ਪ੍ਰਧਾਨ ਮੰਤਰੀ ਨੇ ਕੁਦਰਤੀ ਖੇਤੀ ਦੇਸੀ ਕਪਾਹ ਤੋਂ ਬਣੇ ਰਾਸ਼ਟਰੀ ਝੰਡੇ ਨੂੰ ਕੀਤਾ ਸਵੀਕਾਰ ਰਾਸ਼ਟਰੀ ਹੱਥਖੱਡੀ ਦਿਵਸ ’ ਤੇ , ਖੇਤੀ ਵਿਰਾਸਤ ਮਿਸ਼ਨ ਦਾ ਵਫ਼ਦ ਪ੍ਰਧਾਨ ਮੰਤਰੀ ਨੂੰ ਮਿਲਿਆ
ਜੈਤੋ, 7 ਅਗਸਤ (ਗੁਰਮੀਤਪਾਲ ਰੋੜੀਕਪੂਰਾ)-ਰਾਸ਼ਟਰੀ ਹੱਥਖੱਡੀ ਦਿਵਸ ਦੇ ਮੌਕੇ ’ਤੇ ਖੇਤੀ ਵਿਰਾਸਤ ਮਿਸ਼ਨ ਪੰਜਾਬ ਦੇ 20 ਮੈਂਬਰੀ ਵਫ਼ਦ ਨੇ ਅੱਜ ਸੰਸਦ ਭਵਨ ਵਿਚ ਪ੍ਰਧਾਨ ਮੰਤਰੀ ਦਫ਼ਤਰ ਵਿਖੇ ਮਾਣਯੋਗ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੂੰ ਸਤਿਕਾਰ ਨਾਲ ਭਾਰਤੀ ਰਾਸ਼ਟਰੀ ਝੰਡਾ ਤਿਰੰਗਾ ਭੇਟ ਕੀਤਾ, ਜੋ ਕਿ ਭਾਰਤ ਦੇ ਰਵਾਇਤੀ ਦੇਸੀ, ਕੁਦਰਤੀ ਖੇਤੀ ਦੁਆਰਾ ਉਗਾਈ ਜਾਂਦੀ ਗੈਰ ਬੀਟੀ ਕਪਾਹ, ਅਤੇ ਹੱਥਖੱਡੀ ਨਾਲ ਬੁਣੀ ਖਾਦੀ ਤੋਂ ਹੱਥ ਨਾਲ ਕੱਤੀ ਗਈ ਧਾਗੇ ਤੋਂ ਬਣਿਆ ਹੈ। ਖੇਤੀ ਵਿਰਾਸਤ ਮਿਸ਼ਨ ਦੇ ਕਾਰਜਕਾਰੀ ਨਿਰਦੇਸ਼ਕ ਉਮੇਂਦਰ ਦੱਤ ਨੇ ਦੱਸਿਆ ਕਿ ਵਫ਼ਦ ਵਿਚ 10 ਬੁਣਕਰ ਅਤੇ 10 ਕੁਦਰਤੀ ਕਿਸਾਨ, ਕਿਸਾਨ-ਸਿਖਲਾਈ ਦੇਣ ਵਾਲੇ ਅਤੇ ਇਸ ਪਹਿਲਕਦਮੀ ਨਾਲ ਜੁੜੇ ਕਾਰਕੁੰਨ ਸ਼ਾਮਿਲ ਸਨ।
ਜੈਤੋ, 7 ਅਗਸਤ (ਗੁਰਮੀਤਪਾਲ ਰੋੜੀਕਪੂਰਾ)-ਰਾਸ਼ਟਰੀ ਹੱਥਖੱਡੀ ਦਿਵਸ ਦੇ ਮੌਕੇ ’ਤੇ ਖੇਤੀ ਵਿਰਾਸਤ ਮਿਸ਼ਨ ਪੰਜਾਬ ਦੇ 20 ਮੈਂਬਰੀ ਵਫ਼ਦ ਨੇ ਅੱਜ ਸੰਸਦ ਭਵਨ ਵਿਚ ਪ੍ਰਧਾਨ ਮੰਤਰੀ ਦਫ਼ਤਰ ਵਿਖੇ ਮਾਣਯੋਗ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੂੰ ਸਤਿਕਾਰ ਨਾਲ ਭਾਰਤੀ ਰਾਸ਼ਟਰੀ ਝੰਡਾ ਤਿਰੰਗਾ ਭੇਟ ਕੀਤਾ, ਜੋ ਕਿ ਭਾਰਤ ਦੇ ਰਵਾਇਤੀ ਦੇਸੀ, ਕੁਦਰਤੀ ਖੇਤੀ ਦੁਆਰਾ ਉਗਾਈ ਜਾਂਦੀ ਗੈਰ ਬੀਟੀ ਕਪਾਹ, ਅਤੇ ਹੱਥਖੱਡੀ ਨਾਲ ਬੁਣੀ ਖਾਦੀ ਤੋਂ ਹੱਥ ਨਾਲ ਕੱਤੀ ਗਈ ਧਾਗੇ ਤੋਂ ਬਣਿਆ ਹੈ। ਖੇਤੀ ਵਿਰਾਸਤ ਮਿਸ਼ਨ ਦੇ ਕਾਰਜਕਾਰੀ ਨਿਰਦੇਸ਼ਕ ਉਮੇਂਦਰ ਦੱਤ ਨੇ ਦੱਸਿਆ ਕਿ ਵਫ਼ਦ ਵਿਚ 10 ਬੁਣਕਰ ਅਤੇ 10 ਕੁਦਰਤੀ ਕਿਸਾਨ, ਕਿਸਾਨ-ਸਿਖਲਾਈ ਦੇਣ ਵਾਲੇ ਅਤੇ ਇਸ ਪਹਿਲਕਦਮੀ ਨਾਲ ਜੁੜੇ ਕਾਰਕੁੰਨ ਸ਼ਾਮਿਲ ਸਨ। ਜ਼ਿਆਦਾਤਰ ਬੁਣਕਰ ਨਵ-ਤ੍ਰਿਜਨ ਨਾਲ ਜੁੜੀਆਂ ਪੇਂਡੂ ਮਹਿਲਾ ਕਾਰੀਗਰ ਸਨ, ਜਿਨ੍ਹਾਂ ਨੇ ਕਪਾਹ ਤੋਂ ਧਾਗੇ ਅਤੇ ਧਾਗੇ ਤੋਂ ਖਾਦੀ ਤੱਕ ਦੀ ਇਸ ਯਾਤਰਾ ਨੂੰ ਨਿੱਜੀ ਤੌਰ ’ਤੇ ਸਾਕਾਰ ਕੀਤਾ ਹੈ। ਇਹ ਮੌਕਾ ਸਿਰਫ਼ ਰਾਸ਼ਟਰੀ ਝੰਡੇ ਦੀ ਪੇਸ਼ਕਾਰੀ ਨਹੀਂ ਸੀ, ਸਗੋਂ ਬੀਜ ਤੋਂ ਤਿਰੰਗੇ ਤੱਕਦੀ ਸੰਪੂਰਨ ਸਵਦੇਸ਼ੀ ਯਾਤਰਾ ਦੀ ਰਾਸ਼ਟਰੀ ਪੱਧਰ ਦੀ ਪੇਸ਼ਕਾਰੀ ਸੀ, ਜੋ ਕੁਦਰਤੀ ਖੇਤੀ, ਦੇਸੀ ਬੀਜ, ਦੇਸੀ ਕਪਾਹ, ਖਾਦੀ, ਹੱਥ ਕੱਤਣ, ਹੱਥਖੱਡੀ, ਮਹਿਲਾ ਸਸ਼ਕਤੀਕਰਨ, ਹੁਨਰ ਵਿਕਾਸ, ਪੇਂਡੂ ਰੁਜ਼ਗਾਰ, ਵਿਕੇਂਦਰੀਕ੍ਰਿਤ ਅਰਥਵਿਵਸਥਾ ਅਤੇ ਸਵੈ-ਨਿਰਭਰ ਭਾਰਤ ਦੀ ਭਾਵਨਾ ਨੂੰ ਜੋੜਦੀ ਹੈ। ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਨੇ ਬਹੁਤ ਹੀ ਸੁਹਿਰਦ ਮਾਹੌਲ ਵਿਚ ਵਫ਼ਦ ਨਾਲ ਲਗਪਗ ਅੱਧਾ ਘੰਟਾ ਖੁੱਲ੍ਹ ਕੇ ਗੱਲਬਾਤ ਕੀਤੀ। ਉਨ੍ਹਾਂ ਮਹਿਲਾ ਬੁਣਕਰਾਂ ਦੀ ਸਖ਼ਤ ਮਿਹਨਤ, ਹੁਨਰ, ਸਬਰ ਅਤੇ ਸਮਰਪਣ ਦੀ ਪ੍ਰਸ਼ੰਸਾ ਕੀਤੀ।
