18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 02-04-2026

ਨਗਰ ਕੌਂਸਲ ਦੇ ਕਾਰਜਕਾਰੀ ਪ੍ਰਧਾਨ ਕੰਵਰਪਾਲ ਸਿੰਘ ਨੇ 10 ਦਿਨਾਂ ਅੰਦਰ ਕੂੜਾ ਚੁੱਕਣ ਦਾ ਕੀਤਾ ਲਿਖ਼ਤੀ ਵਾਅਦਾ ਕੂੜਾ ਨਾ ਚੁੱਕਣ 'ਤੇ ਵਾਰਡ ਨੰਬਰ-6 ਦੇ ਵਾਸੀਆਂ ਨੇ ਝਾਂਸੀ ਰਾਣੀ ਚੌਕ ਵਿਖੇ ਲਗਾਇਆ ਧਰਨਾ

ਜਗਰਾਉਂ ਦੇ ਝਾਂਸੀ ਰਾਣੀ ਚੌਕ ਵਿਖੇ ਵਾਰਡ ਨੰਬਰ-6 ਦੇ ਵਾਸੀਆਂ ਵਲੋਂ ਲਗਾਏ ਧਰਨੇ ਨੂੰ ਚੁਕਾਉਣ ਲਈ ਕਾਰਜਕਾਰੀ ਪ੍ਰਧਾਨ ਕੰਵਰਪਾਲ ਸਿੰਘ ਵਾਅਦਾ ਪੱਤਰ ਕੌਂਸਲਰ ਜਰਨੈਲ ਸਿੰਘ ਲੋਹਟ ਨੂੰ ਸੌਂਪਦੇ ਹੋਏ, ਨਾਲ ਨਜ਼ਰ ਆ ਰਹੇ ਡੀ.ਐੱਸ.ਪੀ. ਜਸਵਿੰਦਰ ਸਿੰਘ ਢੀਂਡਸਾ ਤੇ ਹੋਰ | (ਸੱਜੇ) ਕੂੜਾ ਨਾ ਚੁੱਕਣ ਕਾਰਨ ਵਾਰਡ ਨੰਬਰ-6 ਦੇ ਵਾਸੀਆਂ ਵਲੋਂ ਲਗਾਏ ਧਰਨੇ ਦਾ ਦਿ੍ਸ਼ | ਤਸਵੀਰਾਂ : ਭੁਪਿੰਦਰ ਸਿੰਘ ਮੁਰਲੀ <br/> 02-04-2026
ਜਗਰਾਉਂ, 1 ਅਪ੍ਰੈਲ (ਹਰਵਿੰਦਰ ਸਿੰਘ ਖ਼ਾਲਸਾ)-ਨਗਰ ਕੌਂਸਲ ਜਗਰਾਉਂ ਜੋ ਆਪਣੀਆਂ ਨਲਾਇਕੀਆਂ ਕਾਰਨ ਹਮੇਸ਼ਾਂ ਚਰਚਾ ਵਿਚ ਰਹੀ ਹੈ, ਦੇ ਵਿਰੁੱਧ ਵਾਰਡ ਨੰਬਰ-6 ਦੇ ਵਾਸੀਆਂ ਨੇ ਝਾਂਸੀ ਰਾਣੀ ਚੌਂਕ ਵਿਖੇ ਧਰਨਾ ਲਾ ਕੇ ਤਹਿਸੀਲ ਰੋਡ ਦੀ ਆਵਾਜਾਈ ਠੱਪ ਕਰ ਦਿੱਤੀ | ਲਗਭਗ ਚਾਰ ਘੰਟੇ ਲੱਗਿਆ ਇਹ ਧਰਨਾ ਵਾਰਡ ਅੰਦਰੋਂ ਕੂੜੇ ਦੇ ਲੱਗੇ ਢੇਰ ਨੂੰ ਨਾ ਚੁੱਕਣ 'ਤੇ ਲਗਾਇਆ ਗਿਆ | ਵਾਰਡ ਵਾਸੀ ਸਭ ਤੋਂ ਪਹਿਲਾਂ ਕੌਂਸਲਰ ਜਰਨੈਲ ਸਿੰਘ ਲੋਹਟ ਦੀ ਅਗਵਾਈ ਵਿਚ ਆਪਣੇ ਹਾਲਾਤਾਂ ਤੋਂ ਜਾਣੂ ਕਰਵਾਉਣ ਲਈ ਕਾਰਜ ਸਾਧਕ ਅਧਿਕਾਰੀ ਅਤੇ ਪ੍ਰਧਾਨ ਨੰੂ ਮਿਲਣ ਲਈ ਨਗਰ ਕੌਂਸਲ ਵਿਖੇ ਪਹੁੰਚੇ | ਉੱਥੇ ਪ੍ਰਧਾਨ ਅਤੇ ਈ.ਓ. ਦੀਆਂ ਕੁਰਸੀਆਂ ਖਾਲੀ ਦੇਖ ਕੇ ਉਨ੍ਹਾਂ ਝਾਂਸੀ ਰਾਣੀ ਚੌਂਕ ਵਿਖੇ ਧਰਨਾ ਲਾ ਕੇ ਆਵਾਜਾਈ ਠੱਪ ਕਰ ਦਿੱਤੀ | ਇਸ ਧਰਨੇ ਨਾਲ ਰਾਏਕੋਟ ਰੋਡ ਅਤੇ ਸ਼ਹਿਰ ਜਾਣ ਵਾਲੇ ਵਾਹਨਾਂ ਨੂੰ ਭਾਰੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ | ਧਰਨੇ ਨੂੰ ਚੁੱਕਾਉਣ ਲਈ ਮੌਕੇ 'ਤੇ ਡੀ.ਐੱਸ.ਪੀ. ਸਿਟੀ ਜਸਵਿੰਦਰ ਸਿੰਘ ਢੀਂਡਸਾ ਅਤੇ ਸਿਟੀ ਇੰਚਾਰਜ ਪ੍ਰਮਿੰਦਰ ਸਿੰਘ ਫੋਰਸ ਸਮੇਤ ਪਹੁੰਚ ਗਏ | ਵੱਡੀ ਜੱਦੋ-ਜਹਿਦ ਤੋਂ ਬਾਅਦ ਨਗਰ ਕੌਂਸਲ ਦੇ ਕਾਰਜਕਾਰੀ ਪ੍ਰਧਾਨ ਕੰਵਰਪਾਲ ਸਿੰਘ ਵਲੋਂ ਕੂੜੇ ਦੇ ਢੇਰ ਨੂੰ ਦੱਸ ਦਿਨਾਂ ਦੇ ਅੰਦਰ-ਅੰਦਰ ਚੁੱਕਾਉਣ ਦਾ ਲਿਖ਼ਤੀ ਵਾਅਦਾ ਕਰਨ ਤੋਂ ਬਾਅਦ ਇਹ ਧਰਨਾ ਚੁੱਕਿਆ ਗਿਆ | ਇਸ ਮੌਕੇ ਕੌਂਸਲਰ ਰਵਿੰਦਰਪਾਲ ਸਿੰਘ ਰਾਜੂ ਕਾਮਰੇਡ, ਕੌਂਸਲਰ ਜਗਜੀਤ ਸਿੰਘ ਜੱਗੀ, ਸਾਬਕਾ ਕੌਂਸਲਰ ਰਵਿੰਦਰ ਸੱਭਰਵਾਲ, ਕਾਂਗਰਸੀ ਆਗੂ ਸੁਖਵਿੰਦਰ ਸਿੰਘ ਸਿੱਧੂ, ਪਿ੍ਤਪਾਲ ਕੌਰ ਲੋਹਟ ਆਦਿ ਵੀ ਹਾਜ਼ਰ ਸਨ | ਧਰਨੇ ਨੂੰ ਸੰਬੋਧਨ ਕਰਦਿਆਂ ਕੌਂਸਲਰ ਜਰਨੈਲ ਸਿੰਘ ਲੋਹਟ ਨੇ ਕਿਹਾ ਕਿ ਨਗਰ ਕੌਂਸਲ ਜਗਰਾਉਂ ਵਿਖੇ ਕਾਬਜ਼ ਧਿਰ ਨੇ ਵਾਰਡ ਨੰਬਰ-6 ਦੇ ਵਾਸੀਆਂ ਦਾ ਜੀਵਨ ਨਰਕ ਬਣਾ ਦਿੱਤਾ ਹੈ | ਵਾਰਡ ਦੀ ਪਾਰਕ ਦੇ ਨੇੜੇ ਛੱਪੜ ਵਾਲੀ ਥਾਂ 'ਤੇ ਨਗਰ ਕੌਂਸਲ ਨੇ ਸ਼ਹਿਰ ਦਾ ਕੂੜਾ ਸੁੱਟ ਕੇ ਢੇਰ ਲਾਉਣਾ ਸ਼ੁਰੂ ਕਰ ਦਿੱਤਾ ਹੈ | ਇਸ ਨਾਲ ਸਾਰੇ ਪਾਸੇ ਬਦਬੂ ਫੈਲ ਗਈ ਹੈ | ਇਥੇ ਰਹਿਣਾ ਕੀ, ਗੁਜ਼ਰਨਾ ਵੀ ਕਿਸੇ ਬਿਮਾਰੀ ਨੂੰ ਸਹੇੜਨ ਦੇ ਬਰਾਬਰ ਹੋਇਆ ਪਿਆ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਕੂੜੇ ਨੂੰ ਚੁਕਾਉਣ ਲਈ ਉਹ ਅਨੇਕਾਂ ਵਾਰ ਨਗਰ ਕੌਂਸਲ ਵਿਖੇ ਸੱਤ੍ਹਾਧਾਰੀਆਂ ਅਤੇ ਪ੍ਰਸ਼ਾਸਨ ਨੂੰ ਲਿਖ਼ਤੀ ਤੇ ਜ਼ੁਬਾਨੀ ਬੇਨਤੀ ਕਰਦੇ ਆ ਰਹੇ ਹਨ | ਹਰ ਵਾਰ ਕੂੜਾ ਚੁੱਕਣ ਦਾ ਵਾਅਦਾ ਕੀਤਾ ਜਾਂਦਾ ਰਿਹਾ, ਪਰ ਇਹ ਵਾਅਦਾ ਕਦੇ ਵਫ਼ਾ ਨਹੀਂ ਹੋਇਆ | ਉਨ੍ਹਾਂ ਨਗਰ ਕੌਂਸਲ 'ਚ ਸੱਤ੍ਹਾਧਾਰੀਆਂ 'ਤੇ ਵਿਰੋਧੀ ਧਿਰ ਦੇ ਵਾਰਡਾਂ ਨਾਲ ਵਿਤਕਰਾ ਕਰਨ ਦੇ ਵੀ ਦੋਸ਼ ਲਾਏ | ਉਨ੍ਹਾਂ ਦੱਸਿਆ ਕਿ ਨਗਰ ਕੌਂਸਲ ਦੇ ਪ੍ਰਧਾਨ ਨੇ ਕੂੜਾ ਚਕਾਉਣ ਲਈ ਜੋ ਵਾਅਦਾ ਕੀਤਾ ਹੈ | ਜੇਕਰ ਪੂਰਾ ਨਾ ਕੀਤਾ ਤਾਂ ਆਉਣ ਵਾਲੇ ਦਿਨਾਂ ਅੰਦਰ ਮੁੜ ਇੱਥੇ ਹਮਦਰਦ ਸਾਥੀਆਂ ਨੂੰ ਨਾਲ ਲੈ ਕੇ ਧਰਨਾ ਲਾਇਆ ਜਾਵੇਗਾ | ਇਸ ਮੌਕੇ ਕਾਰਜਕਾਰੀ ਪ੍ਰਧਾਨ ਕੰਵਰਪਾਲ ਸਿੰਘ ਨੇ ਕਿਹਾ ਕਿ ਕੂੜੇ ਦੇ ਸੰਭਾਲ ਦੀ ਸ਼ਹਿਰ ਅੰਦਰ ਵੱਡੀ ਸਮੱਸਿਆ ਬਣੀ ਹੋਈ ਹੈ | ਇਸ ਸਮੱਸਿਆ ਨੂੰ ਨਿੱਜਠਣ ਲਈ ਟੈਂਡਰ ਲਾਏ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਅੰਦਰੋਂ ਕੂੜਾ ਚਕਾਉਣ ਲਈ 58 ਲੱਖ ਰੁਪਏ ਦਾ ਐਸਟੀਮੈਟ ਤਿਆਰ ਕੀਤਾ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਵਾਰਡ ਨੰਬਰ-ਛੇ ਅੰਦਰ ਦੱਸ ਲੱਖ ਰੁਪਏ ਖ਼ਰਚ ਕੇ ਕੂੜੇ ਦੀ ਸਮੱਸਿਆ ਨੂੰ ਜੜੋਂ ਖ਼ਤਮ ਕਰ ਦਿੱਤਾ ਜਾਵੇਗਾ | ਇਸ ਮੌਕੇ ਕੌਂਸਲਰ ਰਾਜੂ ਕਾਮਰੇਡ ਨੇ ਕਿਹਾ ਕਿ ਸ਼ਹਿਰ ਅੰਦਰ ਕੂੜੇ ਦੇ ਨਿਪਟਾਰੇ ਦੀ ਵੱਡੀ ਸਮੱਸਿਆ ਬਣੀ ਹੋਈ ਹੈ | ਉਨ੍ਹਾਂ ਕਿਹਾ ਕਿ ਸੱਤ੍ਹਾਧਾਰੀ ਧਿਰ ਸ਼ਹਿਰ ਨਿਵਾਸੀਆਂ ਨੂੰ ਬਣਦੀਆਂ ਸਹੂਲਤਾਂ ਦੇਣ 'ਚ ਅਸਫ਼ਲ ਸਾਬਤ ਹੋਈ ਹੈ |
ਪਿਛਲੀ ਖ਼ਬਰ ਸ਼ਮਸ਼ੇਰ ਸਿੰਘ ਗਾਲਿਬ ਨੇ ਟੱਕ ਲਗਵਾ ਕੇ ਕਰਵਾਇਆ ਕੰਮ ਸ਼ੁਰੂ 20 ਸਾਲਾਂ ਬਾਅਦ ਰੁਕੇ ਗਲੀ ਦੇ ਕੰਮ ਦੀ ਹੋਈ ਸ਼ੁਰੂਆਤ... ਅਗਲੀ ਖ਼ਬਰ ਸ੍ਰੀ ਗੁਰੂ ਰਾਮਦਾਸ ਕਾਲਜ ਆਫ਼ ਐਜੂਕੇਸ਼ਨ ਹਲਵਾਰਾ ਦੇ ਵਿਦਿਆਰਥੀਆਂ ਨੇ ਬੀ. ਸੀ. ਏ. ਤੇ ਬੀ. ਬੀ. ਏ. ਦੇ ਨਤੀਜਿਆਂ 'ਚ ਮ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।