ਰਾਏਕੋਟ, 22 ਫਰਵਰੀ (ਬਲਵਿੰਦਰ ਸਿੰਘ ਲਿੱਤਰ)-ਪੁਲਿਸ ਜ਼ਿਲ੍ਹਾ ਲੁਧਿਆਣਾ ਦਿਹਾਤੀ ਦੇ ਐੱਸ.ਐੱਸ.ਪੀ ਡਾ. ਅੰਕੁਰ ਗੁਪਤਾ ਦੀ ਅਗਵਾਈ ਹੇਠ ਨਸ਼ਿਆਂ ਖਿਲਾਫ਼ ਵਿੱਡੀ ਮੁਹਿੰਮ ਤਹਿਤ ਡੀ.ਐੱਸ.ਪੀ ਰਾਏਕੋਟ ਹਰਜਿੰਦਰ ਸਿੰਘ ਸਦਕਾ ਪੁਲਿਸ ਥਾਣਾ ਸਿਟੀ ਰਾਏਕੋਟ ਦੇ ਐੱਸ.ਐੱਚ.ਓ ਗੁਰਸੇਵਕ ਸਿੰਘ ਪੁਲਿਸ ਪਾਰਟੀ ਸਮੇਤ ਚੈਕਿੰਗ ਦੌਰਾਨ ਮੁਖਬਰ ਦੀ ਇਤਲਾਹ 'ਤੇ ਮੁਹੱਲਾ ਕੱਚਾ ਕਿਲ੍ਹਾ ਨੇੜੇ ਨਸ਼ਾ ਵੇਚਣ ਦੀ ਆੜ੍ਹ ਵਿਚ ਦਵਿੰਦਰ ਸਿੰਘ ਉਰਫ਼ ਵੀਰੂ ਵਾਸੀ ਮੁਹੱਲਾ ਕੱਚਾ ਕਿਲ੍ਹਾ ਰਾਏਕੋਟ, ਜੋ ਆਪਣੇ ਮੋਟਰਸਾਈਕਲ ਸਪਲੈਂਡਰ ਪੀ.ਬੀ.-56-ਡੀ-3414 'ਤੇ ਖੜ੍ਹਾ ਨਸ਼ੇ ਵੇਚਣ ਲਈ ਗ੍ਰਾਹਕਾਂ ਦੀ ਉਡੀਕ ਕਰ ਰਿਹਾ ਸੀ ਅਤੇ ਉਸ ਵਲੋਂ ਗੁਰਮੀਤ ਸਿੰਘ ਉਰਫ਼ ਰਵੀ ਵਾਸੀ ਮੁਹੱਲਾ ਮੌਲਵੀਆਂ ਰਾਏਕੋਟ, ਪਰਮਿੰਦਰ ਸਿੰਘ ਉਰਫ਼ ਜੰਟਾ ਵਾਸੀ ਨੇੜੇ ਕੁਤਬਾ ਗੇਟ ਰਾਏਕੋਟ, ਤੁਸ਼ਾਰ ਕੁਮਾਰ ਉਰਫ਼ ਹਨੀ ਵਾਸੀ ਬੁਰਜ ਹਰੀ ਸਿੰਘ ਅਤੇ ਕਰਮਜੀਤ ਸਿੰਘ ਉਰਫ਼ ਕਰਮੀ ਵਾਸੀ ਈਦਗਾਹ ਰੋਡ ਰਾਏਕੋਟ, ਜੋ ਆਪਣੀਆਂ ਸਕੂਟਰੀਆਂ ਪੀ.ਬੀ.-10-ਜੇ.ਐੱਫ-8226 ਅਤੇ ਪੀ.ਬੀ.-10-ਐੱਚ.ਸੀ-2362 ਉੱਪਰ ਸਵਾਰ ਹੋ ਕੇ ਆਏ ਸਨ, ਨੂੰ ਆਪਣੇ ਨਾਲ ਸਿੱਕੀ ਦੀ ਮੋਟਰ ਮੁਹੱਲਾ ਕੱਚਾ ਕਿਲ੍ਹਾ 'ਤੇ ਲੈ ਗਿਆ ਹੈ ਅਤੇ ਉੱਥੇ ਜਾ ਕੇ ਨਸ਼ੀਲੀਆਂ ਗੋਲੀਆਂ ਵੇਚਣ ਲੱਗਾ | ਜਿਸ ਤਹਿਤ ਪੁਲਿਸ ਨੇ ਕਾਰਵਾਈ ਕਰਦਿਆਂ ਮੌਕੇ ਉੱਪਰ ਪੁੱਜ ਕੇ ਉਕਤਾਨ ਨੂੰ ਨਸ਼ੀਲੀਆਂ ਗੋਲੀਆਂ ਸਮੇਤ ਕਾਬੂ ਕੀਤਾ | ਜਿਨ੍ਹਾਂ ਖਿਲਾਫ਼ ਮੁਕੱਦਮਾ ਦਰਜ਼ ਕੀਤਾ ਗਿਆ ਹੈ |
