ਗ੍ਰੀਨ ਸਿਟੀ ਫੇਜ਼-1 ਵਿਖੇ ਪੰਚਵਟੀ ਸ਼ਿਵਾਲਾ ਮੰਦਰ ’ਚ ਮੂਰਤੀ ਸਥਾਪਨਾ ਤੇ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ
ਬਠਿੰਡਾ, 22 ਅਗਸਤ (ਅੰਮ੍ਰਿਤਪਾਲ ਸਿੰਘ ਵਲ੍ਹਾਣ)- ਗ੍ਰੀਨ ਸਿਟੀ ਫੇਜ਼-1, ਬਠਿੰਡਾ ਵਿਖੇ ਪੰਚਵਟੀ ਸ਼ਿਵਾਲਾ ਮੰਦਰ ਵਿਚ ਅੱਜ ਮੂਰਤੀ ਸਥਾਪਨਾ ਅਤੇ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਬੜੀ ਸ਼ਰਧਾ ਭਾਵਨਾ ਨਾਲ ਕਰਵਾਇਆ ਗਿਆ। ਇਸ ਮੌਕੇ ਕਾਲੋਨੀ ਵਾਸੀਆਂ ਤੋਂ ਇਲਾਵਾ ਸ਼ਹਿਰ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਵੀ ਸ਼ਿਰਕਤ ਕਰਕੇ ਭਗਵਾਨ ਸ਼ਿਵ ਦਾ ਆਸ਼ੀਰਵਾਦ ਪ੍ਰਾਪਤ ਕੀਤਾ।
ਬਠਿੰਡਾ, 22 ਅਗਸਤ (ਅੰਮ੍ਰਿਤਪਾਲ ਸਿੰਘ ਵਲ੍ਹਾਣ)- ਗ੍ਰੀਨ ਸਿਟੀ ਫੇਜ਼-1, ਬਠਿੰਡਾ ਵਿਖੇ ਪੰਚਵਟੀ ਸ਼ਿਵਾਲਾ ਮੰਦਰ ਵਿਚ ਅੱਜ ਮੂਰਤੀ ਸਥਾਪਨਾ ਅਤੇ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਬੜੀ ਸ਼ਰਧਾ ਭਾਵਨਾ ਨਾਲ ਕਰਵਾਇਆ ਗਿਆ। ਇਸ ਮੌਕੇ ਕਾਲੋਨੀ ਵਾਸੀਆਂ ਤੋਂ ਇਲਾਵਾ ਸ਼ਹਿਰ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਵੀ ਸ਼ਿਰਕਤ ਕਰਕੇ ਭਗਵਾਨ ਸ਼ਿਵ ਦਾ ਆਸ਼ੀਰਵਾਦ ਪ੍ਰਾਪਤ ਕੀਤਾ। ਸਮਾਗਮ ਦੌਰਾਨ ਮੰਦਰ ਵਿਚ ਵਿਧੀਵਤ ਪੂਜਾ-ਅਰਚਨਾ ਕੀਤੀ ਗਈ। ਸਮਾਗਮ ਵਿਚ ਸਾਬਕਾ ਸੰਸਦੀ ਸਕੱਤਰ ਸਰੂਪ ਚੰਦ ਸਿੰਗਲਾ, ਸਾਬਕਾ ਚੇਅਰਮੈਨ ਯੋਜਨਾ ਬੋਰਡ ਬਠਿੰਡਾ ਅੰਮ੍ਰਿਤ ਲਾਲ ਅਗਰਵਾਲ, ਕਾਂਗਰਸ ਬਠਿੰਡਾ ਸ਼ਹਿਰੀ ਦੇ ਜ਼ਿਲ੍ਹਾ ਪ੍ਰਧਾਨ ਐਡਵੋਕੇਟ ਰਾਜਨ ਗਰਗ, ਹਲਕਾ ਇੰਚਾਰਜ ਸ਼੍ਰੋਮਣੀ ਅਕਾਲੀ ਦਲ ਬਠਿੰਡਾ ਇਕਬਾਲ ਸਿੰਘ ਬਬਲੀ ਢਿੱਲੋਂ, ਬਠਿੰਡਾ ਦਿਹਾਤੀ ਸ੍ਰੋਅਦ ਦੇ ਜ਼ਿਲ੍ਹਾ ਪ੍ਰਧਾਨ ਜਗਸੀਰ ਸਿੰਘ ਜੱਗਾ ਕਲਿਆਣ ਅਤੇ ਬਠਿੰਡਾ ਸ਼ਹਿਰੀ ਦੇ ਜ਼ਿਲ੍ਹਾ ਪ੍ਰਧਾਨ ਸੁਸ਼ੀਲ ਕੁਮਾਰ ਗੋਲਡੀ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ। ਇਸ ਤੋਂ ਇਲਾਵਾ ਗ੍ਰੀਨ ਸਿਟੀ ਵੈੱਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਡਾ. ਸੰਜੀਵ ਪਾਠਕ, ਸਾਬਕਾ ਪ੍ਰਧਾਨ ਡਾ. ਓਮ ਪ੍ਰਕਾਸ਼ ਸ਼ਰਮਾ, ਪ੍ਰਸ਼ਾਂਤ ਗੋਇਲ, ਸਕੱਤਰ-ਖਜ਼ਾਨਚੀ ਪਵਨ ਅਰੋੜਾ, ਆਰ.ਕੇ. ਵਧਵਾ, ਰਾਜਿੰਦਰ ਸਿੰਗਲਾ, ਭਗਵਾਨ ਦਾਸ ਜਿੰਦਲ, ਨੈਸ਼ਨਲ ਐਵਾਰਡੀ ਡਾ. ਨਰੇਂਦਰ ਬੱਸੀ, ਐਕਸੀਅਨ ਬਿਜਲੀ ਬੋਰਡ ਮਹਲ ਗੁਪਤਾ, ਸੀ.ਏ. ਅਰੁਣ ਕੁਮਾਰ, ਡੀ.ਐੱਮ. ਪਨਸਪ ਵਨੀਤ ਗੋਇਲ, ਅਮਿਤ ਲਾਲ ਖੁਰਾਣਾ, ਕਮਲ ਜੀ ਅਤੇ ਡਾ. ਰਾਕੇਸ਼ ਗੋਇਲ ਸਮੇਤ ਸਮੂਹ ਕਾਲੋਨੀ ਵਾਸੀ ਹਾਜ਼ਰ ਰਹੇ।
