ਝੋਨੇ ਦੀ ਖ਼ਰੀਦ ਦਾ ਟੀਚਾ ਪੂਰਾ ਹੋਣ ’ਤੇ ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਦੀਆਂ 16 ਮੰਡੀਆਂ ਵਿਚ ਖ਼ਰੀਦ ਬੰਦ ਕਰਨ ਦੀ ਤਜਵੀਜ਼

ਫ਼ਤਹਿਗੜ੍ਹ ਸਾਹਿਬ, 9 ਨਵੰਬਰ (ਸੁਰਜੀਤ ਸਿੰਘ ਸਾਹੀ)-ਜ਼ਿਲ੍ਹਾ ਪਰੋਕਿਉਰਮੈਂਟ ਕਮੇਟੀ ਫ਼ਤਹਿਗੜ੍ਹ ਸਾਹਿਬ ਨੇ ਪੰਜਾਬ ਮੰਡੀ ਬੋਰਡ ਦੇ ਮੁੱਖ ਦਫ਼ਤਰ ਨੂੰ ਜ਼ਿਲ੍ਹੇ ਦੀਆਂ ਸਮੂਹ ਮਾਰਕੀਟ ਕਮੇਟੀਆਂ ਅਧੀਨ ਪੈਂਦੇ 16 ਖ਼ਰੀਦ ਕੇਂਦਰਾਂ ਵਿਚੋਂ ਸੱਤ ’ਤੇ ਝੋਨੇ ਦੀ ਖ਼ਰੀਦ 10 ਨਵੰਬਰ ਤੋਂ ਅਤੇ 9 ਖ਼ਰੀਦ ਕੇਂਦਰਾਂ ’ਤੇ ਝੋਨੇ ਦੀ ਖ਼ਰੀਦ 11 ਨਵੰਬਰ ਤੋਂ ਬੰਦ ਕਰਨ ਦੀ ਤਜਵੀਜ਼ ਭੇਜੀ ਹੈ। ਭੇਜੀ ਗਈ ਤਜਵੀਜ਼ ਵਿਚ ਸਰਹਿੰਦ ਮਾਰਕੀਟ ਕਮੇਟੀ ਅਧੀਨ ਖ਼ਰੀਦ ਕੇਂਦਰ ਬਡਾਲੀ ਆਲਾ ਸਿੰਘ ਤੇ ਫਿਰੋਜ਼ਪੁਰ 11 ਨਵੰਬਰ ਤੋਂ, ਅਮਲੋਹ ਮਾਰਕੀਟ ਕਮੇਟੀ ਅਧੀਨ ਕੇਂਦਰ ਸ਼ਮਸਪੁਰ 11 ਨਵੰਬਰ ਤੋਂ ਖ਼ਰੀਦ ਕੇਂਦਰ ਬੁੱਗਾ ਕਲਾਂ 10 ਨਵੰਬਰ ਤੋਂ, ਪਹੇੜੀ, ਮਛਰਾਏ ਕਲਾਂ ਤੇ ਰਾਮਗੜ੍ਹ 11 ਨਵੰਬਰ ਤੋਂ ਮੰਡੀ ਗੋਬਿੰਦਗੜ੍ਹ ਮਾਰਕੀਟ ਕਮੇਟੀ ਅਧੀਨ ਖ਼ਰੀਦ ਕੇਂਦਰ ਰੰਘੇੜੀ ਕਲਾਂ 11 ਨਵੰਬਰ ਤੇ ਖ਼ਰੀਦ ਕੇਂਦਰ ਚਤਰਪੁਰਾ 10 ਨਵੰਬਰ, ਚਨਾਰਥਲ ਮਾਰਕੀਟ ਕਮੇਟੀ ਅਧੀਨ ਖ਼ਰੀਦ ਕੇਂਦਰ ਭਮਾਰਸੀ ਤੇ ਬਾਗੜੀਆਂ 10 ਨਵੰਬਰ, ਬਸੀ ਪਠਾਣਾ ਮਾਰਕੀਟ ਕਮੇਟੀ ਅਧੀਨ ਖ਼ਰੀਦ ਕੇਂਦਰ ਰੈਲੋਂ ਤੇ ਚੁੰਨੀ ਕਲਾਂ 10 ਨਵੰਬਰ, ਖਮਾਣੋਂ ਮਾਰਕੀਟ ਕਮੇਟੀ ਅਧੀਨ ਖ਼ਰੀਦ ਕੇਂਦਰ ਨਾਨੋਵਾਲ ਤੇ ਬਰਵਾਲੀ ਖੁਰਦ 11 ਨਵੰਬਰ ਅਤੇ ਖ਼ਰੀਦ ਕੇਂਦਰ ਰਾਣਵਾਂ ਨੂੰ 10 ਨਵੰਬਰ ਤੋਂ ਬੰਦ ਕਰਨ ਦੀ ਤਜਵੀਜ਼ ਭੇਜੀ ਗਈ ਹੈ ਜੇਕਰ ਇਹ ਤਜਵੀਜ਼ ਪੰਜਾਬ ਮੰਡੀ ਬੋਰਡ ਵਲੋਂ ਪ੍ਰਵਾਨ ਕਰਨ ਲਈ ਗਈ ਜਾਂਦੀ ਹੈ ਤਾਂ ਇਹ ਉਪਰੋਕਤ ਸਾਰੇ ਹੀ ਕੇਂਦਰ ਅੱਜ 10 ਤੇ 11 ਨਵੰਬਰ ਤੋਂ ਬੰਦ ਕਰ ਦਿੱਤੇ ਜਾਣਗੇ।