22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 02-04-2026

ਬਲਾਕ ਸੰਮਤੀ ਦੇ ਚੇਅਰਮੈਨ ਦੀ ਚੋਣ ਦੂਜੀ ਵਾਰ ਰੱਦ ਹੋਣ ਤੋਂ ਖ਼ਫ਼ਾ ਕਾਂਗਰਸ ਦੇ ਮੈਂਬਰਾਂ ਨੇ ਸੱਤਾਧਾਰੀ ਧਿਰ ਨੂੰ ਲਿਆ ਆੜੇ ਹੱਥੀਂ

ਬਲਾਕ ਸੰਮਤੀ 'ਚ ਕਾਂਗਰਸ ਨਾਲ ਸਬੰਧਤ 6 ਮੈਂਬਰ ਆਪਣੇ ਸਮਰਥਕਾਂ ਨਾਲ, ਤਸਵੀਰ ਵਿਚ ਬਲਾਕ ਕਾਂਗਰਸ ਪ੍ਰਧਾਨ ਰੌਕੀ ਬਾਂਸਲ, ਮਨਜੀਤ ਸਿੰਘ ਭਿੰਡਰਾਂ, ਕੁਲਵਿੰਦਰ ਸਿੰਘ ਕਿੰਦਾ ਅਕੋਈ ਸਾਹਿਬ ਵੀ ਨਜ਼ਰ ਆ ਰਹੇ ਹਨ | ਤਸਵੀਰ: ਮੁਕੇਸ਼ ਕੁਮਾਰ <br/> 02-04-2026
ਸੰਗਰੂਰ, 1 ਅਪ੍ਰੈਲ (ਅਮਨਦੀਪ ਸਿੰਘ ਬਿੱਟਾ) - ਬਲਾਕ ਸੰਮਤੀ ਸੰਗਰੂਰ ਦੇ ਚੇਅਰਮੈਨ ਦੀ ਤੈਅਸ਼ੁਦਾ ਚੋਣ ਅੱਜ ਅਚਾਨਕ ਰੱਦ ਕੀਤੇ ਜਾਣ ਤੋਂ ਖ਼ਫ਼ਾ ਕਾਂਗਰਸ ਨਾਲ ਸਬੰਧਤ 6 ਬਲਾਕ ਸੰਮਤੀ ਮੈਂਬਰਾਂ ਨੇ ਆਪਣੀ ਇਕੱਤਰਤਾ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਸੱਤਾਧਾਰੀ ਧਿਰ ਚੋਣ ਕਰਵਾਉਣ ਤੋਂ ਭੱਜ ਰਹੀ ਹੈ ਅਤੇ ਲੋਕਤੰਤਰੀ ਕਦਰਾਂ ਕੀਮਤਾਂ ਦਾ ਘਾਣ ਕਰ ਰਹੀ ਹੈ | ਬਲਾਕ ਕਾਂਗਰਸ ਦੇ ਪ੍ਰਧਾਨ ਰੌਕੀ ਬਾਂਸਲ ਅਤੇ ਯੂਥ ਕਾਂਗਰਸ ਆਗੂ ਮਨਜੀਤ ਸਿੰਘ ਭਿੰਡਰਾਂ ਦੀ ਅਗਵਾਈ ਹੇਠ ਕਾਂਗਰਸ ਪਾਰਟੀ ਦੇ 6 ਬਲਾਕ ਸੰਮਤੀ ਮੈਂਬਰ ਜਿਨ੍ਹਾਂ ਵਿਚ ਜਸਵੀਰ ਸਿੰਘ ਭਿੰਡਰਾਂ ਜੋਨ, ਕਰਮਜੀਤ ਕੌਰ ਬਾਲੀਆ ਜੋਨ, ਕੁਲਵਿੰਦਰ ਸਿੰਘ ਕਿੰਦਾ ਅਕੋਈ ਸਾਹਿਬ ਜੋਨ, ਮਨਦੀਪ ਕੌਰ ਬੰਗਾਵਾਲੀ ਜੋਨ, ਜਗਜੀਤ ਸਿੰਘ ਜੱਗੀ ਚੰਗਾਲ ਜੋਨ ਅਤੇ ਬੂਟਾ ਸਿੰਘ ਜੋਨ ਫਤਹਿਗੜ੍ਹ ਛੰਨਾ ਨੇ ਚੇਅਰਮੈਨ ਦੀ ਦਫ਼ਤਰ ਪੁੱਜੇ ਕੇ ਆਪਣੀ ਮੌਜੂਦਗੀ ਪ੍ਰਸ਼ਾਸਨ ਕੋਲ ਦਰਜ ਕਰਵਾਉਣ ਦਾ ਯਤਨ ਕੀਤਾ | ਰੌਕੀ ਬਾਂਸਲ ਅਤੇ ਮਨਜੀਤ ਸਿੰਘ ਭਿੰਡਰਾਂ ਨੇ ਦੱਸਿਆ ਕਿ ਬਹੁਮਤ ਨਾ ਹੋਣ ਕਾਰਨ ਸੱਤਾਧਾਰੀ ਧਿਰ ਆਪ ਪਾਰਟੀ ਨੇ ਲਗਾਤਾਰ ਦੂਜਾ ਵਾਰ ਤੈਅਸ਼ੁਦਾ ਤਾਰੀਖ਼ ਉੱਤੇ ਚੋਣ ਮੁਲਤਵੀ ਕਰਵਾਈ ਹੈ | ਉਨ੍ਹਾਂ ਕਿਹਾ ਕਿ ਰਾਤੀ ਬੀ.ਡੀ.ਪੀ.ਓ ਨੇ ਫ਼ੋਨ ਰਾਹੀਂ ਮੈਂਬਰਾਂ ਨੂੰ ਚੋਣ ਮੁਲਤਵੀ ਹੋਣ ਪ੍ਰਤੀ ਇਤਲਾਹ ਦਿੱਤੀ ਸੀ | ਉਨ੍ਹਾਂ ਕਿਹਾ ਕਿ ਅੱਜ ਵਾਰ ਵਾਰ ਜੋਰ ਪਾਉਣ ਉੱਤੇ ਉਪ ਮੰਡਲ ਮਜਿਸਟਰੇਟ ਸੰਗਰੂਰ ਨੇ ਉਨ੍ਹਾਂ ਨੂੰ ਲਿਖਤੀ ਪੱਤਰ ਰਾਹੀਂ ਚੋਣ ਰੱਦ ਕਰਵਾਉਣ ਸਬੰਧੀ ਜਾਣੂ ਕਰਵਾਇਆ ਹੈ ਜਿਸ ਵਿਚ ਚੋਣ ਰੱਦ ਹੋਣ ਦਾ ਕਾਰਨ ਪ੍ਰਬੰਧਕੀ ਦੱਸਿਆ ਗਿਆ ਹੈ | ਰੌਕੀ ਬਾਂਸਲ ਨੇ ਖ਼ਦਸ਼ਾ ਜ਼ਾਹਿਰ ਕਰਦਿਆਂ ਕਿਹਾ ਕਿ ਸੰਭਵ ਹੈ ਕਿ ਉਨ੍ਹਾਂ ਦੇ ਮੈਂਬਰ ਗ਼ੈਰਹਾਜ਼ਰ ਦਿਖਾਅ ਕੇ ਪ੍ਰਸ਼ਾਸਨ ਚੁੱਪ ਚੁਪੀਤੇ ਹੀ ਚੋਣ ਕਰਵਾ ਦੇਵੇ ਇਸੇ ਲਈ ਹਰ ਮੀਟਿੰਗ ਵਿਚ ਉਨ੍ਹਾਂ ਦੇ ਮੈਂਬਰ ਹਾਜ਼ਰੀ ਦਰਜ ਕਰਵਾਉਂਦੇ ਹਨ | ਜ਼ਿਕਰਯੋਗ ਹੈ ਕਿ ਬਲਾਕ ਸੰਮਤੀ ਸੰਗਰੂਰ ਦੇ ਕੁੱਲ 15 ਮੈਂਬਰ ਹਨ ਜਿਨ੍ਹਾਂ ਵਿਚੋਂ ਕਾਂਗਰਸ ਦੇ 6, ਆਪ ਪਾਰਟੀ ਦੇ 6 ਮੈਂਬਰ, ਸ਼ੋ੍ਰਮਣੀ ਅਕਾਲੀ ਦਲ 2 ਅਤੇ ਇੱਕ ਆਜ਼ਾਦ ਮੈਂਬਰ ਤੋਂ ਇਲਾਵਾ ਵਿਧਾਇਕ ਦੀ ਵੀ ਵੋਟ ਹੈ | ਕਾਂਗਰਸ ਆਗੂਆਂ ਨੇ ਕਿਹਾ ਕਿ ਆਪ ਪਾਰਟੀ ਅੰਦਰੂਨੀ ਫੁੱਟ ਦਾ ਸਿਕਾਰ ਹੈ ਅਤੇ ਇਸੇ ਧੜੇਬੰਦੀ ਦੇ ਕਾਰਨ ਚੋਣ ਕਰਵਾਉਣ ਤੋਂ ਭੱਜ ਰਹੀ ਹੈ | ਇਸ ਮੌਕੇ ਸਰਪੰਚ ਮੇਘ ਸਿੰਘ ਭਿੰਡਰਾਂ, ਮਨਜੀਤ ਸਿੰਘ ਸਾਬਕਾ ਸਰਪੰਚ, ਵਿੱਕੀ ਬਾਲੀਆ, ਬਿੰਦਰ ਬਾਲੀਆ, ਪ੍ਰਭਲੀਨ ਸਿੰਘ, ਸੁਖਵਿੰਦਰ ਸਿੰਘ ਅਕੋਈ ਸਾਹਿਬ, ਹਰਜਿੰਦਰ ਸਿੰਘ, ਗੁਰਦੀਪ ਸਿੰਘ ਆਦਿ ਕਾਂਗਰਸ ਸਮਰਥਕ ਵੀ ਮੌਜੂਦ ਸਨ |
ਪਿਛਲੀ ਖ਼ਬਰ ਲੰਬੇ ਸਮੇਂ ਤੋਂ ਹੋ ਰਹੇ ਸੀਵਰੇਜ ਓਵਰਫ਼ਲੋ ਦਾ ਮੁੱਦਾ ਗਰਮਾਇਆ ਅਗਲੀ ਖ਼ਬਰ ਆਮ ਆਦਮੀ ਪਾਰਟੀ ਦੀਆਂ ਗਰੰਟੀਆਂ ਤੇ ਕੰਮ ਬੋਲਦੇ ਹਨ - ਡਾ. ਜਮੀਲ ਉਰ ਰਹਿਮਾਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।