ਲੁਧਿਆਣਾ, 1 ਅਪ੍ਰੈਲ (ਜਤਿੰਦਰ ਭੰਬੀ)-ਡੀ.ਐਫ.ਐਸ.ਸੀ. ਪੱਛਮੀ ਅਤੇ ਪੂਰਬੀ ਦੇ ਹੁਕਮਾਂ ਅਧੀਨ ਵਪਾਰਕ ਸੰਸਥਾਵਾਂ ਵਿੱਚ ਐਲ.ਪੀ.ਜੀ. ਦੇ ਦੁਰਉਪਯੋਗ ਨੂੰ ਰੋਕਣ ਲਈ ਛਾਪੇਮਾਰੀ ਕੀਤੀ ਗਈ | ਛਾਪੇਮਾਰੀ ਦੌਰਾਨ ਫੋਕਲ ਪੁਆਇੰਟ, ਸ਼ੇਰਪੁਰ, ਰੇਲਵੇ ਕਲੋਨੀ ਅਤੇ ਨਾਲ ਲੱਗਦੇ ਇਲਾਕਿਆਂ ਵਿੱਚੋਂ 8 ਘਰੇਲੂ ਅਤੇ 12 ਵਪਾਰਕ ਸਿਲੰਡਰ ਕਬਜ਼ੇ ਵਿਚ ਲਏ ਗਏ | ਇਹ ਛਾਪੇਮਾਰੀ ਏ.ਐਫ.ਐਸ.ਓ ਖੰਨਾ ਹਰਭਜਨ ਸਿੰਘ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਪਰਮਿੰਦਰ ਸਿੰਘ, ਮੰਗਲਪ੍ਰੀਤ ਸਿੰਘ, ਰਾਜਨ ਸਿੰਗਲਾ, ਭਜਨਪ੍ਰੀਤ ਸਿੰਘ ਅਤੇ ਵਿਕਾਸ ਕਪਲਾ ਵਲੋਂ ਕੀਤੀ ਗਈ | ਉਨ੍ਹਾਂ ਦੱਸਿਆ ਕਿ ਆਉਣ ਵਾਲੇ ਦਿਨਾਂ 'ਚ ਵੀ ਛਾਪੇਮਾਰੀ ਜਾਰੀ ਰਹੇਗੀ, ਜੇਕਰ ਕੋਈ ਕਮਰਸ਼ੀਅਲ ਸਿਲੰਡਰਾਂ ਦਾ ਦੁਰਉਪਯੋਗ ਕਰਦਾ ਪਾਇਆ ਗਿਆ ਤਾਂ ਸਖ਼ਤ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ |