ਜ਼ਖਮੀ ਸਕੂਲ ਵੈਨ ਡਰਾਈਵਰ ਦੀ ਮੌਤ

ਬਰੇਟਾ, 15 ਸਤੰਬਰ (ਜੀਵਨ ਸ਼ਰਮਾ)- ਬੀਤੇ ਕੱਲ੍ਹ ਹਾਈਵੇ ’ਤੇ ਸਥਿਤ ਪਿੰਡ ਦਿਆਲਪੁਰਾ ਕੋਲ ਸਕੂਲ ਵੈਨ ਅਤੇ ਰੋਡਵੇਜ਼ ਦੀ ਬੱਸ ਵਿਚਕਾਰ ਹੋਈ ਟੱਕਰ ਵਿਚ ਜ਼ਖਮੀ ਹੋਏ ਵੈਨ ਡਰਾਈਵਰ ਦੀ ਮੌਤ ਹੋ ਜਾਣ ਦੀ ਖ਼ਬਰ ਹੈ। ਦੱਸਣਯੋਗ ਹੈ ਕਿ ਰੋਡਵੇਜ਼ ਬੱਸ ਅਤੇ ਸਕੂਲ ਵੈਨ ਦੀ ਟੱਕਰ ’ਚ ਕਰੀਬ 1 ਦਰਜਨ ਬੱਚੇ ਜ਼ਖਮੀ ਹੋ ਗਏ ਸਨ ਅਤੇ ਸਕੂਲ ਵੈਨ ਡਰਾਈਵਰ ਬਾਬੀ ਸਿੰਘ ਵਾਸੀ ਦਾਤੇਵਾਸ ਦੇ ਗੰਭੀਰ ਸੱਟਾਂ ਲੱਗਣ ਕਾਰਨ ਉਸ ਨੂੰ ਏਮਜ਼ ਹਸਪਤਾਲ ਬਠਿੰਡਾ ਦਾਖਲ ਕਰਵਾਇਆ ਗਿਆ ਸੀ ।