ਪਾਈਏ ਜਿੱਥੋਂ ਵਿੱਦਿਆ ਦਾਨ
ਸਕੂਲ ਹੈ ਸਾਡਾ ਬੜਾ ਮਹਾਨ।
ਸੀਸ ਨਿਵਾਕੇ ਅੰਦਰ ਜਾਈਏ
ਬੰਨ੍ਹ ਕਤਾਰਾਂ ਸਭਾ 'ਚ ਆਈਏ
ਰਲ ਮਿਲ ਗਾਈਏ ਰਾਸ਼ਟਰੀ ਗਾਨ।
ਸਭਾ 'ਚ ਸੁਣੀਏ ਸੁਹਣੀਆਂ ਗੱਲਾਂ
'ਮਾਰਿਓ ਬੱਚਿਓ ਉੱਚੀਆਂ ਮੱਲਾਂ'
ਰੋਜ਼ ਅਧਿਆਪਕ ਕਰਨ ਵਿਖਿਆਨ ।
ਚਾਵਾਂ ਨਾਲ ਕਲਾਸਾਂ ਲਾਈਏ
ਵਿੱਦਿਆ ਦਾ ਅਸੀਂ ਦੀਪ ਜਗਾਈਏ
ਪਾਈਏ ਨਿੱਤ ਹੀ ਨਵਾਂ ਗਿਆਨ।
ਲੈਬ 'ਚ ਜਾ ਪ੍ਰਯੋਗ ਕਰੀਏ
ਭੇਤ ਅਨੋਖੇ ਆਪਾਂ ਫੜੀਏ
ਬਹੁਤ ਵਚਿੱਤਰ ਹੈ ਵਿਗਿਆਨ ।
ਲਾਇਬਰੇਰੀ ਵਿਚ ਢੇਰ ਕਿਤਾਬਾਂ
ਮਨ ਦੇ ਅੰਦਰ ਲਾਵਣ ਦਾਬਾਂ
ਖਿੜੇਗਾ ਇਕ ਦਿਨ ਗੁਲਿਸਤਾਨ ।
ਹਿੰਦੂ ਮੁਸਲਿਮ ਸਿੱਖ ਇਸਾਈ
ਸਾਰੇ ਰਲ ਮਿਲ ਕਰਨ ਪੜ੍ਹਾਈ
ਸਭ ਨੇ ਇੱਥੇ ਇਕ ਸਮਾਨ।
ਸਕੂਲ ਹੈ ਸਾਡਾ ਬੜਾ ਮਹਾਨ।
-ਬਗੀਚੀ ਮੁਹੱਲਾ, ਮਾਹਿਲਪੁਰ, ਜ਼ਿਲ੍ਹਾ ਹੁਸ਼ਿਆਰਪੁਰ।
ਮੋਬਾਈਲ : 98550-24495
