ਗੁਰੂਹਰਸਹਾਏ, 18 ਅਪ੍ਰੈਲ (ਹਰਚਰਨ ਸਿੰਘ ਸੰਧੂ )-ਗੁਰੂਹਰਸਹਾਏ ਦੀ ਨੇੜਲੀ ਬਸਤੀ ਕੇਸਰ ਸਿੰਘ ਵਾਲਾ (ਖੈਰੇ ਕੇ )ਦੇ ਵਾਸੀ ਪਿਆਰਾ ਸਿੰਘ, ਦਰਬਾਰਾ ਸਿੰਘ, ਬਲਕਾਰ ਸਿੰਘ ਨੂੰ ਉਸ ਵੇਲੇ ਵੱਡਾ ਸਦਮਾ ਲੱਗਾ, ਜਦੋਂ ਉਹਨਾਂ ਦੇ ਪਿਤਾ ਜੱਗਾ ਸਿੰਘ ਇਕ ਹਾਦਸੇ ਦੌਰਾਨ ਅਕਾਲ ਚਲਾਣਾ ਕਰ ਗਏ | ਇਸ ਸਦਮੇ 'ਤੇ ਵੱਖ ਵੱਖ ਰਾਜਨੀਤਿਕ ਪਾਰਟੀਆਂ,ਪੰਚਾਂ ਸਰਪੰਚਾਂ ਅਤੇ ਹੋਰ ਸਨੇਹੀ ਸੱਜਣਾਂ ਮਿੱਤਰਾਂ ਨੇ ਦੁੱਖ ਸਾਂਝਾ ਕੀਤਾ | ਇਸ ਤਹਿਤ ਹੀ ਗੁਰੂਹਰਸਹਾਏ ਦੇ ਸੀਨੀਅਰ ਕਾਂਗਰਸੀ ਆਗੂ ਗੁਰਦੀਪ ਸਿੰਘ ਢਿੱਲੋਂ ਮੈਂਬਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਨੇ ਜੱਗਾ ਸਿੰਘ ਦੇ ਅਕਾਲ ਚਲਾਣੇ 'ਤੇ ਉਹਨਾਂ ਦੇ ਘਰ ਜਾ ਕੇ ਪਰਿਵਾਰਕ ਮੈਂਬਰਾਂ ਨਾਲ ਦੁੱਖ ਪ੍ਰਗਟ ਕੀਤਾ ਅਤੇ ਕਿਹਾ ਕਿ ਬਜ਼ੁਰਗਾਂ ਦੀ ਘਰ ਵਿਚ ਹਮੇਸ਼ਾ ਲੋੜ ਰਹਿੰਦੀ ਹੈ ਪਰ ਇਕ ਹਾਦਸੇ ਦੇ ਦੌਰਾਨ ਹੋਈ ਮੌਤ ਨੇ ਪਰਿਵਾਰ ਨੂੰ ਬਜ਼ੁਰਗਾਂ ਦੇ ਪਿਆਰ ਤੋਂ ਵਾਂਝਾ ਕਰ ਦਿੱਤਾ | ਇਸ ਮੌਕੇ ਬਗ਼ੀਚਾ ਸਿੰਘ ਬਸਤੀ ਕੇਸਰ ਸਿੰਘ ਵਾਲਾ, ਨੈਬ ਸਿੰਘ ਤਾਰੇ ਵਾਲਾ, ਪਿ੍ਤਪਾਲ ਸਿੰਘ ਤਾਰੇਵਾਲਾ, ਪ੍ਰੀਤਮ ਸਿੰਘ ਬੇਦੀ ਗੁਰੂਹਰਸਹਾਏ, ਮੀਤਾ ਸਚਦੇਵਾ ਸਮੇਤ ਕਈ ਹੋਰ ਵੀ ਹਾਜ਼ਰ ਸਨ |
