16-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 03-01-2026

ਸੰਜੀਵਨੀ ਸ਼ਰਨਮ 'ਚ ਨਵੇਂ ਸਾਲ ਦੀ ਆਮਦ 'ਤੇ 'ਰੂਦਰ ਰਾਸ' ਸਮਾਗਮ ਕਰਵਾਇਆ

ਅਜੀਤ ਡੈਸਕ 03-01-2026
ਸੰਜੀਵਨੀ ਸ਼ਰਨਮ ਹੁਸ਼ਿਆਰਪੁਰ ਦੇ ਲੋਟਸ ਹਾਲ 'ਚ ਕਰਵਾਏ 'ਰੂਦਰ ਰਾਸ' ਸਮਾਗਮ ਮੌਕੇ ਸੰਬੋਧਨ ਕਰਦੇ ਹੋਏ ਮੈਡਮ ਸੰਗੀਤਾ ਮਿੱਤਲ | ਨਾਲ ਹਾਜ਼ਰ ਪਤਵੰਤੇ | ਤਸਵੀਰ : ਹਮਸ਼ਾਇਨ ਸਟੂਡੀਓ



ਹੁਸ਼ਿਆਰਪੁਰ, 2 ਜਨਵਰੀ (ਬਲਜਿੰਦਰਪਾਲ ਸਿੰਘ)-ਸੰਜੀਵਨੀ ਸ਼ਰਨਮ ਹੁਸ਼ਿਆਰਪੁਰ ਦੇ ਲੋਟਸ ਹਾਲ 'ਚ ਨਵੇਂ ਸਾਲ ਦੀ ਆਮਦ ਅਤੇ ਪੁਰਾਣੇ ਸਾਲ ਨੂੰ ਅਲਵਿਦਾ ਕਹਿਣ ਲਈ 'ਰੂਦਰ ਰਾਸ' ਸਮਾਗਮ ਕਰਵਾਇਆ ਗਿਆ | ਸੰਜੀਵਨੀ ਸ਼ਰਨਮ ਦੇ ਡਾਇਰੈਕਟਰ ਅਤੇ ਪ੍ਰਮੁੱਖ ਅਧਿਆਤਮਿਕ ਮਾਰਗ ਦਰਸ਼ਕ ਮੈਡਮ ਸੰਗੀਤਾ ਮਿੱਤਲ ਦੀ ਅਗਵਾਈ 'ਚ ਕਰਵਾਏ ਇਸ ਸਮਾਗਮ ਦੌਰਾਨ ਅੰਮਿ੍ਤਮ ਭਗਤੀ ਰਸ ਮਿਊਜ਼ੀਕਲ ਬੈਂਡ ਗਰੁੱਪ ਨੇ 'ਓਮ ਨਮ: ਸ਼ਿਵਾਏ' ਦਾ ਜਾਪ ਕੀਤਾ | ਇਸ ਮੌਕੇ ਡਿਪਟੀ ਕਮਿਸ਼ਨਰ ਆਸ਼ਿਕਾ ਜੈਨ ਦੀ ਮਾਤਾ ਮੀਨਾਕਸ਼ੀ ਜੈਨ ਤੇ ਪਿਤਾ ਅਜੈ ਜੈਨ ਤੋਂ ਇਲਾਵਾ ਡਿੰਪੀ ਸਚਦੇਵਾ, ਨੈਨਸੀ ਸਿੰਘ, ਬਲਬੀਰ ਸਿੱਧੂ, ਸਰਿਤਾ ਗੁਲ੍ਹਾਟੀ, ਮੰਜੂ ਖਰਬੰਦਾ ਨੇ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕੀਤੀ | ਇਸ ਮੌਕੇ ਅਜੈ ਜੈਨ ਨੇ ਸੰਬੋਧਨ ਕਰਦਿਆਂ ਸੋਨਾਲੀਕਾ ਪਰਿਵਾਰ ਵਲੋਂ ਕੀਤੇ ਜਾ ਰਹੇ ਸਮਾਜਿਕ ਅਤੇ ਅਧਿਆਤਮਿਕ ਮਾਰਗ-ਦਰਸ਼ਨ ਸੰਬੰਧੀ ਕੀਤੇ ਜਾ ਰਹੇ ਕੰਮਾਂ ਦੀ ਸ਼ਲਾਘਾ ਕੀਤੀ | ਉਨ੍ਹਾਂ ਕਿਹਾ ਕਿ ਮਾਨਵਤਾ ਲਈ ਮਿੱਤਲ ਪਰਿਵਾਰ ਦਾ ਯੋਗਦਾਨ ਪ੍ਰੇਰਨਾਦਾਇਕ ਹੈ | ਉਨ੍ਹਾਂ ਕਿਹਾ ਕਿ ਬੀਤੇ ਵਰ੍ਹੇ 'ਚ ਮਿੱਤਲ ਪਰਿਵਾਰ ਦਾ ਸਮਾਜ ਸੇਵ ਲਈ ਵੱਡਮੁੱਲਾ ਯੋਗਦਾਨ ਰਿਹਾ ਹੈ | ਇਸ ਮੌਕੇ ਸੰਗੀਤਾ ਮਿੱਤਲ ਨੇ ਕਿਹਾ ਕਿ ਨਵੇਂ ਸਾਲ ਦੀ ਆਰੰਭਤਾ ਸ਼ਿਵ ਸ਼ਕਤੀ ਦਾ ਪ੍ਰਤੀਕ ਹੈ, ਜਿਸ ਲਈ ਸਾਨੂੰ ਭਰਪੂਰ ਮਨ ਨਾਲ ਇਸ ਦਾ ਸਵਾਗਤ ਕਰਨਾ ਚਾਹੀਦਾ ਹੈ | ਉਨ੍ਹਾਂ ਕਿਹਾ ਕਿ ਬੀਤੇ ਵਰ੍ਹੇ 'ਚ ਉਨ੍ਹਾਂ ਦੀਆਂ ਕੁੱਝ ਯੋਜਨਾਵਾਂ ਸ਼ਾਇਦ ਅਧੂਰੀਆਂ ਰਹਿ ਗਈਆਂ ਹੋਣ, ਪ੍ਰੰਤੂ ਇਸ ਸਾਲ 'ਚ ਉਹ ਹੋਰ ਉਤਸ਼ਾਹ ਨਾਲ ਲੋਕ ਸੇਵਾ ਦੀਆਂ ਯੋਜਨਾਵਾਂ ਉਲੀਕਣਗੇ, ਜਿਨ੍ਹਾਂ ਨੂੰ ਉਤਸ਼ਾਹ ਨਾਲ ਪੂਰਾ ਕੀਤਾ ਜਾਵੇਗਾ |
ਪਿਛਲੀ ਖ਼ਬਰ ਗੁਰਦੁਆਰਾ ਰਾਮਪੁਰ ਖੇੜਾ ਵਿਖੇ ਬਰਸੀ ਸੰਬੰਧੀ ਰੈਣ-ਸਬਾਈ ਕੀਰਤਨ ਦਰਬਾਰ ਅੱਜ ਅਗਲੀ ਖ਼ਬਰ ਮੀਟਿੰਗ ਦਾ ਸਮਾਂ ਮਿਲਣ 'ਤੇ ਜੁਆਇੰਟ ਐਕਸ਼ਨ ਕਮੇਟੀ ਵਲੋਂ ਮੁੱਖ ਮੰਤਰੀ ਦੀ ਕੋਠੀ ਦਾ ਘਿਰਾਓ ਮੁਲਤਵੀ : ਬਲਦੇਵ ਧੁੱਗਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।