ਸਿਹਤ ਵਿਭਾਗ ਨੇ ਛੋਲੇ ਭਠੂਰੇ ਅਤੇ ਚਿਕਨ ਰੈਸਟੋਰੈਂਟ ’ਤੇ ਦਿੱਤੀ ਦਸਤਕ : ਅਣ ਸਵੱਛਤਾ ਦੇ ਕੀਤੇ ਚਲਾਨ
ਅੰਮ੍ਰਿਤਸਰ, 9 ਸਤੰਬਰ (ਰੇਸ਼ਮ ਸਿੰਘ)-ਖਾਣ ਪੀਣ ਲਈ ਸ਼ੌਕੀਨਾਂ ਦੇ ਸ਼ਹਿਰ ਵਜੋਂ ਮਸ਼ਹੂਰ ਗੁਰੂ ਨਗਰੀ ’ਚ ਲੋਕਾਂ ਨੂੰ ਮਿਲਾਵਟ ਖੋਰੀ ਤੇ ਗੈਰ ਮਿਆਰੀ ਵਸਤੂਆਂ ਪਰੋਸ ਕੇ ਮੁਨਾਫਾ ਕਮਾ ਰਹੇ ਦੁਕਾਨਦਾਰਾਂ ਤੇ ਵਿਕ੍ਰੇਤਾਵਾਂ ਖਿਲਾਫ਼ ਸਿਹਤ ਵਿਭਾਗ ਨੇ ਸ਼ਿੰਕਜ਼ਾ ਕੱਸ ਦਿੱਤਾ ਹੈ ਇਸੇ ਤਹਿਤ ਇਥੇ ਪ੍ਰਸਿੱਧ ਛੋਲੇ ਭਠੂਰੇ ਅਤੇ ਚਿਕਨ ਰੈਸਟੋਰੈਂਟ ਤੇ ਅੱਜ ਟੀਮ ਵਲੋਂ ਦਸਤਕ ਦਿੱਤੀ ਜਿਥੇ ਸਾਫ ਸਫਾਈ ਦੀ ਹਾਲਾਤ ਬਦਤਰ ਪਾਏ ਜਾਣ ’ਤੇ ਦੋਵਾਂ ਥਾਵਾਂ ਦੇ ਅਣ ਸਵੱਛਤਾ ਦੇ ਚਲਾਨ ਕੀਤੇ ਗਏ ਤੇ ਖਾਣ ਪੀਣ ਵਾਲੀਆਂ ਵਸਤੂਆਂ ਦੇ ਨਮੂਨੇ ਵੀ ਭਰੇ ਗਏ। ਇਸ ਤੋਂ ਇਲਾਵਾ ਫਤਿਹਗੜ ਚੁੜੀਆਂ ਰੋਡ ’ਤੇ ਸਥਿਤ ਦੁੱਧ ਦੀਆਂ ਡੇਅਰੀਆਂ ਤੋਂ ਵੀ ਨਮੂਨੇ ਭਰੇ ਗਏ।
ਫ
ਫਤਿਹਗੜ੍ਹ ਚੂੜੀਆਂ ਰੋਡ ’ਤੇ ਦੁੱਧ ਡੇਅਰੀਆਂ ’ਤੇ ਵੀ ਕੀਤੀ ਛਾਪੇਮਾਰੀ
10-09-2026
ਅੰਮ੍ਰਿਤਸਰ, 9 ਸਤੰਬਰ (ਰੇਸ਼ਮ ਸਿੰਘ)-ਖਾਣ ਪੀਣ ਲਈ ਸ਼ੌਕੀਨਾਂ ਦੇ ਸ਼ਹਿਰ ਵਜੋਂ ਮਸ਼ਹੂਰ ਗੁਰੂ ਨਗਰੀ ’ਚ ਲੋਕਾਂ ਨੂੰ ਮਿਲਾਵਟ ਖੋਰੀ ਤੇ ਗੈਰ ਮਿਆਰੀ ਵਸਤੂਆਂ ਪਰੋਸ ਕੇ ਮੁਨਾਫਾ ਕਮਾ ਰਹੇ ਦੁਕਾਨਦਾਰਾਂ ਤੇ ਵਿਕ੍ਰੇਤਾਵਾਂ ਖਿਲਾਫ਼ ਸਿਹਤ ਵਿਭਾਗ ਨੇ ਸ਼ਿੰਕਜ਼ਾ ਕੱਸ ਦਿੱਤਾ ਹੈ ਇਸੇ ਤਹਿਤ ਇਥੇ ਪ੍ਰਸਿੱਧ ਛੋਲੇ ਭਠੂਰੇ ਅਤੇ ਚਿਕਨ ਰੈਸਟੋਰੈਂਟ ਤੇ ਅੱਜ ਟੀਮ ਵਲੋਂ ਦਸਤਕ ਦਿੱਤੀ ਜਿਥੇ ਸਾਫ ਸਫਾਈ ਦੀ ਹਾਲਾਤ ਬਦਤਰ ਪਾਏ ਜਾਣ ’ਤੇ ਦੋਵਾਂ ਥਾਵਾਂ ਦੇ ਅਣ ਸਵੱਛਤਾ ਦੇ ਚਲਾਨ ਕੀਤੇ ਗਏ ਤੇ ਖਾਣ ਪੀਣ ਵਾਲੀਆਂ ਵਸਤੂਆਂ ਦੇ ਨਮੂਨੇ ਵੀ ਭਰੇ ਗਏ। ਇਸ ਤੋਂ ਇਲਾਵਾ ਫਤਿਹਗੜ ਚੁੜੀਆਂ ਰੋਡ ’ਤੇ ਸਥਿਤ ਦੁੱਧ ਦੀਆਂ ਡੇਅਰੀਆਂ ਤੋਂ ਵੀ ਨਮੂਨੇ ਭਰੇ ਗਏ। ਜਿਲ੍ਹਾ ਸਿਹਤ ਅਧਿਕਾਰੀ ਡਾ: ਮਨਜੀਤ ਸਿੰਘ ਰਟੌਲ ਨੇ ਦੱਸਿਆ ਕਿ ਫੂਡ ਸੇਫਟੀ ਵਿਭਾਗ ਦੀ ਟੀਮ ਜਿਨ੍ਹਾਂ ’ਚ ਐੱਫ. ਐੱਸ. ਓ. ਸਤਨਾਮ ਸਿੰਘ ਆਦਿ ਵੀ ਸ਼ਾਮਿਲ ਸਨ ਵਲੋਂ ਇਥੇ ਸਰਕੂਲਰ ਰੋਡ ਜਨਪਤ ਮਾਰਕੀਟ ਵਿਖੇ ਛੋਲੇ ਭਟੂਰੇ ਦੀ ਦੁਕਾਨ ਅਤੇ ਨਾਨ-ਵੈਜ (ਚਿਕਨ) ਰੈਸਟੋਰੈਂਟ ਦਾ ਨਿਰੀਖਣ ਕੀਤਾ। ਖੁਰਾਕ ਸੁਰੱਖਿਆ ਟੀਮ ਨੇ ਇਕ ਆਊਟਲੈੱਟ ਤੋਂ ਤਿਆਰ ਛੋਲੇ ਅਤੇ ਦੂਜੇ ਤੋਂ ਹਰੀ ਚਟਨੀ ਦੇ ਦੋਵਾਂ ਆਊਟਲੈੱਟਾਂ ਤੋਂ ਦੋ ਨਮੂਨੇ ਲਏ। ਟੀਮ ਨੇ ਦੋਵਾਂ ਆਊਟਲੈੱਟਾਂ ਨੂੰ ਅਣ-ਸਵੱਛ ਚਲਾਨ ਵੀ ਜਾਰੀ ਕੀਤਾ ਅਤੇ ਸਾਫ ਸਫਾਈ ਦੀ ਸਥਿਤੀ ’ਚ ਸੁਧਾਰ ਲਈ ਨੋਟਿਸ ਵੀ ਜਾਰੀ ਕੀਤੇ। ਇਸੇ ਤਰ੍ਹਾਂ ਖੁਰਾਕ ਸੁਰੱਖਿਆ ਟੀਮ ਨੇ ਫਤਿਹਗੜ੍ਹ ਚੂੜੀਆਂ ਰੋਡ ’ਤੇ ਦੁੱਧ ਡੇਅਰੀ ਦਾ ਵੀ ਨਿਰੀਖਣ ਕੀਤਾ ਅਤੇ ਮੌਕੇ ’ਤੇ ਪਨੀਰ ਦੇ ਇਕ ਅਤੇ ਦੁੱਧ ਦੇ ਦੂਜੇ ਦੇ ਦੋ ਨਮੂਨੇ ਲਏ। ਇਸ ਲਈ, ਟੀਮ ਨੇ ਅੱਜ ਕੁੱਲ 4 ਇਨਫੋਰਸਮੈਂਟ ਨਮੂਨੇ ਲਏ ਜਿਨ੍ਹਾਂ ਨੂੰ ਵਿਸ਼ਲੇਸ਼ਣ ਲਈ ਸਟੇਟ ਫੂਡ ਲੈਬ ਖਰੜ ਨੂੰ ਭੇਜਿਆ ਜਾਵੇਗਾ। ਡੀ.ਐੱਚ. ਓ. ਡਾ: ਰਟੌਲ ਨੇ ਦੱਸਿਆ ਕਿ ਜਲਦ ਹੀ ਹੋਰ ਬਾਕੀ ਖਾਣ ਪੀਣ ਵਾਲੀਆਂ ਥਾਵਾਂ ’ਤੇ ਵੀ ਚੈਕਿੰਗ ਕੀਤੀ ਜਾਵੇਗੀ ।
