ਨਗਰ ਕੌਂਸਲ ਚੋਣਾਂ ਲਈ 187 ਨਾਮਜ਼ਦਗੀ ਪੇਪਰ ਹੋਏ ਦਾਖ਼ਲ
ਮਿੰਨੀ ਸਕੱਤਰੇਤ ਰਾਜਪੁਰਾ ਵਿਖੇ ਆਪਣੇ ਨਾਮਜ਼ਦਗੀ ਪੇਪਰ ਦਾਖਲ ਕਰਦੇ ਹੋਏ ਉਮੀਦਵਾਰ, ਨਾਲ ਜਾਣਕਾਰੀ ਦਿੰਦੇ ਹੋਏ ਡੀ.ਐੱਸ.ਪੀ. ਮਨਜੀਤ ਸਿੰਘ | ਅਜੀਤ ਤਸਵੀਰ
<br/>
17-05-2026
ਅੱਜ ਮਿੰਨੀ ਸਕੱਤਰੇਤ ਵਿਚ ਪੂਰੀ ਤਰਾਂ ਨਾਲ ਚਹਿਲ-ਪਹਿਲ ਵਾਲਾ ਮਾਹੌਲ ਸੀ | ਸਾਰੀਆਂ ਹੀ ਪਾਰਟੀਆਂ ਦੇ ਉਮੀਦਵਾਰ ਅਤੇ ਆਗੂ ਆਪਣੇ-ਆਪਣੇ ਉਮੀਦਵਾਰਾਂ ਦੇ ਨਾਮਜ਼ਦਗੀ ਪੇਪਰ ਦਾਖਲ ਕਰਵਾਉਣ ਲਈ ਆਏ ਹੋਏ ਸਨ | ਪੇਪਰ ਦਾਖਲ ਕਰਨ ਦਾ ਕੰਮ ਅਮਨ ਅਮਾਨ ਨਾਲ ਨੇਪਰੇ ਚੜ ਗਿਆ ਹੈ | ਇਸ ਸੰਬੰਧੀ ਪੁਲਿਸ ਵਲੋਂ ਵੀ ਪੁਖ਼ਤਾ ਪ੍ਰਬੰਧ ਕੀਤੇ ਗਏ ਸਨ | ਇਸ ਸੰਬੰਧੀ ਡੀ.ਐੱਸ.ਪੀ. ਮਨਜੀਤ ਸਿੰਘ ਦਾ ਕਹਿਣਾ ਹੈ ਕਿ ਕਿਸੇ ਨੂੰ ਵੀ ਕਾਨੂੰਨ ਹੱਥ ਵਿਚ ਲੈਣ ਦੀ ਇਜਾਜ਼ਤ ਨਹੀਂ ਦਿਤਿੀ ਜਾਵੇਗੀ | ਚੋਣਾਂ ਦਾ ਕੰਮ ਪੂਰਨ ਪਾਰਦਰਸ਼ੀ ਢੰਗ ਨਾਲ ਨੇਪਰੇ ਚਾੜਿਆ ਜਾਵੇਗਾ | ਇਸ ਮੌਕੇ ਸੱਤਾਧਾਰੀ ਧਿਰ, ਕਾਂਗਰਸ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ, ਭਾਜਪਾ ਅਤੇ ਆਜ਼ਾਦ ਤੌਰ 'ਤੇ ਮੈਦਾਨ ਵਿਚ ਉੱਤਰਨ ਵਾਲੇ ਉਮੀਦਵਾਰ ਹਾਜ਼ਰ ਸਨ | ਦੱਸਣਯੋਗ ਹੈ ਕਿ ਸ਼ਹਿਰ ਵਿਚ 31 ਵਾਰਡ ਹਨ ਅਤੇ ਸਾਰੇ ਹੀ ਵਾਰਡਾਂ ਵਿਚ ਚੋਣ ਹੋਣ ਜਾ ਰਹੀ ਹੈ | ਸ਼ਹਿਰ ਦੇ ਗਲੀ ਮੁਹੱਲੇ ਪੂਰੀ ਤਰਾਂ ਨਾਲ ਸਿਆਸੀ ਰੰਗ ਵਿਚ ਰੰਗੇ ਹੋਏ ਹਨ | ਅੱਜ ਸ਼ਾਮ ਨੂੰ ਉਮੀਦਵਾਰ ਵੋਟਰਾਂ ਦੇ ਘਰੋ ਘਰੀ ਵੋਟਾਂ ਮੰਗਣ ਜਾ ਰਹੇ ਸਨ |
