ਪੈਨਸ਼ਨਰਜ਼ ਐਸੋਸੀਏਸ਼ਨ ਬਾਘਾ ਪੁਰਾਣਾ ਦੀ ਮਹੀਨਾਵਾਰ ਮੀਟਿੰਗ 4 ਨੂੰ-ਸੁਰਿੰਦਰਪਾਲ ਸਿੰਘ

ਬਾਘਾ ਪੁਰਾਣਾ, 1 ਜੁਲਾਈ (ਟਿੰਕੂ ਕਾਠਪਾਲ)-ਪੰਜਾਬ ਗੌਰਮਿੰਟ ਪੈਨਸ਼ਨਰਜ਼ ਐਸੋਸੀਏਸ਼ਨ (ਰਜਿ:) ਪੰਜਾਬ ਇਕਾਈ ਬਾਘਾ ਪੁਰਾਣਾ ਦੇ ਵਰਕਿੰਗ ਪ੍ਰਧਾਨ ਅਤੇ ਵਿਤ ਸਕੱਤਰ ਨੇ ਪ੍ਰੈੱਸ ਨੂੰ ਇਹ ਜਾਣਕਾਰੀ ਦਿੱਤੀ ਹੈ ਕਿ ਜਥੇਬੰਦੀ ਦੀ ਮਹੀਨਾ ਵਾਰ ਮੀਟਿੰਗ 4 ਜੁਲਾਈ ਨੂੰ ਸਵੇਰੇ 9:30 ਵਜੇ ਤੋਂ 12 ਵਜੇ ਤੱਕ ਨਗਰ ਕਮੇਟੀ ਦੇ ਦਫ਼ਤਰ ਦੇ ਹਾਲ ਵਿਚ ਹੋਵੇਗੀ। ਜ਼ਿਲ੍ਹਾ ਪ੍ਰਧਾਨ ਸੁਖਮੰਦਰ ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਜਿਹੜੇ ਸਾਥੀ ਬਾਹਰਲੇ ਮੁਲਕਾਂ ਵਿਚ ਬੈਠੇ ਹਨ। ਉਨ੍ਹਾਂ ਦਾ ਐਲ.ਟੀ.ਸੀ. ਜੁਲਾਈ 26 ਵਿਚ ਡਿਊ ਹੈ ਜਾਂ ਜਨਵਰੀ 26 ਵਾਲਾ ਰਹਿੰਦਾ ਹੈ ਉਹ ਆਪਣੀ ਈ ਮੇਲ ਸਟੇਟ ਬੈਂਕ ਆਫ਼ ਇੰਡੀਆ ਬਾਘਾ ਪੁਰਾਣਾ ਦੇ ਮੈਨੇਜਰ ਨੂੰ ਭੇਜਣ ਜਾਂ ਜਥੇਬੰਦੀ ਨੂੰ ਸਟੇਟ ਬੈਂਕ ਆਫ਼ ਇੰਡੀਆ ਬਾਘਾ ਪੁਰਾਣਾ ਬੈਂਕ ਵਾਲੇ ਆਪ ਤੁਹਾਡੀ ਈ ਮੇਲ ਰਾਹੀਂ ਤੁਹਾਡਾ ਐਲ.ਟੀ.ਸੀ. ਆਨਲਾਈਨ ਅਪਲਾਈ ਕਰ ਦੇਣਗੇ। ਲੋਕਲ ਸਾਥੀ ਕਿਸੇ ਕੈਫ਼ੇ ਤੋਂ ਜਾ ਕੇ ਅਪਲਾਈ ਕਰਨ। ਉਨ੍ਹਾਂ ਕਿਹਾ ਕਿ ਵਿਸਥਾਰ ਨਾਲ ਸਾਰੇ ਮਸਲੇ ਮੀਟਿੰਗ ਤੇ ਵਿਚਾਰੇ ਜਾਣਗੇ ਅਤੇ 11 ਜੁਲਾਈ ਨੂੰ ਮੋਗੇ ਜ਼ਿਲ੍ਹਾ ਪੱਧਰੀ ਕਨਵੈੱਨਸ਼ਨ ਅਤੇ ਮੋਗਾ ਦੀ ਐਮ.ਐਲ.ਏ. ਦੀ ਰਹਾਇਸ਼ ਵੱਲ ਮਾਰਚ ਕਰਨ ਬਾਰੇ ਵਿਚਾਰ ਚਰਚਾ ਵੀ ਹੋਵੇਗੀ।