ਫ਼ੀਫ਼ਾ ਵਿਸ਼ਵ ਕੱਪ ਫਾਈਨਲ ਦੀ ਟਿਕਟ ਦੀ ਕੀਮਤ 11 ਹਜ਼ਾਰ ਡਾਲਰ ਤੱਕ ਪੁੱਜੀ <br/>

ਜ਼ਿਊਰਿਖ, 2 ਅਪ੍ਰੈਲ (ਇੰਟ.)-11 ਜੂਨ ਤੋਂ ਅਮਰੀਕਾ, ਕੈਨੇਡਾ ਤੇ ਮੈਕਸੀਕੋ 'ਚ ਹੋਣ ਵਾਲੇ ਵਿਸ਼ਵ ਕੱਪ ਫੁੱਟਬਾਲ ਟੂਰਨਾਮੈਂਟ ਵਿਚ ਹਿੱਸਾ ਲੈਣ ਵਾਲੀਆਂ 48 ਟੀਮਾਂ ਦੀ ਪੁਸ਼ਟੀ ਤੋਂ ਬਾਅਦ ਫੀਫਾ ਨੇ ਫਾਈਨਲ ਮੈਚ ਲਈ ਵੱਧ ਤੋਂ ਵੱਧ ਟਿਕਟ ਦੀ ਕੀਮਤ 10,990 ਡਾਲਰ ਕਰ ਦਿੱਤੀ ਹੈ | ਜਦੋਂ ਫੀਫਾ ਨੇ ਦਸੰਬਰ ਵਿਚ ਟੂਰਨਾਮੈਂਟ ਦੇ ਡਰਾਅ ਤੋਂ ਬਾਅਦ ਵਿਕਰੀ ਲਈ ਟਿਕਟਾਂ ਜਾਰੀ ਕੀਤੀਆਂ, ਤਾਂ ਸ਼੍ਰੇਣੀ 1 ਦੀਆਂ ਟਿਕਟਾਂ ਦੀ ਕੀਮਤ 8,680 ਡਾਲਰ ਸੀ | ਨਿਊ ਜਰਸੀ ਦੇ ਈਸਟ ਰਦਰਫੋਰਡ ਦੇ ਮੈਟਲਾਈਫ ਸਟੇਡੀਅਮ ਵਿਚ 19 ਜੁਲਾਈ ਨੂੰ ਹੋਣ ਵਾਲੇ ਫਾਈਨਲ ਮੈਚ ਲਈ, ਫੀਫਾ ਦੀਆਂ ਸ਼੍ਰੇਣੀ 2 ਦੀਆਂ ਟਿਕਟਾਂ ਦੀ ਕੀਮਤ 7,380 ਡਾਲਰ ਕਰ ਦਿੱਤੀ ਗਈ ਹੈ, ਜੋ ਕਿ ਪਹਿਲੀ ਕੀਮਤ ਤੋਂ 5,575 ਡਾਲਰ ਵੱਧ ਹੈ | ਇਸੇ ਤਰ੍ਹਾਂ, ਸ਼੍ਰੇਣੀ 3 ਦੀਆਂ ਟਿਕਟਾਂ ਦੀ ਕੀਮਤ 5,785 ਡਾਲਰ ਰੱਖੀ ਗਈ ਹੈ, ਜੋ ਪਿਛਲੀ ਕੀਮਤ ਨਾਲੋਂ 4,185 ਡਾਲਰ ਦਾ ਵਾਧਾ ਹੈ |