ਚੰਡੀਗੜ੍ਹ, 1 ਮਾਰਚ (ਅਜੀਤ ਬਿਊਰੋ) - 'ਗੋਪਾ ਫਾਊਾਡੇਸ਼ਨ' ਸਵਰਗਵਾਸੀ ਬਿ੍ਜਿੰਦਰ ਦਰਗਨ (ਗੋਪਾ), ਸਾਬਕਾ ਐਸੋਸੀਏਟ ਪ੍ਰੋਫੈਸਰ ਅਤੇ ਮੁਖੀ, ਬੋਟਨੀ ਵਿਭਾਗ, ਐਸ.ਜੀ.ਜੀ.ਐਸ. ਕਾਲਜ, ਚੰਡੀਗੜ੍ਹ ਦੀ ਯਾਦ ਵਿਚ ਸਥਾਪਿਤ ਕੀਤੀ ਗਈ ਹੈ | ਫਾਊਾਡੇਸ਼ਨ ਦਾ ਮੁੱਖ ਉਦੇਸ਼ ਆਰਥਿਕ ਤੌਰ 'ਤੇ ਕਮਜ਼ੋਰ ਵਰਗਾਂ ਦੇ ਬੱਚਿਆਂ ਦੀ ਸਿੱਖਿਆ ਨੂੰ ਉਤਸ਼ਾਹਿਤ ਕਰਨਾ ਹੈ | ਡਾ. ਜੇ.ਐਸ. ਦਰਗਨ ਦੀ ਅਧਿਆਕਸ਼ਤਾ ਹੇਠ ਫਾਊਾਡੇਸ਼ਨ ਨੇ ਜੁਲਾਈ 2020 ਵਿਚ ਕੇਵਲ 20 ਬੱਚਿਆਂ ਨਾਲ ਆਪਣਾ ਕੰਮ ਸ਼ੁਰੂ ਕੀਤਾ ਸੀ, ਜੋ ਸਮਾਜ ਦੇ ਵੱਖ-ਵੱਖ ਆਰਥਿਕ ਤੌਰ 'ਤੇ ਕਮਜ਼ੋਰ ਵਰਗਾਂ ਨਾਲ ਸੰਬੰਧਿਤ ਸਨ | ਫਾਊਾਡੇਸ਼ਨ ਨਾਲ ਚੰਡੀਗੜ੍ਹ ਅਤੇ ਇਸ ਦੇ ਆਸ-ਪਾਸ ਦੇ ਇਲਾਕਿਆਂ ਦੇ ਵੱਖ-ਵੱਖ ਸਕੂਲਾਂ ਦੇ 128 ਰਜਿਸਟਰਡ ਬੱਚੇ ਜੁੜੇ ਹੋਏ ਹਨ | ਅੱਜ ਫਾਊਾਡੇਸ਼ਨ ਦਾ 6ਵਾਂ ਵਰ੍ਹੇਗੰਢ ਸਮਾਰੋਹ ਮਨਾਇਆ ਗਿਆ | ਇਸ ਮੌਕੇ ਪਿ੍ੰਸੀਪਲ ਡਾਇਰੈਕਟਰ (ਗੈਸਟਰੋਐਂਟਰੋਲੋਜੀ) ਅਤੇ ਸਾਬਕਾ ਡਾਇਰੈਕਟਰ-ਪਿ੍ੰਸੀਪਲ, ਜੀ.ਐਮ.ਸੀ. ਚੰਡੀਗੜ੍ਹ, ਡਾ. ਅਤੁਲ ਸਚਦੇਵ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਯੂ.ਕੇ. ਦੇ ਡਾ. ਹਰਪਾਲ ਸਿੰਘ ਢੀਂਗਰਾ ਵਿਸ਼ੇਸ਼ ਮਹਿਮਾਨ ਵਜੋਂ ਪੁੱਜੇ ਹੋਏ ਸਨ | ਇਸ ਮੌਕੇ ਡਾ. ਮੰਗਲਾ ਡੋਗਰਾ, ਡਾ. ਜੋਤਸਨਾ ਸਚਦੇਵ ਦੇ ਨਾਲ ਫਾਊਾਡੇਸ਼ਨ ਦੇ ਪ੍ਰਧਾਨ ਡਾ. ਜੇ.ਐਸ. ਦਰਗਨ ਨੇ ਮਹਿਮਾਨਾਂ ਦਾ ਸਵਾਗਤ ਕੀਤਾ | ਫਾਊਾਡੇਸ਼ਨ ਦੀ ਸਕੱਤਰ ਸ਼ਵਿੰਦਰ ਕੌਰ ਨੇ ਸਵਰਗਵਾਸੀ ਬਿ੍ਜਿੰਦਰ ਦਰਗਨ (ਗੋਪਾ) ਦੀ ਪ੍ਰੇਰਣਾਦਾਇਕ ਵਿਰਾਸਤ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ | ਗੁਰੂ ਨਾਨਕ ਖਾਲਸਾ ਸਕੂਲ, ਸੈਕਟਰ 30, ਚੰਡੀਗੜ੍ਹ ਦੀ ਵਾਈਸ ਪਿ੍ੰਸੀਪਲ ਇੰਦਰਜੀਤ ਕੌਰ ਨੇ ਜ਼ਰੂਰਤਮੰਦ ਵਿਦਿਆਰਥੀਆਂ ਨੂੰ ਆਰਥਿਕ ਸਹਾਇਤਾ ਪ੍ਰਦਾਨ ਕਰਨ ਲਈ ਫਾਊਾਡੇਸ਼ਨ ਦੇ ਉਪਰਾਲਿਆਂ ਦੀ ਸਰਾਹਨਾ ਕੀਤੀ | ਮੁੱਖ ਮਹਿਮਾਨ ਵਲੋਂ 1.5 ਲੱਖ ਰੁਪਏ ਤੋਂ ਵੱਧ ਦੀ ਰਕਮ ਯੋਗ ਬੱਚਿਆਂ ਵਿਚ ਵੰਡ ਕੀਤੀ ਗਈ | ਚਾਰ ਹੋਣਹਾਰ ਵਿਦਿਆਰਥੀਆਂ ਨੂੰ ਕੰਪਿਊਟਰ ਟੈਬਲੈਟ ਵੀ ਪ੍ਰਦਾਨ ਕੀਤੇ ਗਏ | ਵੱਖ-ਵੱਖ ਕਲਾਸਾਂ ਦੇ 55 ਬੱਚੇ ਆਪਣੇ ਮਾਤਾ-ਪਿਤਾ ਸਮੇਤ ਇਸ ਸਮਾਰੋਹ ਵਿਚ ਸ਼ਾਮਿਲ ਹੋਏ | ਡਾ. ਅਤੁਲ ਸਚਦੇਵ ਨੇ ਟਰੱਸਟ ਵਲੋਂ ਵਾਂਝੇ ਬੱਚਿਆਂ ਦੀ ਸਹਾਇਤਾ ਲਈ ਕੀਤੇ ਜਾ ਰਹੇ ਕੰਮ ਦੀ ਭਰਪੂਰ ਪ੍ਰਸ਼ੰਸਾ ਕੀਤੀ | ਡਾ. ਹਰਪਾਲ ਸਿੰਘ, ਜੋ ਸਵਰਗਵਾਸੀ ਬਿ੍ਜਿੰਦਰ ਦਰਗਨ ਦੇ ਭਰਾ ਹਨ, ਨੇ ਆਪਣੀ ਭੈਣ ਨਾਲ ਬਿਤਾਏ ਦਿਨਾਂ ਦੀਆਂ ਕਈ ਯਾਦਾਂ ਸਾਂਝੀਆਂ ਕੀਤੀਆਂ | ਫਾਊਾਡੇਸ਼ਨ ਦੀ ਨੌਜਵਾਨ ਅਤੇ ਸਰਗਰਮ ਮੈਂਬਰ ਸਿਮਰਪ੍ਰੀਤ ਕੌਰ ਨੇ ਸਟੇਜ ਦਾ ਸੁਚੱਜੇ ਢੰਗ ਨਾਲ ਸੰਚਾਲਨ ਕੀਤਾ | ਫਾਊਾਡੇਸ਼ਨ ਦੇ ਟਰੱਸਟੀ ਬਿਪਿਨ ਕੌਸ਼ਲ ਨੇ ਸਭ ਦਾ ਧੰਨਵਾਦ ਕੀਤਾ |
