ਅਮਰਗੜ੍ਹ, 7 ਮਈ (ਪਵਿੱਤਰ ਸਿੰਘ, ਜਤਿੰਦਰ ਮੰਨਵੀ) - ਪੰਜਾਬ ਫੋਟੋਗ੍ਰਾਫਰ ਐਸੋਸੀਏਸ਼ਨ ਅਮਰਗੜ੍ਹ ਦੀ ਇਕੱਤਰਤਾ ਹਰਵੀਰ ਸਿੰਘ ਜੁੱਗੀ ਅਤੇ ਪ੍ਰੇਮ ਕੁਮਾਰ ਘਈ ਦੀ ਅਗਵਾਈ ਵਿਚ ਹੋਈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੈੱ੍ਰਸ ਸਕੱਤਰ ਸੁਖਜਿੰਦਰ ਸਿੰਘ ਸੰਜੂ ਨੇ ਦੱਸਿਆ ਕਿ ਇਸ ਇਕੱਤਰਤਾ ਦੌਰਾਨ ਪੰਜਾਬ ਫੋਟੋਗ੍ਰਾਫਰ ਐਸੋਸੀਏਸ਼ਨ ਇਕਾਈ ਅਮਰਗੜ੍ਹ ਦੀ ਸਰਬਸੰਮਤੀ ਨਾਲ ਹੋਈ ਚੋਣ ਵਿਚ ਮਨਜੀਤ ਸਿੰਘ ਸਿਆਣ ਨੂੰ ਪ੍ਰਧਾਨ, ਬਲਜੀਤ ਕੁਮਾਰ ਬਨਭੌਰਾ ਨੂੰ ਮੀਤ ਪ੍ਰਧਾਨ, ਹਰਬੀਰ ਸਿੰਘ ਜੁੱਗੀ ਅਤੇ ਪ੍ਰੇਮ ਕੁਮਾਰ ਘਈ ਨੂੰ ਸਰਪ੍ਰਸਤ, ਸੋਹਣ ਸਿੰਘ ਸੋਨੂ ਨੂੰ ਜਨਰਲ ਸਕੱਤਰ, ਇੰਦਰਪਾਲ ਸ਼ਰਮਾ ਨੂੰ ਸਹਾਇਕ ਜਨਰਲ ਸਕੱਤਰ, ਹਰਪ੍ਰੀਤ ਸਿੰਘ ਨੂੰ ਖਜਾਨਚੀ, ਮਨਪ੍ਰੀਤ ਸਿੰਘ ਨੂੰ ਸਹਾਇਕ ਖ਼ਜ਼ਾਨਚੀ ਅਤੇ ਦਵਿੰਦਰ ਸਿੰਘ ਗਿੱਲ ਨੂੰ ਸਹਾਇਕ ਪੈੱ੍ਰਸ ਸਕੱਤਰ ਚੁਣਿਆ ਗਿਆ | ਚੋਣ ਉਪਰੰਤ ਪ੍ਰਧਾਨ ਮਨਜੀਤ ਸਿੰਘ ਸਿਆਣ ਨੇ ਅਮਰਗੜ੍ਹ ਇਕਾਈ ਦੇ ਸਾਰੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਫੋਟੋਗ੍ਰਾਫਰਾਂ ਦੀਆਂ ਸਮੱਸਿਆਵਾਂ ਨੂੰ ਪਹਿਲ ਤੇ ਆਧਾਰ 'ਤੇ ਹੱਲ ਕਰਵਾਉਣ ਲਈ ਯਤਨਸ਼ੀਲ ਰਹਿਣਗੇ ਅਤੇ ਆਪਣੀ ਜ਼ਿੰਮੇਵਾਰੀ ਨੂੰ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਨਿਭਾਉਣਗੇ | ਇਸ ਮੌਕੇ ਪਰਮਜੀਤ ਸਿੰਘ, ਨੀਟੂ ਖੇੜੀ ਜੱਟਾਂ, ਮੇਜਰ ਸਿੰਘ, ਬੰਟੀ ਬਨਭਰਾ, ਮਨੀ ਚੌਂਦਾ ਅਤੇ ਵਿੱਕੀ ਸਟੂਡੀਓ ਆਦਿ ਮੈਂਬਰ ਹਾਜ਼ਰ ਸਨ |