ਸੰਗਰੂਰ, 1 ਜੁਲਾਈ (ਧੀਰਜ ਪਸੋਰੀਆ) - ਸੈਲਰ ਮਾਲਿਕ ਜਿੱਥੇ ਐਫਸੀਆਈ ਵੱਲੋਂ ਗੋਦਾਮਾਂ ਵਿੱਚੋਂ ਚੌਲ ਨਾ ਚੁੱਕੇ ਜਾਣ ਤੋਂ ਪਰੇਸ਼ਾਨ ਹਨ ਉੱਥੇ ਕੀਤੇ ਗਏ ਖਰਚਿਆਂ ਦਾ ਸਮੇਂ ਸਿਰ ਭੁਗਤਾਨ ਨਾ ਕੀਤੇ ਜਾਣ ਕਾਰਨ ਵੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰ ਰਹੇ ਹਨ। ਜ਼ਿਲਾ ਸੰਗਰੂਰ ਮਲੇਰਕੋਟਲਾ ਸੈਲਰ ਐਸੋਸੀਏਸ਼ਨ ਦੇ ਪ੍ਰਧਾਨ ਹਰਦੀਪ ਸਿੰਘ ਬੁੱਟਰ ਨੇ ‘ਅਜੀਤ’ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਝੋਨੇ ਦੇ ਸੀਜਨ ਦੌਰਾਨ ਏਜੰਸੀਆਂ ਵੱਲੋਂ ਖਰੀਦੇ ਜਾਂਦੇ ਝੋਨੇ ਦੀ ਭਰਾਈ ਲਈ ਅੱਧਾ ਬਾਰਦਾਨਾ ਸੈਲਰਾਂ ਮਾਲਿਕਾਂ ਵੱਲੋਂ ਮਹਈਆ ਕਰਵਾਇਆ ਜਾਂਦਾ ਹੈ। ਇਸੇ ਤਰ੍ਹਾਂ ਝੋਨੇ ਦੀ ਮਿਲਿੰਗ ਕਰਨ ਤੋਂ ਬਾਅਦ ਤਿਆਰ ਹੋਏ ਚੌਲ ਨੂੰ ਸੈਲਰ ਮਾਰਕਾਂ ਵੱਲੋਂ ਆਪਣੇ ਖਰਚੇ ਤੇ ਹੀ ਐਫਸੀਆਈ ਦੇ ਗੋਦਾਮਾਂ ਵਿੱਚ ਪਹੁੰਚਾਇਆ ਜਾਂਦਾ ਹੈ। ਇਨਾਂ ਖਰਚਿਆਂ ਦਾ ਐਫਸੀਆਈ ਵੱਲੋਂ ਸਮੇਂ ਸਿਰ ਭਗਤਾਨ ਨਾ ਕੀਤੇ ਜਾਣ ਕਾਰਨ ਸੈਲਰ ਮਾਲਕਾਂ ਨੂੰ ਆਰਥਿਕ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਿਲਾ ਪ੍ਰਧਾਨ ਸ੍ਰੀ ਬੁੱਟਰ ਨੇ ਐਫਸੀਆਈ ਤੋਂ ਮੰਗ ਕੀਤੀ ਹੈ ਕਿ ਜੋ ਸੈਲਰ ਮਾਲਕ ਆਪਣਾ ਮੀਲਿੰਗ ਦਾ ਕੰਮ ਨਿਪਟਾ ਚੁੱਕੇ ਹਨ ਉਹਨਾਂ ਨੂੰ ਯੂਜਰ ਚਾਰਜ ਅਤੇ ਟਰਾਂਸਪੋਰਟ ਖਰਚਿਆਂ ਦਾ ਤੁਰੰਤ ਭੁਗਤਾਨ ਕੀਤਾ ਜਾਵੇ। ਇਹਨਾਂ ਵਿਚਾਰਾਂ ਦੀ ਰਜੇਸ਼ ਗਾਂਧੀ,ਅਸ਼ੋਕ ਕੁਮਾਰ, ਨਰਿੰਦਰ ਕੁਮਾਰ,ਕੇਵਲ ਕੁਮਾਰ, ਹਾਕਮ ਸਿੰਘ, ਪਰਮਜੀਤ ਸਿੰਘ,ਲਾਭ ਸਿੰਘ, ਸੁਰੇਸ਼ ਜਿੰਦਲ,ਚਿਨੂੰ ਸਿੰਗਲਾ ਚਰਨਜੀਤ ਸ਼ਰਮਾ ਅਤੇ ਹੋਰਨਾਂ ਨੇ ਪਰੋੜਤਾ ਕੀਤੀ ਹੈ।
