ਜਦੋਂ ਸਿਵਲ ਤੇ ਪੁਲਿਸ ਪ੍ਰਸ਼ਾਸਨ ਬਲਾਕ ਸੰਮਤੀ ਮਲੌਦ ਦੇ ਜੇਤੂ ਉਮੀਦਵਾਰਾਂ ਨੂੰ ਉਡੀਕਦਾ ਰਿਹਾ

ਮਲੌਦ, 5 ਮਾਰਚ (ਕੁਲਵਿੰਦਰ ਸਿੰਘ ਨਿਜ਼ਾਮਪੁਰ, ਦਿਲਬਾਗ ਸਿੰਘ ਚਾਪੜਾ)-ਬਲਾਕ ਸੰਮਤੀ ਮਲੌਦ ਦੀ ਪਿਛਲੇ ਸਮੇਂ ਹੋਈ 15 ਮੈਂਬਰਾਂ ਦੀ ਚੋਣ ਵਿਚ ਆਮ ਆਦਮੀ ਪਾਰਟੀ ਹਾਕਮ ਧਿਰ ਦੇ ਤਿੰਨ, ਕਾਂਗਰਸ ਪਾਰਟੀ ਦੇ ਛੇ ਅਤੇ ਸ੍ਰੋਮਣੀ ਅਕਾਲੀ ਦਲ (ਬ) ਦੇ ਛੇ ਮੈਂਬਰ ਜੇਤੂ ਰਹੇ ਸੀ | ਜ਼ਿਕਰਯੋਗ ਹੈ ਕਿ ਬਹੁਮਤ ਲਈ 8 ਮੈਂਬਰਾਂ ਦੀ ਲੋੜ ਹੈ | ਪ੍ਰੰਤੂ ਕਿਸੇ ਵੀ ਧਿਰ ਕੋਲ ਬਹੁਮਤ ਨਹੀਂ ਹੈ | ਅੱਜ ਬਲਾਕ ਸੰਮਤੀ ਦੇ ਐਸ. ਸੀ ਸ਼੍ਰੇਣੀ ਦੇ ਚੇਅਰਮੈਨ ਤੇ ਇਸਤਰੀ ਵਰਗ ਲਈ ਉਪ-ਚੇਅਰਮੈਨ ਦੀ ਚੋਣ ਕਰਵਾਉਣ ਸਬੰਧੀ ਅੱੈਸ. ਡੀ. ਐੱਮ. ਪਾਇਲ ਪ੍ਰੀਤਇੰਦਰ ਸਿੰਘ ਬੈਂਸ ਤੇ ਡੀ. ਐਸ. ਪੀ (ਡੀ) ਮੋਹਿਤ ਸਿੰਗਲਾ ਪਹੁੰਚੇ | ਪਰ ਨਿਰਧਾਰਿਤ ਸ਼ਰਤਾਂ ਅਨੁਸਾਰ ਪਾਲਣਾ ਕਰਦਿਆਂ ਜਦੋਂ ਕੋਈ ਵੀ ਸਿਆਸੀ ਧਿਰ ਨਾਲ ਸੰਬੰਧਿਤ ਮੈਂਬਰ ਹਾਜ਼ਰ ਨਾ ਹੋਣ ਕਾਰਨ ਅਗਲੇ ਹੁਕਮਾਂ ਤੱਕ ਚੋਣ ਮੁਕੰਮਲ ਕਰਨ ਦੀ ਅਗਲੀ ਤਰੀਕ ਰੱਖੀ ਜਾਵੇਗੀ |