ਸਿਹਤ ਵਿਭਾਗ ਵਲੋਂ ਖਜ਼ਾਨਾ ਗੇਟ ਤੇ ਹਾਈਡ ਮਾਰਕੀਟ ’ਚ ਕੀਤੀ ਖਾਧ ਪਦਾਰਥਾਂ ਦੀ ਚੈਕਿੰਗ : ਡੀ.ਐੱਚ.ਓ.

ਅ

ਅਜੀਤ ਡੈਸਕ 23-10-2026

ਅੰਮ੍ਰਿਤਸਰ, 22 ਅਕਤੂਬਰ (ਰੇਸ਼ਮ ਸਿੰਘ)- ਸਿਹਤ ਵਿਭਾਗ ਵਲੋਂ ਤਿਉਹਾਰ ਦੇ ਮੌਸਮ ’ਚ ਕੀਤੀ ਜਾ ਰਹੀ ਚੈਕਿੰਗ ਅਭਿਆਨ ਖ਼ਿਲਾਫ਼ ਅੱਜ ਇਥੇ ਖ਼ਜਾਨਾ ਗੇਟ ਅੰਦਰੂਨ ਤੇ ਬਾਹਰ ਦੀਆਂ ਅਨਾਜ ਤੋਂ ਬਣੇ ਉਤਪਾਦਾਂ ਤੇ ਮਠਿਆਈਆਂ ਦੀਆਂ ਦੁਕਾਨਾਂ ’ਤੇ ਦਸਤਕ ਦਿੱਤੀ ਤੇ ਵੱਖ ਵੱਖ ਖਾਧ ਪਦਾਰਥਾਂ ਤੇ ਮਠਿਆਈਆਂ ਦੇ 5 ਨਮੂਨੇ ਭਰੇ ਗਏ। ਇਹ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਸਿਹਤ ਅਧਿਕਾਰੀ ਡਾ: ਮਨਜੀਤ ਸਿੰਘ ਰਟੌਲ ਨੇ ਦੱਸਿਆ ਕਿ ਫੂਡ ਸੇਫਟੀ ਅਫਸਰ ਸ੍ਰੀਮਤੀ ਰਜਲੀ ਸਮੇਤ ਟੀਮ ਮੈਂਬਰਾਂ ਵਲੋਂ ਅੱਜ ਆਈ.ਡੀ.ਐੱਚ. ਹਾਈਡ ਮਾਰਕੀਟ ਤੇ ਖ਼ਜਾਨਾ ਗੇਟ ਆਦਿ ਦੀਆਂ ਦੁਕਾਨਾਂ ਦੀ ਚੈਕਿੰਗ ਕੀਤੀ। ਉਨ੍ਹਾਂ ਫੂਡ ਬਿਜ਼ਨਸ ਆਪਰੇਟਰਾਂ ਨੂੰ ਆਪਣੀਆਂ ਦੁਕਾਨਾਂ ਤੇ ਅਦਾਰਿਆਂ ਵਿਚ ਸਹੀ ਸਫਾਈ ਬਣਾਈ ਰੱਖਣ ਦੀ ਹਦਾਇਤ ਦਿੱਤੀ ਗਈ। ਉਨ੍ਹਾਂ ਦੱਸਿਆ ਕਿ ਕਿ ਭਲਕੇ ਵੀ ਸ਼ਹਿਰ ਦੇ ਕਿਸੇ ਖੇਤਰ ’ਚ ਅਚਨਚੇਤੀ ਇਹ ਮੁਹਿੰਮ ਚਲਾਈ ਜਾਵੇਗੀ ਤੇ ਦੀਵਾਲੀ ਤੱਕ ਕਈ ਟੀਮਾਂ ਦੀ ਡਿਊਟੀ ਇਸ ਲਈ ਲਗਾਈ ਗਈ ਹੈ।

ਪਿਛਲੀ ਖ਼ਬਰ ਨਿਊ ਅੰਮ੍ਰਿਤਸਰ ਵਿਖੇ ਡਾਕਟਰ ਦੀ ਐਕਟਿਵਾ ਚੋਰੀ, ਚੋਰ ਕੈਮਰੇ ’ਚ ਕੈਦ ਅਗਲੀ ਖ਼ਬਰ ਜ਼ਿਲ੍ਹਾ ਪ੍ਰੀਸ਼ਦ ਦੇ ਸਾਬਕਾ ਚੇਅਰਮੈਨ ਰਜਿੰਦਰ ਕੁਮਾਰ ਪੱਪੂ ਦੀ ਪਹਿਲੀ ਬਰਸੀ 7 ਨੂੰ