ਦਿੜ੍ਹਬਾ ਮੰਡੀ, 14 ਅਪ੍ਰੈਲ (ਹਰਬੰਸ ਸਿੰਘ ਛਾਜਲੀ)-ਦਿੜ੍ਹਬਾ ਦੀ ਪਿ੍ਆ ਗੋਇਲ ਨੇ ਗੁਜਰਾਤ ਨਿਆਇਕ ਪ੍ਰੀਖਿਆ ਪਾਸ ਕਰ ਕੇ ਇਲਾਕੇ ਦਾ ਨਾਂਅ ਰੌਸ਼ਨ ਕੀਤਾ ਹੈ, ਨੂੰ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਮੈਂਬਰ ਗੁਲਜ਼ਾਰ ਸਿੰਘ ਬੌਬੀ ਨੇ ਸਨਮਾਨਿਤ ਕੀਤਾ | ਪਿ੍ਆ ਗੋਇਲ ਨੇ ਅਪਣੀ ਇਸ ਸਫਲਤਾ ਦਾ ਸਿਹਰਾ ਮਾਪਿਆਂ ਦੇ ਅਸ਼ੀਰਵਾਦ ਅਤੇ ਸਖ਼ਤ ਮਿਹਨਤ ਨੂੰ ਦਿੱਤਾ ਹੈ | ਗੁਲਜ਼ਾਰ ਬੌਬੀ ਨੇ ਗੋਇਲ ਪਰਿਵਾਰ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਪ੍ਰੀਆ ਗੋਇਲ ਦੀ ਸਫਲਤਾ ਨਾਲ ਪਿਛੜੇ ਹਲਕੇ ਦਿੜ੍ਹਬੇ ਦਾ ਨਾਂਅ ਰੌਸ਼ਨ ਹੋਇਆ ਹੈ | ਜਿਸ ਨਾਲ ਇਲਾਕੇ ਦੇ ਹੋਰ ਵਿਦਿਆਰਥੀਆਂ ਨੂੰ ਵੀ ਪ੍ਰੇਰਨਾ ਮਿਲੇਗੀ | ਇਸ ਮੌਕੇ ਹਰਵਿੰਦਰ ਸਿੰਘ ਚੇਅਰਮੈਨ ਮਾਰਕੀਟ ਕਮੇਟੀ ਸੂਲਰ ਘਰਾਟ, ਰਣਜੀਤ ਸਿੰਘ ਖੇਤਲਾ, ਜਗਦੀਸ਼ ਸਿੰਘ, ਡਾਕਟਰ ਰਾਜ, ਗੁਰਸੇਵਕ ਸਿੰਘ, ਡਾਕਟਰ ਜਗਰਾਜ ਸਿੰਘ ਵੀ ਮੌਜੂਦ ਸਨ |
