ਬੱਲੂਆਣਾ, 19 ਫਰਵਰੀ (ਜਸਮੇਲ ਸਿੰਘ ਢਿੱਲੋਂ)-ਪਿਛਲੇ ਦਿਨੀਂ ਚੰਡੀਗੜ੍ਹ ਵਿਖੇ ਵਿਕਾਸ ਭਵਨ ਚੰਡੀਗੜ੍ਹ ਵਿਚ ਆਮ ਆਦਮੀ ਪਾਰਟੀ ਹਾਈਕਮਾਂਡ ਨਾਲ ਮੀਟਿੰਗ ਤੋਂ ਬਾਅਦ ਮੀਡੀਆ ਵਿੰਗ ਦੇ ਹਲਕਾ ਬੱਲੂਆਣਾ ਦੇ ਵਾਈਸ ਕੋਆਰਡੀਨੇਟਰ ਅਤੇ ਬੱਲੂਆਣਾ ਦੇ ਮੌਜੂਦਾ ਸਰਪੰਚ ਭਜਨ ਲਾਲ ਨੇ ਹਲਕਾ ਅਬੋਹਰ ਦੇ 11 ਪਿੰਡਾਂ ਜਿਸ ਵਿਚ ਭੰਗਰ ਖੇੜਾ, ਗਿੱਦੜਾਂ ਵਾਲੀ, ਗੁੰਮਜਾਲ, ਹਰੀਪੁਰਾ, ਅੱਚਾੜਿੱਕੀ, ਮੌਜਗੜ੍ਹ, ਦਲਮੀਰ ਖੇੜਾ, ਦੌਲਤਪੁਰਾ, ਪੱਟੀ ਬੀਲਾ, ਸੱਪਾਂ ਵਾਲੀ ਅਤੇ ਢਾਣੀ ਕਾਲੂ ਰਾਮ ਵਿਚ ਬਤੌਰ ਅਬਜ਼ਰਵਰ ਦੌਰਾ ਸ਼ੁਰੂ ਕਰ ਦਿੱਤਾ ਹੈ | ਉਨ੍ਹਾਂ ਦੇ ਦੱਸਣ ਮੁਤਾਬਿਕ ਪਹਿਲੇ ਦੌਰ ਵਿਚ ਉਹ ਹਰ ਰੋਜ਼ ਬਲਾਕ ਪ੍ਰਧਾਨ ਬਲਦੇਵ ਕੰਬੋਜ ਅਤੇ ਰਾਮ ਸਿੰਘ ਬਿਸ਼ਨੋਈ ਨਾਲ ਰਾਬਤਾ ਕਾਇਮ ਕਰਕੇ ਵੱਖ ਵੱਖ ਵਿੰਗਾ ਦੇ ਪ੍ਰਧਾਨਾਂ, ਹੋਰ ਅਹੁਦੇਦਾਰਾਂ ਅਤੇ ਪਾਰਟੀ ਵਰਕਰਾਂ ਨਾਲ ਮਿਲਣੀ ਕਰ ਰਹੇ ਹਨ | ਪਾਰਟੀ ਵਰਕਰਾਂ ਵਲੋਂ ਚੰਗਾ ਸਹਿਯੋਗ ਮਿਲ ਰਿਹਾ ਹੈ | ਉਨ੍ਹਾਂ ਇਹ ਵੀ ਦੱਸਿਆ ਕਿ ਪਿੰਡਾਂ ਦੇ ਲੋਕ ਭਗਵੰਤ ਮਾਨ ਸਰਕਾਰ ਦੀਆਂ ਨੀਤੀਆਂ ਤੋਂ ਖ਼ੁਸ਼ ਹਨ, ਖ਼ਾਸ ਕਰਕੇ ਸਿਹਤ ਬੀਮਾ ਯੋਜਨਾ ਦੀ ਹਰ ਪਿੰਡ ਵਿਚ ਚਰਚਾ ਹੋ ਰਹੀ ਹੈ | ਭਜਨ ਲਾਲ ਨੇ ਇਹ ਵੀ ਦੱਸਿਆ ਕਿ ਲਗਭਗ ਤਿੰਨ ਹਫ਼ਤਿਆਂ ਵਿਚ ਸਾਰੇ ਪਿੰਡਾਂ ਦਾ ਡਾਟਾ ਮੁਕੰਮਲ ਕਰਕੇ ਹਾਈਕਮਾਂਡ ਨੂੰ ਭੇਜ ਦਿੱਤਾ ਜਾਵੇਗਾ |
