ਤਰਨ ਤਾਰਨ, 22 ਜਨਵਰੀ (ਹਰਿੰਦਰ ਸਿੰਘ)- ਰਾਤ ਦੀ ਨੀਂਦ ਹਰ ਕਿਸੇ ਲਈ ਬਹੁਤ ਹੀ ਅਹਿਮ ਅਤੇ ਜਰੂਰੀ ਹੁੰਦੀ ਹੈ | ਜੇ ਤੁਹਾਨੂੰ ਰਾਤ ਨੂੰ ਸਹੀ ਨੀਂਦ ਨਹੀਂ ਆਉਂਦੀ ਤਾਂ ਤੁਸੀ ਅਗਲੇ ਦਿਨ ਥੱਕਿਆ ਹੋਇਆ ਮਹਿਸੂਸ ਕਰਦੋ, ਜਦੋ ਸਾਡਾ ਸਾਹ ਰਗੜ ਕੇ ਜਾਂਦਾ ਹੈ ਤਾਂ ਉਸ ਦੀ ਆਵਾਜ਼ ਨੂੰ ਖਰਾੜੇ ਆਖਦੇ ਹਨ | ਇਸ ਨੂੰ 'ਅਬਸਟਰਕਟਿਵ ਸਲੀਪ ਐਪਨੀਆ' ਵੀ ਆਖਦੇ ਹਨ | ਇਸ ਬੀਮਾਰੀ ਵਿਚ ਸਾਹ ਵਾਲੇ ਰਸਤੇ ਵਿਚ ਕਿਤੇ ਰੁਕਾਵਟ ਕਰਕੇ ਖਰਾੜੇ ਆਉਂਦੇ ਹਨ | ਇਸ ਵਿਚ ਉੱਚੀ ਉੱਚੀ ਖਰਾੜੇ ਆਉਂਦੇ ਹਨ, ਰਾਤ ਨੂੰ ਸਾਹ ਰੁਕਦਾ ਹੈ, ਵਾਰ-ਵਾਰ ਨੀਂਦ ਖੁੱਲਦੀ ਹੈ, ਅਗਲੇ ਦਿਨ ਨੀਂਦ ਆਉਂਦੀ ਰਹਿੰਦੀ ਹੈ | ਇਹ ਜਾਣਕਾਰੀ ਈ.ਐੱਨ.ਟੀ. ਸਰਜਨ ਡਾ. ਰਾਜਬਰਿੰਦਰ ਰੰਧਾਵਾ ਨੇ ਰੰਧਾਵਾ ਕਲੀਨਿਕ ਸਾਹਮਣੇ ਬਿਜਲੀ ਘਰ ਨਜਦੀਕ ਪਾਸੀ ਮੈਡੀਕਲ ਤਰਨ ਤਾਰਨ ਵਿਖੇ ਗੱਲਬਾਤ ਦੌਰਾਨ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਇਸਦੇ ਚੈੱਕਅੱਪ ਲਈ ਸਲੀਪ ਸਟੱਡੀ, ਅੰਡੋਸਕੋਪੀ, ਐਮ.ਆਰ.ਆਈ. ਆਦਿ ਟੈਸਟਾਂ ਤੋਂ ਰੁਕਾਵਟ ਦਾ ਪਤਾ ਲਗਾ ਕੇ ਇਸਦਾ ਇਲਾਜ ਸੰਭਵ ਹੈ | ਉਨ੍ਹਾਂ ਕਿਹਾ ਕਿ ਖਰਾੜਿਆ ਨੂੰ ਆਪ੍ਰੇਸ਼ਨ ਅਤੇ ਸਾਹ ਵਾਲੀ ਡਿਵਾਈਸ ਲਗਾ ਕੇ ਠੀਕ ਕੀਤਾ ਜਾ ਸਕਦਾ ਹੈ | ਅਗਰ ਖਰਾੜਿਆ ਦਾ ਇਲਾਜ ਸਮੇਂ ਸਿਰ ਨਾ ਕੀਤਾ ਜਾਵੇ ਤਾਂ ਇਹ ਸਾਡੇ ਦਿਲ ਅਤੇ ਸਾਹ ਦੀਆਂ ਬੀਮਾਰੀਆਂ ਦਾ ਕਾਰਨ ਬਣ ਸਕਦੇ ਹਨ | ਇਸ ਲਈ ਸਮੇਂ ਸਿਰ ਇਲਾਜ ਕਰਵਾ ਕੇ ਇਸ ਤੋਂ ਹੋਣ ਵਾਲੇ ਬੁਰੇ ਅਸਰ ਤੋਂ ਬਚਿਆ ਜਾ ਸਕਦਾ ਹੈ |
