ਸੰਘੋਲ, 17 ਫਰਵਰੀ (ਪਰਮਵੀਰ ਸਿੰਘ ਧਨੋਆ)-ਕਸਬਾ ਸੰਘੋਲ 'ਚ ਐੱਨ.ਆਰ.ਆਈ ਰਾਕੇਸ਼ ਪੁਰੀ ਯੂ.ਐੱਸ.ਏ. ਦੇ ਸਹਿਯੋਗ ਨਾਲ ਗ਼ਰੀਬ ਪਰਿਵਾਰਾਂ ਦੀਆਂ ਚਾਰ ਲੜਕੀਆਂ ਦੇ ਵਿਆਹ ਕਾਰਜ ਕਰਵਾਏ ਗਏ | ਪੁਰੀ ਪਰਿਵਾਰ ਵਲੋਂ ਕੀਤੇ ਗਏ ਇਸ ਉਪਰਾਲੇ ਦੌਰਾਨ ਸਭਨਾਂ ਕੁੜੀਆਂ ਨੂੰ ਘਰੇਲੂ ਵਰਤੋਂ ਦਾ ਸਾਰਾ ਸਾਮਾਨ ਵੀ ਦਿੱਤਾ ਗਿਆ | ਜੱਸੀ ਪੁਰੀ ਨੇ ਗੱਲਬਾਤ ਮੌਕੇ ਕਿਹਾ ਕਿ ਪਿੰਡ ਅਤੇ ਇਲਾਕਾ ਵਾਸੀਆਂ ਦੇ ਸਹਿਯੋਗ ਨਾਲ ਹੀ ਉਕਤ ਕਾਰਜ ਨੇਪਰੇ ਚਾੜਿ੍ਹਆ ਜਾ ਸਕਿਆ ਹੈ | ਵੱਡੀ ਗਿਣਤੀ 'ਚ ਇਲਾਕੇ ਦੇ ਪਤਵੰਤੇ ਇਸ ਮੌਕੇ ਵਿਆਹ ਵਾਲੇ ਜੋੜਿਆਂ ਨੂੰ ਆਸ਼ੀਰਵਾਦ ਦੇਣ ਪਹੁੰਚੇ | ਇਸ ਮੌਕੇ ਕਪਿਲ ਰਾਣਾ, ਮੰਗਾ ਸਿੰਘ, ਵਿਨੋਦ, ਸ਼ਿਵ ਪੁਰੀ, ਨਰੇਸ਼, ਗਿਆਨ ਚੰਦ, ਸੁਖਦੇਵ ਭਟਨਾਗਰ, ਰਿਸ਼ੀ ਪੁਰੀ, ਕਾਕਾ, ਅਮਜ਼ਦ ਖ਼ਾਨ, ਜੀਵਨ ਰਾਣਾ, ਰਾਕੇਸ਼ ਕੁਮਾਰ ਸਾਬਕਾ ਸਰਪੰਚ, ਅਸ਼ੋਕ ਕੁਮਾਰ ਤੋਂ ਇਲਾਵਾ ਵੱਡੀ ਗਿਣਤੀ ਇਲਾਕਾ ਵਾਸੀ ਮੌਜੂਦ ਰਹੇ |