ਹੰਡਿਆਇਆ, 7 ਮਈ (ਗੁਰਜੀਤ ਸਿੰਘ ਖੁੱਡੀ)-ਸ੍ਰੀ ਗੁਰੂ ਤੇਗ਼ ਬਹਾਦਰ ਸਾਹਿਬ ਖੇਡ ਸਟੇਡੀਅਮ ਹੰਡਿਆਇਆ ਵਿਖੇ ਲੜਕੇ-ਲੜਕੀਆਂ ਦੇ ਬਾਸਕਟਬਾਲ ਲੀਗ ਮੁਕਾਬਲੇ 9 ਮਈ ਨੂੰ ਕਰਵਾਏ ਜਾਣਗੇ | ਇਹ ਜਾਣਕਾਰੀ ਸੇਰ-ਏ-ਪੰਜਾਬ ਬਾਸਕਟਬਾਲ ਕਲੱਬ ਹੰਡਿਆਇਆ ਦੇ ਅਹੁਦੇਦਾਰ ਅਮਨਦੀਪ ਕੁਮਾਰ ਸ਼ਰਮਾ, ਅਰਵਿੰਦ ਕੁਮਾਰ ਨੇ ਸਾਂਝੇ ਤੌਰ 'ਤੇ ਦਿੱਤੀ ਤੇ ਦੱਸਿਆ ਕਿ ਇਹ ਖੇਡਾਂ 'ਅਕਾਲ ਯੁਕਤ ਭੁਲੱਥ ਬਾਸਕਟਬਾਲ' ਵਲੋਂ ਪੰਜਾਬ ਬਾਸਕਟਬਾਲ ਐਸੋਸੀਏਸ਼ਨ (ਪੰਜਾਬ) ਜ਼ਿਲਾ ਬਰਨਾਲਾ ਦੇ ਸਹਿਯੋਗ ਨਾਲ ਕਰਵਾਈਆਂ ਜਾਣਗੀਆਂ | ਇਸ ਲੀਗ ਦੇ ਮੁਕਾਬਲੇ 9 ਮਈ ਨੂੰ ਸ਼ਾਮ 5 ਵਜੇ ਪਹਿਲਾ ਲੜਕੀਆਂ ਦੇ ਮਾਝਾ ਕੋਇਨ-ਪੁਆਧ ਕੋਇਨ ਦੇ ਕਰਵਾਏ ਜਾਣਗੇ, ਦੂਜਾ ਮੁਕਾਬਲਾ ਮਾਝਾ ਲਾਈਨਜ-ਪੁਆਧ ਕਿੰਗ ਦੇ ਹੋਣਗੇ | ਇਸ ਮੌਕੇ ਖੇਡ ਪ੍ਰਮੋਟਰ ਪਿੰਕਾ ਜਰਗ ਵਿਸ਼ੇਸ਼ ਤੌਰ 'ਤੇ ਪਹੁੰਚਣਗੇ | ਇਸ ਮੌਕੇ ਕੌਮੀ ਖਿਡਾਰੀ ਮਾਸਟਰ ਮਹਿੰਦਰ ਸਿੰਘ ਸਰਾਂ, ਕੋਚ ਇੰਦਰਜੀਤ ਸਿੰਘ, ਗੁਰਲਾਲ ਰਿਸ਼ੀ, ਬਸਾਵਾ ਸਿੰਘ ਭਰੀ, ਅਵਤਾਰ ਸਿੰਘ ਸੋਨੀ, ਜਸਵੀਰ ਸਿੰਘ ਜੰਟੀ, ਜਗਮੀਤ ਸਿੰਘ, ਮਨਦੀਪ ਸਿੰਘ, ਹਰਮਨਦੀਪ ਸਿੰਘ, ਹਰਪਾਲ ਸਿੰਘ, ਹੈਪੀ ਕੁਮਾਰ ਖਿਡਾਰੀ ਆਦਿ ਹਾਜ਼ਰ ਸਨ |