ਮੋਕੀ (ਚੀਨ), 10 ਸਤੰਬਰ (ਪੀ. ਟੀ. ਆਈ.)-ਭਾਰਤ ਨੇ ਚੀਨ ਦੇ ਮੋਕੀ ’ਚ ਚਲ ਰਹੇ ਮਹਿਲਾ ਜੂਨੀਅਰ ਏਸ਼ੀਆ ਕੱਪ ਦੇ ਕੁਆਰਟਰ ਫਾਈਨਲ ਵਿਚ ਪਾਕਿਸਤਾਨ ਨੂੰ 19-0 ਨਾਲ ਕਰਾਰੀ ਹਾਰ ਦੇ ਕੇ ਸੈਮੀਫਾਈਨਲ ਵਿਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਪੂਜਾ ਸਾਹੂ ਨੇ 7ਵੇਂ ਮਿੰਟ ਵਿਚ ਭਾਰਤ ਲਈ ਪਹਿਲਾ ਗੋਲ ਦਾਗਿਆ। ਇਸ ਤੋਂ ਬਾਅਦ ਨਿਯਮਤ ਗੋਲ ਹੁੰਦੇ ਰਹੇ ਅਤੇ ਮੌਜੂਦਾ ਚੈਂਪੀਅਨ ਭਾਰਤ ਨੇ ਪਾਕਿਸਤਾਨ ਨੂੰ ਪੂਰੀ ਤਰ੍ਹਾਂ ਬੇਵੱਸ ਕਰੀ ਰੱਖਿਆ। ਭਾਰਤ ਅੱਧੇ ਸਮੇਂ ਤੱਕ 10 ਗੋਲ ਕਰ ਚੁੱਕਾ ਸੀ, ਜਿਸ ’ਚ ਸਾਨਿਕਾ ਮਾਨੇ ਨੇ ਦੋ ਗੋਲ ਵੀ ਸ਼ਾਮਿਲ ਸਨ, ਜਦੋਂਕਿ ਪਾਕਿਸਤਾਨ ਦੀ ਸਕੋਰ ਸ਼ੀਟ ਪੂਰੀ ਤਰ੍ਹਾਂ ਸਾਫ਼ ਸੀ।ਖੇਡ ਦੁਬਾਰਾ ਸ਼ੁਰੂ ਹੋਣ ’ਤੇ 9 ਹੋਰ ਗੋਲ ਹੋਏ, ਜਿਨ੍ਹਾਂ ’ਚ ਪੂਜਾ ਮਲਿਕ ਦੀ ਹੈਟ੍ਰਿਕ ਅਤੇ ਸੁਪ੍ਰੀਆ ਤੇ ਪੂਰਨਿਮਾ ਯਾਦਵ ਦੇ ਦੋ-ਦੋ ਗੋਲ ਵੀ ਸ਼ਾਮਿਲ ਸਨ। ਦੂਜੇ ਪਾਸੇ, ਪਾਕਿਸਤਾਨ ਕੋਲ ਭਾਰਤ ਦੇ ਲਗਾਤਾਰ ਹਮਲਿਆਂ ਦਾ ਕੋਈ ਜਵਾਬ ਨਹੀਂ ਸੀ। ਜ਼ਿਕਰਯੋਗ ਹੈ ਕਿ ਭਾਰਤ ਦੀਆਂ ਨਜ਼ਰਾਂ ਮਹਿਲਾ ਜੂਨੀਅਰ ਏਸ਼ੀਆ ਕੱਪ ਖ਼ਿਤਾਬ ਦੀ ਹੈਟ੍ਰਿਕ ’ਤੇ ਹੈ।ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ 2023 ਅਤੇ 2024 ਵਿਚ ਖ਼ਿਤਾਬ ਆਪਣੇ ਨਾਂਅ ਕੀਤਾ ਸੀ।
