22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 18-02-2026

ਅਣ-ਅਧਿਕਾਰਤ ਤੌਰ 'ਤੇ ਕੁਝ ਲੋਕਾਂ ਵਲੋਂ ਕੀਤੀ ਜਾ ਰਹੀ ਕੂੜੇ ਦੀ ਚੁਕਾਈ ਦੀ ਵਸੂਲੀ <br/>

ਅਜੀਤ ਡੈਸਕ 18-02-2026
ਅੰਮਿ੍ਤਸਰ, 17 ਫ਼ਰਵਰੀ (ਹਰਮਿੰਦਰ ਸਿੰਘ)- ਸ਼ਹਿਰ ਵਿਚੋਂ ਕੂੜੇ ਦੀ ਚੁਕਾਈ ਦਾ ਕੰਮ ਸ਼ੁਰੂ ਕੀਤਾ ਜਾ ਚੁਕਾ ਹੈ ਨਿੱਜੀ ਕੰਪਨੀ ਵਲੋਂ ਕੂੜੇ ਦੀ ਚੁਕਾਈ ਲਈ ਆਪਣੀਆਂ ਗੱਡੀਆਂ ਸ਼ਹਿਰ ਦੇ ਵੱਖ ਵੱਖ ਇਲਾਕਿਆਂ 'ਚ ਉਤਾਰੀਆਂ ਗਈਆਂ ਹਨ ਪਰ ਅਜੇ ਤੱਕ ਕੂੜੇ ਦੀ ਚੁਕਾਈ ਫੀਸ ਨਹੀ ਵਸੂਲੀ ਜਾ ਰਹੀ ਜਿਸ ਦੀ ਆੜ ਵਿਚ ਕੁਝ ਲੋਕਾਂ ਵਲੋਂ ਆਪਣੀ ਮਰਜ਼ੀ ਨਾਲ ਹੀ ਲੋਕਾਂ ਕੋਲੋਂ ਕੂੜੇ ਦੀ ਚੁਕਾਈ ਦੀ ਫੀਸ ਆਪਣੀ ਮਰਜ਼ੀ ਦੀ ਵਸੂਲੀ ਕੀਤੀ ਜਾ ਰਹੀ ਹੈ | ਅਜਿਹੇ ਕਈ ਮਾਮਲੇ ਸਾਹਮਣੇ ਵੀ ਆ ਚੁਕੇ ਹਨ |
ਕੂੜੇ ਦੀ ਚੁਕਾਈ ਲਈ ਨਿਗਮ ਵਲੋਂ ਵੱਖ ਵੱਖ ਸ਼ੇ੍ਰਣੀਆਂ ਦੀ ਫੀਸ ਨਿਧਾਰਤ ਕੀਤੀ ਗਈ ਹੈ | ਘਰੇਲੂ ਸ਼ੇ੍ਰਣੀ ਦੇ ਉਪਭੋਗਤਾਵਾਂ ਜਿਨ੍ਹਾਂ ਦੇ ਘਰ 50 ਤੋਂ 200 ਵਰਗ ਮੀਟਰ 'ਚ ਹੈ ਉਨ੍ਹਾਂ ਕੋਲੋਂ 79.06 ਰੁਪਏ ਜਦੋਂ ਕਿ ਕੁਝ ਲੋਕਾਂ ਜਿਨ੍ਹਾਂ ਦੇ ਨਿਗਮ ਨਾਲ ਕੋਈ ਲੈਣਾ ਦੇਣਾ ਵੀ ਨਹੀ ਹੈ, ਵਲੋਂ ਨਿਗਮ ਅਤੇ ਲੋਕਾਂ ਦੀ ਅੱਖੀਂ ਘੱਟਾ ਪਾ ਕੇ ਉਨ੍ਹਾਂ ਕੋਲੋਂ ਮੈਨੁਅਲ ਰਸੀਦਾਂ ਰਾਹੀਂ 200 ਰੁਪਏ ਘਰ ਵਸੂਲਿਆ ਜਾ ਰਿਹਾ ਹੈ | ਕੰਪਨੀ ਦੇ ਅਧਿਕਾਰੀਆਂ ਦੇ ਕਹਿਣਾ ਹੈ ਕੇ ਕੂੜੇ ਦੀ ਚੁਕਾਈ ਦੀ ਫੀਸ ਪੋਜ ਮਸ਼ੀਨ ਰਾਹੀਂ ਪਰਚੀ ਕੱਟ ਕੇ ਵਸੂਲੀ ਜਾਵੇਗੀ | ਉਨ੍ਹਾਂ ਕਿਹਾ ਬਿਨਾਂ ਪੋਜ ਮਸ਼ੀਨ ਦੇ ਰਸੀਦ ਕੱਟਣ ਵਾਲਿਆਂ ਨਾਲ ਕੰਪਨੀ ਦਾ ਕੋਈ ਸੰਬੰਧ ਨਹੀ ਹੈ | ਕੂੜੇ ਦੀ ਚੁਕਾਈ ਲਈ ਘਰਾਂ ਦੇ ਅੰਦਰਵਾਰ ਕਿਓ ਆਰ ਕੋਰਡ ਲਗਾਏ ਜਾ ਰਹੇ ਇਹ ਕੰਮ ਅਜੇ ਹਲਕਾ ਉੱਤਰੀ 'ਚ ਹੋਇਆ ਹੈ ਜਦੋਂ ਕਿ ਸ਼ਹਿਰ ਦੇ ਬਾਕੀ ਹਿੱਸੇ ਵਿਚ ਇਕ ਕੋਰਡ ਨਹੀ ਲਗਾਏ ਗਏ | ਇਨ੍ਹਾਂ ਕਿਓ ਆਰ ਕੋਰਡ ਵਿਚ ਹਰ ਘਰ ਦਾ ਪੂਰਾ ਵੇਰਵਾ ਦਰਜ ਹੋਵੇਗਾ | ਜਿਸ ਦੇ ਆਧਾਰ 'ਤੇ ਉਨ੍ਹਾਂ ਕੋਲੋਂ ਕੂੜੇ ਦੀ ਚੁਕਾਈ ਦੀ ਫੀਸ ਵਸੂਲੀ ਜਾਵੇਗੀ |

ਪਿਛਲੀ ਖ਼ਬਰ ਨਗਰ ਨਿਗਮ ਵਲੋਂ ਨਾਗਰਿਕਾਂ ਲਈ ਕੂੜਾ ਛਟਾਈ ਅਤੇ ਸਫ਼ਾਈ ਸੰਬੰਧੀ ਹੁਕਮ ਜਾਰੀ ਅਗਲੀ ਖ਼ਬਰ ਵਿਜ਼ਡਮ ਕਲਾਸਿਸ ਦੇ ਵਿਦਿਆਰਥੀਆਂ ਨੇ ਜੇ.ਈ.ਈ. ਮੇਨ ਦੀ ਪ੍ਰੀਖਿਆ 'ਚ ਮਾਰੀ ਬਾਜ਼ੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।