ਸੁਨਾਮ ਊਧਮ ਸਿੰਘ ਵਾਲਾ, 24 ਮਈ (ਭੁੱਲਰ, ਧਾਲੀਵਾਲ) - 26 ਮਈ ਨੂੰ ਹੋਣ ਜਾ ਰਹੀਆਂ ਨਗਰ ਕੌਂਸਲ ਸੁਨਾਮ ਦੀਆਂ ਚੋਣਾਂ ਲਈ ਕੁੱਲ 85 ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ | ਜਦੋਂ ਕਿ ਵਾਰਡ ਨੰਬਰ-2 ਤੋਂ ਸਾਬਕਾ ਨਗਰ ਕੌਂਸਲਰ ਗੁਰਤੇਗ ਸਿੰਘ ਨਿੱਕਾ ਅਤੇ ਵਾਰਡ ਨੰਬਰ-6 ਤੋਂ ਵਰੁਨ ਮਦਾਨ ਉਰਫ਼ ਮੌਂਟੀ ਮਦਾਨ ਪਹਿਲਾਂ ਹੀ ਨਿਰਵਿਰੋਧ ਚੁਣੇ ਗਏ ਹਨ | ਪ੍ਰਸ਼ਾਸਨ ਵੱਲੋਂ ਇਨ੍ਹਾਂ ਚੋਣਾਂ ਲਈ ਕੁਲ 53 ਪੋਲਿੰਗ ਬੂਥ ਬਣਾਏ ਗਏ ਸਨ ਪਰ ਵਾਰਡ ਨੰਬਰ-2 ਅਤੇ ਵਾਰਡ ਨੰਬਰ-6 ਦੇ 4 ਪੋਲਿੰਗ ਬੂਥਾਂ ਦੇ ਉਮੀਦਵਾਰ ਨਿਰਵਿਰੋਧ ਚੁਣੇ ਜਾਣ ਕਾਰਨ ਹੁਣ 49 ਪੋਲਿੰਗ ਬੂਥਾਂ ਜਰੀਏ ਕੌਂਸਲਰਾਂ ਦੀ ਚੋਣ ਹੋਵੇਗੀ | ਇਨ੍ਹਾਂ ਪੋਲਿੰਗ ਬੂਥਾਂ ਚ 4 ਪੋਲਿੰਗ ਬੂਥ ਅਤੀ ਸੰਵੇਦਨਸ਼ੀਲ ਅਤੇ 11 ਸੰਵੇਦਨਸ਼ੀਲ ਐਲਾਨ ਗਏ ਹਨ |
