ਤਰਨ ਤਾਰਨ, 29 ਜਨਵਰੀ (ਹਰਿੰਦਰ ਸਿੰਘ)- ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਦੇ ਜਨਮ ਦਿਹਾੜੇ ਮੌਕੇ ਸ੍ਰੀ ਚਾਮੁੰਡਾ ਸੇਵਕ ਸਭਾ ਵਲੋਂ ਰੇਲਵੇ ਰੋਡ 'ਤੇ ਸਥਿਤ ਸ੍ਰੀ ਸੁਖਮਨੀ ਸਾਹਿਬ ਜੀ ਦਾ ਪਾਠ ਕਰਵਾਇਆ ਗਿਆ | ਪਾਠ ਦੇ ਭੋਗ ਪਾਉਣ ਉਪਰੰਤ ਰਾਗੀ ਸਿੰਘਾਂ ਵਲੋਂ ਰਸਭਿੰਨਾ ਕੀਰਤਨ ਕਰਕੇ ਆਈ ਹੋਈ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ | ਇਸ ਮੌਕੇ ਗੁਰੂ ਕਾ ਲੰਗਰ ਅਤੁੱਟ ਸੰਗਤਾਂ ਵਿਚ ਵਰਤਾਇਆ ਗਿਆ | ਜਾਣਕਾਰੀ ਦਿੰਦੇ ਹੋਏ ਸਭਾ ਦੇ ਪ੍ਰਧਾਨ ਪ੍ਰਮੋਦ ਕੁਮਾਰ ਬਿੱਟੂ ਸ਼ਾਹ ਨੇ ਕਿਹਾ ਕਿ ਸਭਾ ਵਲੋਂ ਹਰ ਧਾਰਮਿਕ ਸਮਾਗਮ ਪੂਰੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ, ਉਥੇ ਸਭਾ ਸਮੇਂ-ਸਮੇਂ 'ਤੇ ਧਾਰਮਿਕ ਸਮਾਗਮ ਕਰਵਾਉਣ ਤੋਂ ਇਲਾਵਾ ਲੋੜਵੰਦਾਂ ਦੀ ਮਦਦ ਵੀ ਕਰਦੀ ਹੈ | ਸਮਾਗਮ ਦੌਰਾਨ ਸੁਖਦੇਵ ਰਾਜ ਗੁਪਤਾ, ਪ੍ਰਦੀਪ ਕੁਮਾਰ ਗਾਂਧੀ, ਕੇਸ਼ਵ ਅਗਰਵਾਲ, ਲੱਕੀ ਜੋਸ਼ੀ, ਦਿਨੇਸ਼ ਜੋਸ਼ੀ ਕਾਕਾ, ਸੰਚਿਤ ਗੁਪਤਾ, ਲਲਿਤ ਕੁਮਾਰ ਦੀਪੂ, ਲੱਕੀ ਜੋਸ਼ੀ, ਬਿਜੇ ਬਹਿਲ, ਕਾਂਸ਼ੀ ਰਾਮ, ਪਲਵਨ ਜੀ, ਗੁਰਪ੍ਰੀਤ ਗੋਪੀ, ਰਾਹੁਲ ਸੋਨੀ, ਸਨਵਲ, ਰਾਹੁਲ ਅਗਰਵਾਲ, ਅਕਸ਼ੈ ਕੁਮਾਰ ਅਤੇ ਮੁੰਨਾ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਸੰਗਤਾਂ ਹਾਜ਼ਰ ਸਨ |
