ਆਰੀਆ ਸਮਾਜ ਤੇ ਇਸਤਰੀ ਆਰੀਆ ਸਮਾਜ ਨੇ ਰਿਸ਼ੀ ਨਿਰਵਾਣ ਦਿਵਸ ਮਨਾਇਆ

ਅ

ਅਜੀਤ ਡੈਸਕ 10-11-2026

ਫ਼ਾਜ਼ਿਲਕਾ, 9 ਨਵੰਬਰ (ਦਵਿੰਦਰ ਪਾਲ ਸਿੰਘ)- ਆਰੀਆ ਸਮਾਜ ਅਤੇ ਇਸਤਰੀ ਆਰੀਆ ਸਮਾਜ ਵਲੋਂ ਆਰੀਆ ਸਮਾਜ ਦੇ ਪ੍ਰਧਾਨ ਡਾ. ਨਵਦੀਪ ਜਸੂਜਾ ਦੀ ਅਗਵਾਈ ਹੇਠ ਸਥਾਨਕ ਆਰੀਆ ਸਮਾਜ ਮੰਦਰ ਵਿਖੇ ਰਿਸ਼ੀ ਨਿਰਵਾਣ ਦਿਵਸ ਬੜੀ ਸ਼ਰਧਾ ਨਾਲ ਮਨਾਇਆ ਗਿਆ। ਇਸ ਮੌਕੇ ਪੁਰੋਹਿਤ ਪ੍ਰੇਮ ਨਰਾਇਣ ਵਿਦਿਆਰਥੀ ਦੁਆਰਾ ਵੈਦਿਕ ਮੰਤਰਾਂ ਨਾਲ ਹਵਨ ਯੱਗ ਕਰਵਾਇਆ ਗਿਆ, ਜਿਸ ਵਿਚ ਜਜਮਾਨ ਵਜੋਂ ਇਸਤਰੀ ਆਰੀਆ ਸਮਾਜ ਦੀ ਸਰਪ੍ਰਸਤ ਸ਼੍ਰੀਮਤੀ ਸੁਦੇਸ਼ ਨਾਗਪਾਲ ਸ਼ਾਮਲ ਹੋਏ। ਉਨ੍ਹਾਂ ਅਤੇ ਹਾਜ਼ਰ ਸ਼ਰਧਾਲੂਆਂ ਨੇ ਵੈਦਿਕ ਮੰਤਰਾਂ ਦੇ ਉਚਾਰਨ ਨਾਲ ਯੱਗ ਵਿਚ ਅਹੂਤੀਆਂ ਪਾਈਆਂ। ਇਸ ਸਮਾਗਮ ਦੌਰਾਨ ਸ਼੍ਰੀਮਤੀ ਸੁਦੇਸ਼ ਨਾਗਪਾਲ, ਆਸ਼ਾ ਮਿਨੋਚਾ ਅਤੇ ਨੀਲਮ ਪੁਜਾਰਾ ਨੇ ਆਰੀਆ ਸਮਾਜ ਦੇ ਸੰਸਥਾਪਕ ਮਹਾਂਰਿਸ਼ੀ ਸਵਾਮੀ ਦਯਾਨੰਦ ਸਰਸਵਤੀ ਜੀ ਦੇ ਸ਼ੁੱਭ ਕਾਰਜਾਂ ਨੂੰ ਸਮਰਪਿਤ ਭਜਨ ਗਾਇਣ ਕੀਤੇ। ਇਸ ਮੌਕੇ ਡਾ.ਸੁਸ਼ੀਲ ਵਰਮਾ ਨੇ ਮਹਾਂਰਿਸ਼ੀ ਦਯਾਨੰਦ ਸਰਸਵਤੀ ਜੀ ਦੇ ਜੀਵਨ ’ਤੇ ਚਾਨਣਾ ਪਾਉਂਦਿਆਂ ਦੱਸਿਆ ਕਿ ਕਿਵੇਂ ਉਨ੍ਹਾਂ ਨੇ ਆਪਣਾ ਪੂਰਾ ਜੀਵਨ ਵੇਦਾਂ ਦੀਆਂ ਸਿੱਖਿਆਵਾਂ ਦੇ ਪ੍ਰਚਾਰ-ਪ੍ਰਸਾਰ ਲਈ ਸਮਰਪਿਤ ਕੀਤਾ ਅਤੇ ਇਸਤਰੀ ਸਿੱਖਿਆ, ਔਰਤਾਂ ਤੇ ਵਿਧਵਾਵਾਂ ਦੇ ਸੁਧਾਰ ਅਤੇ ਉੱਨਤੀ ’ਤੇ ਵਿਸ਼ੇਸ਼ ਜ਼ੋਰ ਦਿੱਤਾ। ਇਸ ਸਮਾਗਮ ਵਿਚ ਆਰੀਆ ਸਮਾਜ ਦੇ ਸਰਪ੍ਰਸਤ ਕਿਸ਼ੋਰ ਚੰਦ ਪੁੰਛੀ, ਮੰਤਰੀ ਇੰਜੀਨੀਅਰ ਅਮਿੱਤ ਉਬਵੇਜਾ, ਅਨੂਪ ਪੁੰਛੀ, ਰਾਜਵੀਰ ਸਿੰਘ, ਵਿਨੇ ਮਿਨੋਚਾ, ਐਡਵੋਕੇਟ ਵਿਜੇ ਕੁਮਾਰ ਪੁਜਾਰਾ, ਗੀਤਾ ਪੁੰਛੀ, ਸੁਨੀਤਾ ਮਿੱਢਾ ਅਤੇ ਸ਼ਾਰਦਾ ਸਮੇਤ ਕਈ ਹੋਰ ਪਤਵੰਤੇ ਵੀ ਹਾਜ਼ਰ ਸਨ।

ਪਿਛਲੀ ਖ਼ਬਰ ਲੋਕਤੰਤਰ ਸੈਨਾਨੀ ਝਾਂਬ ਪਰਿਵਾਰ ਨੇ ਸੋਸ਼ਲ ਵੈੱਲਫੇਅਰ ਸੁਸਾਇਟੀ ਨਾਲ ਮਿਲ ਕੇ ਬਿਰਧ ਆਸ਼ਰਮ ’ਚ ਮਨਾਈ ਦੀਵਾਲੀ ਅਗਲੀ ਖ਼ਬਰ ਐਡਵੋਕੇਟ ਗਰੇਵਾਲ ਨਾਲ ਵੱਖ-ਵੱਖ ਆਗੂਆਂ ਨੇ ਕੀਤਾ ਦੁੱਖ ਸਾਂਝਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਆਰੀਆ ਸਮਾਜ ਤੇ ਇਸਤਰੀ ਆਰੀਆ ਸਮਾਜ ਨੇ ਰਿਸ਼ੀ ਨਿਰਵਾਣ ਦਿਵਸ ਮਨਾਇਆ

Subscribers Only Story

ਸੰਬੰਧਿਤ ਖ਼ਬਰਾਂ