ਖੰਨਾ, 19 ਫਰਵਰੀ (ਹਰਜਿੰਦਰ ਸਿੰਘ ਲਾਲ)-ਖੰਨਾ ਦੇ ਵਾਰਡ ਨੰਬਰ 19 ਦੀ ਸੰਜਨਾ ਨੇ ਨੈਸ਼ਨਲ ਜਿਮਨਾਸਟਿਕ ਵਿੱਚ ਅੰਡਰ 18 ਵਿਚੋਂ 2 ਚਾਂਦੀ ਅਤੇ 1 ਕਾਂਸੇ ਮੈਡਲ ਲੈ ਕੇ ਖੰਨਾ ਸ਼ਹਿਰ ਦਾ ਅਤੇ ਆਪਣੇ ਮਾਪਿਆਂ ਦਾ ਨਾਮ ਰੌਸ਼ਨ ਕੀਤਾ ਹੈ | ਵਰਨਣਯੋਗ ਗੱਲ ਇਹ ਹੈ ਕੀ ਸੰਜਨਾ ਦੇ ਮਾਪੇ ਦੋਵੇਂ ਜੀਅ ਅਪਾਹਜ ਹਨ ਅਤੇ ਸੰਜਨਾ ਦੇ ਪਿਤਾ ਨਗਰ ਕੌਂਸਲ ਵਿੱਚ ਠੇਕੇਦਾਰੀ ਰਾਹੀ ਪੰਪ ਉਪ੍ਰੇਟਰ ਹਨ, ਸੰਜਨਾ ਜੋ ਮਹਾਰਾਸ਼ਟਰ ਦੇ ਪੁਣੇ ਵਿਖੇ ਹੋਈਆਂ ਨੈਸ਼ਨਲ ਜਿਮਨਾਸਟਿਕ ਅੰਡਰ 18 ਦੌਰਾਨ ਇਹ ਮੈਡਲ ਲੈ ਕੇ ਆਉਣ ਤੇ ਇਲਾਕੇ ਦੀ ਕੌਂਸਲਰ ਰੂਬੀ ਭਾਟੀਆ ਵੱਲੋਂ ਕੇ ਸਨਮਾਨਿਤ ਕੀਤਾ ਗਿਆ | ਰੂਬੀ ਭਾਟੀਆ ਨੇ ਕਿਹਾ ਕਿ ਸੰਜਨਾ ਇਸ ਉਮਰ ਵਿੱਚ ਉੱਚੀਆਂ ਬੁਲੰਦੀ ਨੂੰ ਛੂਹ ਰਹੀ ਹੈ, ਆਉਣ ਵਾਲੇ ਸਮੇਂ ਵਿੱਚ ਇਹ ਬੇਟੀ ਇੰਟਰਨੈਸ਼ਨਲ ਜਿਮਨਾਸਟਿਕ ਵਿੱਚ ਭਾਗ ਲੈ ਕੇ ਖੰਨਾ ਸ਼ਹਿਰ ਦਾ ਨਾਮ ਉੱਚਾ ਕਰੇਗੀ |
