ਗੁਰਦਾਸਪੁਰ, 8 ਮਾਰਚ (ਅਸ਼ੋਕ ਸ਼ਰਮਾ)- ਪੁਲਿਸ ਸਟੇਸ਼ਨ ਪੁਰਾਣਾ ਸ਼ਾਲਾ ਅੰਦਰ ਪੈਂਦੇ ਪਿੰਡ ਲਮੀਣ ਦਾ ਬਜ਼ੁਰਗ ਭੇਦਭਰੇ ਹਲਾਤਾਂ 6 ਦਿਨਾਂ ਤੋਂ ਗੁੰਮ ਹੋਣ ਕਰਕੇ ਉਸ ਦੇ ਭੈਣ ਭਰਾ ਤੇ ਪਰਿਵਾਰਕ ਮੈਂਬਰ ਬੇਹੱਦ ਪ੍ਰੇਸ਼ਾਨ ਹਨ | ਉਨ੍ਹਾਂ ਦੇ ਛੋਟੇ ਭਰਾ ਜੀਰੋ ਨੇ ਦੱਸਿਆ ਕਿ ਮੇਰਾ ਵੱਡਾ ਭਰਾ ਜੋ 3 ਮਾਰਚ ਨੰੂ ਹੁਸ਼ਿਆਰਪੁਰ ਦੇ ਪਿੰਡ ਚੰਡੀਦਾਸ ਤੋਂ ਪੈਦਲ ਸੰਗ ਨੰੂ ਪੁਲ ਤਿੱਬੜੀ ਦੇਖਣ ਗਿਆ ਸੀ, ਉਸ ਤੋਂ ਬਾਅਦ ਘੋਲਾ ਮਸੀਹ ਪੁੱਤਰ ਗਾਮਾ ਮਸੀਹ ਵਾਸੀ ਲਮੀਣ ਵਾਪਸ ਨਹੀਂ ਆਇਆ ਅਤੇ ਉਸ ਨੂੰ ਲੱਭਣ ਵਾਸਤੇ ਰਿਸ਼ਤੇਦਾਰਾਂ, ਧਾਰਮਿਕ ਅਸਥਾਨਾਂ 'ਤੇ ਵੀ ਪਤਾ ਕੀਤਾ ਪਰ ਉਸ ਦਾ ਅਜੇ ਤੱਕ ਕੋਈ ਵੀ ਥੋਹ ਪਤਾ ਨਹੀਂ ਲੱਗ ਸਕਿਆ | ਉਨ੍ਹਾਂ ਦੱਸਿਆ ਕਿ ਇਸ ਦੀ ਸੂਚਨਾ ਥਾਣਾ ਪੁਰਾਣਾ ਸ਼ਾਲਾ ਵਿਖੇ ਵੀ ਦੇ ਦਿੱਤੀ ਹੈ | ਉਨ੍ਹਾਂ ਜ਼ਿਲ੍ਹਾ ਪੁਲਿਸ ਮੁਖੀ ਗੁਰਦਾਸਪੁਰ ਪਾਸੋਂ ਮੰਗ ਕੀਤੀ ਹੈ ਕਿ ਉਸ ਨੰੂ ਲੱਭਣ ਵਾਸਤੇ ਥਾਣਾ ਪੁਰਾਣਾ ਸ਼ਾਲਾ ਨੰੂ ਹਦਾਇਤਾਂ ਜਾਰੀ ਕੀਤੀਆਂ ਜਾਣ |
