ਬਾਬਾ ਬਕਾਲਾ ਸਾਹਿਬ, 22 ਜਨਵਰੀ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਬਲਵਿੰਦਰ-ਕੁਲਵੰਤ ਯਾਦਗਾਰੀ ਹਾਕੀ ਕਲੱਬ (ਰਜਿ:) ਬਾਬਾ ਬਾਬਾ ਬਕਾਲਾ ਸਾਹਿਬ ਵਲੋਂ ਮਰਹੂਮ ਹਾਕੀ ਖਿਡਾਰੀ ਬਲਵਿੰਦਰ ਸਿੰਘ-ਕੁਲਵੰਤ ਸਿੰਘ ਦੀ ਯਾਦ ਨੂੰ ਸਮਰਪਿਤ 23ਵਾਂ ਹਾਕੀ ਟੂਰਨਾਮੈਂਟ, ਜੋ ਕਿ ਅੱਜ ਮਿਤੀ 22-23-24 ਜਨਵਰੀ, ਨੂੰ ਹੋਣਾ ਸੀ, ਮੌਸਮ ਦੀ ਖਰਾਬੀ ਕਾਰਣ ਹੁਣ ਮਿਤੀ 5-6-7 ਫਰਵਰੀ, ਦਿਨ ਵੀਰ-ਸ਼ੁਕਰ-ਸ਼ਨੀਵਾਰ ਨੂੰ ਗੁਰੂ ਤੇਗ ਬਹਾਦਰ ਹਾਕੀ ਸਟੇਡੀਅਮ, ਬਾਬਾ ਬਕਾਲਾ ਸਾਹਿਬ ਵਿਖੇ ਧੂਮ ਧਾਮ ਨਾਲ ਕਰਵਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਚੇਅਰਮੈਨ ਸ: ਅਵਤਾਰ ਸਿੰਘ ਭੁੱਲਰ (ਸਾ: ਏ.ਡੀ.ਸੀ.) ਅਤੇ ਕਲੱਬ ਦੇ ਪ੍ਰਧਾਨ ਸ: ਸਵਰਨ ਸਿੰਘ ਕਾਲਾ ਨੇ ਦੱਸਿਆ ਹੈ ਕਿ ਤਿੰਨੋਂ ਦਿਨ ਹਾਕੀ ਦੀਆਂ ਨਾਵਰ ਟੀਮਾਂ ਦੇ ਫੱਸਵੇਂ ਅਤੇ ਦਿਲਕਸ਼ ਮੁਕਾਬਲੇ ਹੋਣਗੇ, ਜੇਤੂ ਟੀਮਾਂ ਨੂੰ ਨਗਦ ਅਤੇ ਦਿਲਕਸ਼ ਇਨਾਮ ਦਿੱਤੇ ਜਾਣਗੇ |
