ਪੰਜਾਬੀ ਨੂੰ ਬਾਲ ਜਿਨਸੀ ਅਪਰਾਧਾਂ ਦੇ ਮਾਮਲੇ ’ਚ ਸਾਢੇ ਚਾਰ ਸਾਲ ਦੀ ਕੈਦ

ਲੰਡਨ, 17 ਅਗਸਤ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਇਕ ਅੰਡਰਕਵਰ ਪੁਲਿਸ ਅਧਿਕਾਰੀ ਵੱਲੋਂ 14 ਸਾਲਾ ਲੜਕੇ ਦੇ ਨਾਂਅ ’ਤੇ ਬਣਾਈ ਗਈ ਫਰਜ਼ੀ ਆਨਲਾਈਨ ਪ੍ਰੋਫਾਈਲ ਨਾਲ ਜਿਨਸੀ ਗੱਲਬਾਤ ਕਰਨ ਤੇ ਮੁਲਾਕਾਤ ਦਾ ਪ੍ਰਬੰਧ ਕਰਨ ਦੇ ਦੋਸ਼ਾਂ ਹੇਠ 25 ਸਾਲਾ ਗੁਰਪ੍ਰੀਤ ਸਿੰਘ ਨੂੰ ਸਾਢੇ ਚਾਰ ਸਾਲ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ। ਵੁਲਵਰਹੈਂਪਟਨ ਕਰਾਊਨ ਕੋਰਟ ਵਿਚ ਦੱਸਿਆ ਗਿਆ ਕਿ 21 ਫਰਵਰੀ 2025 ਨੂੰ ਇਕ ਅੰਡਰਕਵਰ ਪੁਲਿਸ ਅਧਿਕਾਰੀ ਨੇ ਬਾਲਗਾਂ ਲਈ ਬਣੇ ਇਕ ਸੋਸ਼ਲ ਮੀਡੀਆ ਪਲੇਟਫਾਰਮ ’ਤੇ ਫਰਜ਼ੀ ਪ੍ਰੋਫਾਈਲ ਬਣਾਈ ਤੇ ਆਪਣੇ ਆਪ ਨੂੰ 14 ਸਾਲਾ ਸਮਲਿੰਗੀ ਲੜਕਾ ਦੱਸਿਆ।