ਬਠਿੰਡਾ, 14 ਅਪ੍ਰੈਲ (ਵੀਰਪਾਲ ਸਿੰਘ)-ਟਰਾਂਸਫ਼ਾਰਮਰਾਂ ਦੇ ਰੇਡੀਏਟਰ ਬਣਾਉਣ ਵਾਲੀ ਕੰਪਨੀ 'ਚੋਂ ਤਾਂਬਾ ਚੋਰੀ ਕਰਨ ਦੇ ਮਾਮਲੇ ਵਿਚ ਇਕ ਵਿਅਕਤੀ ਨੂੰ ਗਿ੍ਫ਼ਤਾਰ ਕੀਤਾ ਗਿਆ | ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਅਰਜਨ ਸਿੰਘ ਵਲੋਂ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਸੁਨੀਲ ਗਰਗ ਪੁੱਤਜ ਰਾਜਿੰਦਰ ਗਰਗ ਮਾਨਸਾ ਵਲੋਂ ਥਾਣਾ ਸਦਰ ਵਿਖੇ ਦਰਜ ਕਰਵਾਈ ਗਈ ਸ਼ਿਕਾਇਤ ਵਿਚ ਦੱਸਿਆ ਕਿ 7 ਅਪ੍ਰੈਲ ਨੂੰ ਸੁਰਜੀਵਲ ਲਾਲ ਵਾਸੀ ਬਾਬਾ ਫ਼ਰੀਦ ਨਗਰ ਬਠਿੰਡਾ ਵਲੋਂ ਮੇਰੀ ਟਰਾਂਸਫ਼ਾਰਮਰਾਂ ਦੀ ਰੇਡੀਏਟਰ ਬਣਾਉਣ ਵਾਲੀ ਮਸ਼ੀਨ ਵਿਚੋਂ ਤਾਂਬੇ ਦੀਆਂ ਡਿਸਕਾਂ ਚੋਰੀ ਕਰਕੇ ਲੈ ਗਿਆ | ਪੁਲਿਸ ਵਲੋਂ ਸ਼ਿਕਾਇਤ ਕਰਤਾ ਦੇ ਬਿਆਨਾਂ ਦੇ ਆਧਾਰ 'ਤੇ ਉਕਤ ਵਿਅਕਤੀ 'ਤੇ ਥਾਣਾ ਸਦਰ ਵਿਖੇ ਚੋਰੀ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ |
