰਕਾਰੀ ਮਾਡਲ ਸੰਸਕਿ੍ਤੀ ਸੀਨੀਅਰ ਸਕੂਲ ਚੀਕਾ ਵਿਖੇ ਆਯੋਜਿਤ ਫਾਈਨਲ ਗਣਤੰਤਰ ਦਿਵਸ ਰਿਹਰਸਲ ਕੱਲ...