ਬਠਿੰਡਾ, 29 ਜਨਵਰੀ (ਅਵਤਾਰ ਸਿੰਘ ਕੈਂਥ): ਸਥਾਨਕ ਸ਼ਹਿਰ ਦੀ ਸੰਸਥਾ ਗੁਰੂ ਰਵਿਦਾਸ ਮਹਾਂਸਭਾ ਸ਼ਹਿਰੀ ਦੀ ਮੀਟਿੰਗ ਸੰਗੂਆਣਾ ਬਸਤੀ ਵਿਖੇ ਹੋਈ | ਜਿਸ ਵਿਚ ਗੁਰਦੁਆਰਾ ਗੁਰੂ ਗੋਬਿੰਦ ਸਿੰਘ ਪਾ: 10ਵੀ, ਧੋਬੀਆਣਾ ਨਗਰ ਦੇ ਮੱੁਖ ਸੇਵਾਦਾਰ ਸੁਖਵਿੰਦਰ ਸਿੰਘ ਘੁੰਬਣ ਅਤੇ ਗੁਰੂ ਸ੍ਰੀ ਰਵਿਦਾਸ ਮਹਾਂਸਭਾ ਸ਼ਹਿਰੀ ਬਠਿੰਡਾ ਦੇ ਪ੍ਰਧਾਨ ਗੋਰੀ ਸ਼ੰਕਰ, ਓਮ ਪ੍ਰਕਾਸ਼ ਕਟਾਰੀਆ ਦੀ ਹਾਜ਼ਰੀ ਮੌਕੇ ਸੀਨੀਅਰ ਮੈਂਬਰਾਂ ਨੇ ਭਾਗ ਲਿਆ ਅਤੇ ਜਨਮ ਦਿਹਾੜੇ 'ਤੇ ਵਿਸ਼ਾਲ ਨਗਰ ਕੀਰਤਨ ਸਜਾਉਣ ਬਾਬਤ ਵਿਚਾਰ ਵਟਾਂਦਰਾ ਕੀਤਾ ਗਿਆ | ਮਹਾਂਸਭਾ ਗੁਰਦੁਆਰਾ ਗੁਰੂ ਗੋਬਿੰਦ ਸਿੰਘ ਪਾ: 10ਵੀਂ ਧੋਬੀਆਣਾ ਨਗਰ ਵਲੋਂ 30 ਜਨਵਰੀ ਨੂੰ ਸਵੇਰੇ 10 ਵਜੇ ਵਿਸ਼ਾਲ ਨਗਰ ਕੀਰਤਨ ਅਰੰਭ ਕੀਤਾ ਜਾਵੇਗਾ | ਉਨ੍ਹਾਂ ਸਮੂਹ ਸੰਗਤਾਂ ਨੂੰ ਗੁਰੂ ਰਵਿਦਾਸ ਮਹਾਂਸਭਾ ਸ਼ਹਿਰੀ ਬਠਿੰਡਾ ਸਮਾਜ ਦੀ ਏਕਾ ਦਾ ਸਨਮਾਨ ਰੱਖਦਿਆਂ ਵਿਸ਼ਾਲ ਨਗਰ ਕੀਰਤਨ 'ਚ ਸ਼ਮੂਲੀਅਤ ਕਰਨ ਦੀ ਅਪੀਲ ਕੀਤੀ | ਇਹ ਨਗਰ ਕੀਰਤਨ ਨਰੂਆਣਾ ਰੋਡ, ਸੰਗੂਆਣਾ ਬਸਤੀ ਰਵਿਦਾਸ ਭਵਨ ਤੋਂ ਅਰੰਭ ਹੋ ਕੇ ਸ਼ਹਿਰ ਦੇ ਵੱਖ-ਵੱਖ ਇਲਾਕੇ ਤੋਂ ਹੁੰਦਾ ਹੋਇਆ ਵਾਪਸੀ ਭਵਨ ਪਹੁੰਚੇਗਾ | ਇਸ ਮੀਟਿੰਗ 'ਚ ਗੰਗਾ ਰਾਮ ਗੋਠਵਾਲ, ਪਿ੍ੰਸੀਪਲ ਪਾਵਾਂ ਕੁਮਾਰ ਦਸ਼ੋਦੀਆਂ, ਅਸ਼ੋਕ ਰੁਪਾ, ਮੁਖ ਸੇਵਾਦਾਰ ਸੁਖਜਿੰਦਰ ਸਿੰਘ ਘੁੰਬਣ, ਓਮ ਪ੍ਰਕਾਸ਼, ਪ੍ਰਧਾਨ ਗÏਰੀ ਸ਼ੰਕਰ, ਓਮ ਪ੍ਰਕਾਸ਼ ਕਟਾਰੀਆ, ਮਦਨ ਮੋਹਨ ਗੋਠਵਾਲ, ਵਿਜੈ ਕੁਮਾਰ ਮੁੱਖ ਸਲਾਹਕਾਰ, ਦੇਸ ਰਾਜ ਛਤਰੀਵਾਲਾ ਆਦਿ ਹਾਜ਼ਰ ਸਨ |
