ਬੰਗਾ, 22 ਫਰਵਰੀ (ਕੁਲਦੀਪ ਸਿੰਘ ਪਾਬਲਾ) - ਪਿਛਲੇ ਦਿਨੀ ਪੰਜਾਬ ਸਟੇਟ ਰੈਸਲਿੰਗ ਚੈਂਪੀਅਨਸ਼ਿਪ ਅੰਡਰ 15 ਸਾਲ ਸੰਗਰੂਰ ਵਿਖੇ ਕਰਵਾਈ ਗਈ | ਜਿਸ ਵਿੱਚ ਦੇਸ਼ ਭਗਤ ਸਰਦਾਰ ਦਲੀਪ ਸਿੰਘ ਬੱਬਰ ਰੈਸਲਿੰਗ ਸੈਂਟਰ ਗੋਸਲਾਂ ਦੇ ਪਹਿਲਵਾਨ ਅਨਮੋਲ ਸਿੰਘ ਪੁੱਤਰ ਜੁਪਿੰਦਰ ਸਿੰਘ ਪਿੰਡ ਦੁਸਾਂਝ ਖੁਰਦ ਨੇ ਉਮਰ 15 ਸਾਲ ਤੋਂ ਘੱਟ ਭਾਰ 48 ਕਿਲੋ ਗ੍ਰਾਮ ਗੀਕੋ ਰੋਮਨ ਵਿੱਚੋਂ ਪੂਰੇ ਪੰਜਾਬ ਵਿੱਚੋਂ ਕਾਂਸੀ ਦਾ ਤਗਮਾ ਜਿੱਤ ਕੇ ਆਪਣੇ ਜ਼ਿਲ੍ਹੇ ਸ਼ਹੀਦ ਭਗਤ ਸਿੰਘ ਨਗਰ ਅਤੇ ਆਪਣੇ ਪਿੰਡ ਅਤੇ ਮਾਤਾ-ਪਿਤਾ ਦਾ ਨਾਮ ਰੌਸ਼ਨ ਕੀਤਾ | ਇਸ ਦੌਰਾਨ ਰੈਸਲਿੰਗ ਪਹਿਲਵਾਨ ਅਨਮੋਲ ਸਿੰਘ ਦਾ ਪਿੰਡ ਪਹੁੰਚਣ 'ਤੇ ਸਮੂਹ ਰੈਸਲਿੰਗ ਖਿਡਾਰੀਆਂ ਅਤੇ ਪਿੰਡ ਵਾਸੀਆਂ ਵਲੋਂ ਖੁਸ਼ੀ ਮਨਾਈ ਗਈ | ਇਸ ਦੌਰਾਨ ਰੈਸਲਿੰਗ ਸੈਂਟਰ ਦੇ ਕੋਚ ਬਲਵੀਰ ਸੌਂਧੀ ਰਾਏਪੁਰ ਡੱਬਾ ਵਲੋਂ ਪਹਿਲਵਾਨ ਦੀ ਹੌਂਸਲਾ ਅਫਜਾਈ ਕੀਤੀ ਗਈ | ਉਹਨਾਂ ਦੱਸਿਆ ਕਿ ਇਸ ਸੈਂਟਰ ਵਿੱਚ ਸਵੇਰੇ 5:30 ਤੋਂ 7:30 ਵਜੇ ਤੱਕ ਓਲੰਪਿਕ ਸਟਾਇਲ ਰੈਸਲਿੰਗ ਦੀ ਟ੍ਰੇਨਿੰਗ ਲੜਕੇ ਅਤੇ ਲੜਕੀਆਂ ਨੂੰ ਮੁਫ਼ਤ ਦਿੱਤੀ ਜਾਂਦੀ ਹੈ | ਇਸ ਮੌਕੇ ਰੈਸਲਿੰਗ ਸੈਂਟਰ ਗੋਸਲਾਂ ਦੇ ਸੰਚਾਲਕ ਜੱਸਾ ਕੈਨੇਡਾ, ਅਵਤਾਰ ਸਿੰਘ ਨੰਬਰਦਾਰ, ਝਲਮਣ ਸਿੰਘ, ਨਿਰਵੈਰ ਸਿੰਘ, ਮਨਦੀਪ ਸਿੰਘ, ਜਸਵੰਤ ਸਿੰਘ, ਬਲਵੀਰ ਸਿੰਘ, ਪਰਪਿੰਦਰ ਸਿੰਘ ਢਿੱਲੋਂ, ਕੁਲਵੰਤ ਸਿੰਘ, ਤਰਲੋਚਨ ਰਾਏ ਆਦਿ ਹਾਜ਼ਰ ਸਨ |
