ਜਗਰਾਉਂ, 29 ਜਨਵਰੀ (ਵਿਨੋਦ ਕੁਮਾਰ)-ਸਨਮਤੀ ਮਾਤਰੀ ਸੇਵਾ ਸੰਘ ਰਜਿ: ਜਗਰਾਉਂ ਨੇ ਗਣਤੰਤਰ ਦਿਵਸ ਮੌਕੇ 40 ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਿਆ | ਸੰਸਥਾ ਦੀ ਮੁਖੀ ਕਾਂਤਾ ਰਾਣੀ ਸਿੰਗਲਾ ਨੇ ਕਿਹਾ ਕਿ ਪਿਛਲੇ ਸਾਲਾਂ ਤੋਂ ਸਾਡੀ ਸੰਸਥਾ ਹਰ ਮਹੀਨੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਪ੍ਰਦਾਨ ਕਰਦੀ ਆ ਰਹੀ ਹੈ | ਇਸ ਤੋਂ ਇਲਾਵਾ ਲੋੜਵੰਦ ਅਤੇ ਹੁਸ਼ਿਆਰ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਭਵਿੱਖ ਨੂੰ ਬਿਹਤਰ ਬਣਾਉਣ ਲਈ ਉਨ੍ਹਾਂ ਦੀਆਂ ਫੀਸਾਂ ਭਰ ਕੇ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਜਾਂਦੀ ਹੈ | ਇਸ ਮੌਕੇ ਅਮਰਜੀਤ ਕੌਰ, ਕੰਚਨ ਗੁਪਤਾ, ਸਕੱਤਰ ਸੁਨੀਤਾ ਜੈਨ, ਸਕੱਤਰ ਸੁਧਾ ਜੈਨ, ਮੈਨੇਜਰ ਦੇਵਿਕਾ ਜੈਨ, ਸਲਾਹਕਾਰ ਪ੍ਰਮਿਲਾ ਜੈਨ ਅਤੇ ਸੰਸਥਾ ਦੇ ਸਾਰੇ ਮੈਂਬਰ ਕਾਮਿਨੀ ਜੈਨ, ਮੀਰਾ ਕਤਿਆਲ, ਨੀਤੂ ਜੈਨ ਆਦਿ ਮੌਜੂਦ ਸਨ |
