ਅਹਿਮਦਗੜ੍ਹ, 28 ਜਨਵਰੀ (ਰਵਿੰਦਰ ਪੁਰੀ)-ਪਿੰਡ ਸੁਧਾਰ ਕਮੇਟੀ ਛਪਾਰ ਵਲੋਂ ਸਲਾਨਾ ਸਮਾਗਮ ਧੂਮ ਧਾਮ ਨਾਲ ਕਰਵਾਇਆ | ਕਮੇਟੀ ਦੇ ਮੁੱਖ ਪ੍ਰਬੰਧਕ ਸਾਬਕਾ ਸਰਪੰਚ ਜੋਰਾ ਸਿੰਘ ਕਨੇਡਾ ਤੇ ਬਲਜੀਤ ਸਿੰਘ ਛਪਾਰ ਦੀ ਅਗਵਾਈ ਹੇਠ ਹੋਏ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਹਲਕਾ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਸਮਾਰੋਹ ਦੌਰਾਨ ਪਿੰਡ ਛਪਾਰ ਦੇ ਪੜਾਈ ਅਤੇ ਖੇਡਾਂ 'ਚ ਅੱਵਲ ਰਹਿਣ ਵਾਲੇ ਵਿਦਿਆਰਥੀ ਸਨਮਾਨਿਤ ਕੀਤੇ ਗਏ | ਇਸ ਮੌਕੇ 'ਤੇ ਸੰਬੋਧਨ ਕਰਦਿਆਂ ਵਿਧਾਇਕ ਇਯਾਲੀ ਨੇ ਕਿਹਾ ਕਿ ਪਿੰਡਾਂ ਵਿਚ ਅਜਿਹੀਆਂ ਸਮਾਜ ਸੇਵੀ ਸੰਸਥਾਵਾਂ ਸਥਾਪਿਤ ਹੋਣੀਆਂ ਚਾਹੀਦੀਆਂ ਹਨ | ਇਸ ਮੌਕੇ 'ਤੇ ਪਿ੍ੰਸੀਪਲ ਖੁਸਬਲਹਾਰ ਸਿੰਘ, ਨੈਸ਼ਨਲ ਅਵਾਰਡੀ ਪਾਲੀ ਖਾਦਿਮ, ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਪ੍ਰਦੀਪ ਕੌਰ ਲਤਾਲਾ, ਜਗਤਾਰ ਸਿੰਘ ਨੀਲਾ ਲਤਾਲਾ, ਸੁਖਵਿੰਦਰ ਸਿੰਘ ਗੋਰਾ ਕਨੇਡਾ, ਹੋਸ਼ਿਆਰ ਸਿੰਘ ਛਪਾਰ, ਹਿੰਮਤ ਸਿੰਘ, ਦਵਿੰਦਰ ਸਿੰਘ, ਜਗਤਾਰ ਸਿੰਘ, ਰੂਪ ਸਿੰਘ, ਪ੍ਰਗਟ ਸਿੰਘ ਆਦਿ ਵਿਸ਼ੇਸ਼ ਮਹਿਮਾਨ ਸਨ | ਸਮਾਰੋਹ ਦੌਰਾਨ ਪਿੰਡ ਸੁਧਾਰ ਕਮੇਟੀ ਵਲੋਂ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਦਾ ਵਿਸ਼ੇਸ਼ ਸਹਿਯੋਗ ਦੇਣ ਸੰਬੰਧੀ ਸਨਮਾਨ ਵੀ ਕੀਤਾ ਗਿਆ |
