ਸ਼ਹਿਣਾ, 21 ਮਈ (ਸੁਰੇਸ਼ ਗੋਗੀ)-ਸ਼ਹਿਣਾ ਵਿਖੇ ਖੇਤਾਂ ਦੀਆਂ ਮੋਟਰਾਂ ਤੋਂ ਲਗਾਤਾਰ ਤਾਰਾਂ ਵੱਢਣ ਦਾ ਸਿਲਸਿਲਾ ਜਿੱਥੇ ਲਗਾਤਾਰ ਜਾਰੀ ਹੈ, ਉੱਥੇ ਬੀਤੀ ਰਾਤ ਚੋਰ ਗਰੋਹ ਨੇ ਈਸ਼ਰ ਸਿੰਘ ਵਾਲਾ ਨੂੰ ਜਾਂਦੀ ਪਹੀ 'ਤੇ ਕਿਸਾਨ ਸੁਖਪਾਲ ਸਿੰਘ ਪੱੁਤਰ ਮਲਕੀਤ ਸਿੰਘ ਦੇ ਖੇਤ 'ਚੋਂ ਟਰਾਂਸਫ਼ਾਰਮਰ ਗਰੈਂਡਰ ਨਾਲ ਵੱਢ ਕੇ ਤੇਲ ਅਤੇ ਤਾਂਬਾ ਚੋਰੀ ਕਰ ਲਿਆ ਅਤੇ ਕਈ ਕਿਸਾਨਾਂ ਦੀਆਂ ਕੇਬਲ ਤਾਰਾਂ ਵੀ ਵੱਢ ਲਈਆਂ | ਨੇੜੇ ਹੀ ਇਕ ਕਿਸਾਨ ਦੇ ਖੇਤ ਵਿਚ ਪਏ ਟਰੈਕਟਰ ਪਿੱਛੇ ਸੁਹਾਗਾ ਪਾਉਣ ਲਈ ਪਏ ਸੰਗਲ ਵੀ ਚੋਰੀ ਕਰ ਲਏ ਗਏ |
