ਚੰਡੀਗੜ੍ਹ, 21 ਮਈ (ਅ.ਬ.)- ਅਦਿੱਤਿਆ ਬਿਰਲਾ ਹਾਊਸਿੰਗ ਫਾਈਨਾਂਸ ਲਿਮਟਿਡ ਨੇ ਖਰੜ ਵਿਚ ਇੱਕ ਨਵੀਂ ਸ਼ਾਖਾ ਦੀ ਸ਼ੁਰੂਆਤ ਨਾਲ ਪੰਜਾਬ ਵਿਚ ਮੌਜੂਦਗੀ ਦਾ ਵਿਸਤਾਰ ਕੀਤਾ ਹੈ | ਇਹ ਕਦਮ ਦੇਸ਼ ਭਰ ਵਿਚ ਆਪਣਾ ਡਿਸਟ੍ਰੀਬਿਊਸ਼ਨ ਨੈੱਟਵਰਕ ਵਧਾਉਣ ਦੀ ਕੰਪਨੀ ਦੀ ਯੋਜਨਾ ਦਾ ਹਿੱਸਾ ਹੈ | ਇਸ ਨਵੀਂ ਬਰਾਂਚ ਨਾਲ ਪੰਜਾਬ ਵਿਚ ਏ.ਬੀ.ਐਚ.ਐਫ.ਐਲ. ਦੀਆਂ ਕੁੱਲ ਬਰਾਂਚਾਂ ਦੀ ਗਿਣਤੀ 7 ਹੋ ਗਈ ਹੈ, ਜਿਸ ਨਾਲ ਉੱਚ ਵਿਕਾਸ ਵਾਲੇ ਬਾਜ਼ਾਰਾਂ ਵਿਚ ਕੰਪਨੀ ਦੀ ਪਹੁੰਚ ਵਧੇਗੀ ਤੇ ਗਾਹਕਾਂ ਨੂੰ ਵਧੇਰੇ ਸਹੂਲਤ ਹੋਵੇਗੀ | ਚੰਡੀਗੜ੍ਹ ਦੇ ਨੇੜੇ ਹੋਣ ਕਾਰਨ ਤੇ ਤੇਜ਼ੀ ਨਾਲ ਵਿਕਸਤ ਹੋ ਰਹੇ ਇਨਫ੍ਰਾਸਟਰਕਚਰ ਕਾਰਨ ਖਰੜ ਇੱਕ ਤੇਜ਼ੀ ਨਾਲ ਵਧਦਾ ਰਿਹਾਇਸ਼ੀ ਇਲਾਕਾ ਬਣ ਰਿਹਾ ਹੈ | ਇੱਥੇ ਨੌਜਵਾਨ ਪਰਿਵਾਰਾਂ ਤੇ ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਵੱਲੋਂ ਕਿਫ਼ਾਇਤੀ ਰਿਹਾਇਸ਼ੀ ਵਿਕਲਪਾਂ ਦੀ ਭਾਲ ਵਿਚ ਵਧਦੀ ਮੰਗ ਦੇਖਣ ਨੂੰ ਮਿਲ ਰਹੀ ਹੈ | ਇਹ ਨਵੀਂ ਬਰਾਂਚ ਇਲਾਕੇ ਵਿਚ ਸਹਿਜ ਤੇ ਗਾਹਕਾਂ ਦੀ ਲੋੜ ਅਨੁਸਾਰ ਹਾਊਸਿੰਗ ਫਾਈਨੈਂਸ ਸੇਵਾਵਾਂ ਦੀ ਪਹੁੰਚ ਹੋਰ ਮਜ਼ਬੂਤ ਕਰੇਗੀ | ਅਦਿੱਤਿਆ ਬਿਰਲਾ ਹਾਊਸਿੰਗ ਫਾਈਨੈਂਸ ਲਿਮਟਿਡ ਦੇ ਐਮ.ਡੀ. ਅਤੇ ਸੀ.ਈ.ਓ. ਸ਼੍ਰੀ ਪੰਕਜ ਗਾਡਗਿਲ ਨੇ ਕਿਹਾ ਕਿ ਪੰਜਾਬ ਸਾਡੇ ਲਈ ਇੱਕ ਮੁੱਖ ਵਿਕਾਸਸ਼ੀਲ ਬਾਜ਼ਾਰ ਹੈ | ਵੱਧ ਰਹੀ ਡਿਮਾਂਡ ਤੇ ਬਦਲ ਰਹੀਆਂ ਜ਼ਰੂਰਤਾਂ ਅਨੁਸਾਰ ਅਸੀਂ ਗਾਹਕਾਂ ਦੀ ਸ਼ਮੂਲੀਅਤ ਨੂੰ ਹੋਰ ਵਧਾਉਣ ਲਈ ਆਪਣੀ ਖੇਤਰੀ ਮÏਜੂਦਗੀ ਨੂੰ ਵਧਾ ਰਹੇ ਹਾਂ | ਆਪਣੀ ਵੱਧ ਰਹੇ ਬਰਾਂਚ ਨੈੱਟਵਰਕ ਅਤੇ ਮਜ਼ਬੂਤ ਡਿਜ਼ਿਟਲ ਸਮਰੱਥਾ ਨਾਲ ਅਸੀਂ ਗਾਹਕਾਂ ਲਈ ਘਰ ਖ਼ਰੀਦਣ ਦੀ ਯਾਤਰਾ ਨੂੰ ਹੋਰ ਆਸਾਨ, ਤੇਜ਼ ਤੇ ਬਿਨਾ ਝੰਜਟ ਬਣਾਉਣਾ ਚਾਹੁੰਦੇ ਹਾਂ |
