ਫ਼ਰੀਦਕੋਟ, 31 ਮਈ (ਜਸਵੰਤ ਸਿੰਘ ਪੁਰਬਾ)-ਜ਼ਿਲ੍ਹਾ ਕਾਂਗਰਸ ਕਮੇਟੀ ਐਸ.ਸੀ ਸੈੱਲ ਦੀ ਪਹਿਲੀ ਮੀਟਿੰਗ ਗੁਰਸੇਵਕ ਸਿੰਘ ਜੈਤੋ ਚੈਅਰਮੈਨ ਦੀ ਪ੍ਰਧਾਨਗੀ ਹੇਠ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਦਫ਼ਤਰ ਵਿਖੇ ਹੋਈ | ਮੀਟਿੰਗ ਵਿਚ ਕਾਂਗਰਸ ਐਸ.ਸੀ ਸੈੱਲ ਫ਼ਰੀਦਕੋਟ ਦੇ ਇੰਚਾਰਜ ਜੀਵਨਜੋਤ ਕੌਰ ਅਤੇ ਐਸ.ਸੀ ਸੈੱਲ ਦੇ ਆਬਜਰਵਰ ਬਲਵੰਤ ਰਾਏ ਸਾਬਕਾ ਮੇਅਰ ਬਠਿੰਡਾ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਹੋਏ | ਮੀਟਿੰਗ ਵਿਚ ਐਸ.ਸੀ ਸੈੱਲ ਨੂੰ ਮਜ਼ਬੂਤ ਬਣਾਉਣ ਅਤੇ ਕਾਂਗਰਸ ਪਾਰਟੀ ਦੇ ਪਿਛਲੇ ਸਮੇਂ ਵਿਚ ਐਸ.ਸੀ ਵਰਗ ਲਈ ਕੀ ਕੀਤਾ ਸੀ, ਦੀ ਜਾਣਕਾਰੀ ਦਿੱਤੀ ਗਈ | ਕਾਂਗਰਸ ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਹੇਠਲੇ ਪੱਧਰ 'ਤੇ ਵਰਕਰਾਂ ਦੇ ਵਿਚਾਰ ਵੀ ਸੁਣੇ ਗਏ ਅਤੇ ਸੰਗਠਨ ਨੂੰ ਮਜ਼ਬੂਤ ਕਰਨ ਲਈ ਸਾਰੇ ਵਰਕਰਾਂ ਨੂੰ ਇਕੱਠੇ ਹੋਣ ਲਈ ਵੀ ਕਿਹਾ ਗਿਆ | ਮੀਟਿੰਗ 'ਚ ਰਮੇਸ਼ ਸਿੰਘ ਦੇਵੀਵਾਲਾ, ਸੁਖਵਿੰਦਰ ਸਿੰਘ ਐਮ.ਸੀ ਕੋਟਕਪੂਰਾ, ਕੁਲਵਿੰਦਰ ਸਿੰਘ ਨੰਬਰਦਾਰ, ਜਗਸੀਰ ਸਿੰਘ ਮੱਤਾ, ਜਲੌਰ ਸਿੰਘ ਸਿਰਸੜੀ, ਬਲਕਰਨ ਸਿੰਘ ਸੂਰਘੁਰੀ, ਕਮਲ ਕੁਮਾਰ ਬਾਗੜੀ, ਲਖਵੀਰ ਸਿੰਘ ਟਿੱਬੀ ਭਰਾਈਆਂ, ਰਮੇਸ਼ ਕੁਮਾਰ ਕੋਟਕਪੂਰਾ, ਰਾਜਵਿੰਦਰ ਕੌਰ ਸਾਬਕਾ ਸਰਪੰਚ ਬਰਗਾੜੀ, ਅਰਮਾਨਦੀਪ ਸਿੰਘ ਜੈਤੋ, ਸਾਨੂੰ ਸਿੰਘ ਸਾਦਿਕ, ਲਖਵਿੰਦਰ ਸਿੰਘ ਕੋਟਸੁਖੀਆ, ਗੁਰਦੀਪ ਸਿੰਘ ਦਬੜੀਖਾਨਾ, ਗੁਰਸੀਸ ਸਿੰਘ ਮੱਤਾ, ਸੂਬਾ ਸਿੰਘ ਸੂਬੇਦਾਰ, ਨਿਰਵੈਰ ਸਿੰਘ ਕਾਸਮ ਭੱਟੀ, ਹਨੀ ਸਿੰਘ ਮਹਿਰਾ, ਚਿਰੰਜੀ ਲਾਲ ਕੋਟਕਪੂਰਾ, ਸੰਦੀਪ ਸਿੰਘ ਸੰਧਵਾਂ ਬਲੋਰ ਸਿੰਘ ਖਾਲਸਾ ਆਦਿ ਹਾਜ਼ਰ ਸਨ |
