ਜਲਾਲਾਬਾਦ, 11 ਅਪ੍ਰੈਲ (ਜਤਿੰਦਰ ਪਾਲ ਸਿੰਘ)-ਉੱਤਰ ਪ੍ਰਦੇਸ਼ ਦੇ ਮਥੁਰਾ ਸਥਿਤ ਵਰਿੰਦਾਵਨ ਵਿਚ ਹੋਏ ਦਰਦਨਾਕ ਕਿਸ਼ਤੀ ਹਾਦਸੇ 'ਚ ਜਲਾਲਾਬਾਦ ਦਾ ਵੀ ਇਕ ਨੌਜਵਾਨ ਲਾਪਤਾ ਹੈ, ਜੋ ਕਿ ਕਿਸ਼ਤੀ ਵਿਚ ਸਵਾਰ ਸੀ | ਜਲਾਲਾਬਾਦ ਦੀ ਅਗਰਵਾਲ ਕਾਲੋਨੀ ਦੀ ਗਲੀ ਨੂੰ 1 ਦੇ ਨਿਵਾਸੀ ਪੰਕਜ ਮਲਹੋਤਰਾ ਹਾਦਸੇ ਵਿਚ ਲਾਪਤਾ ਹੈ | ਪੰਕਜ ਮਲਹੋਤਰਾ ਆਪਣੇ ਜਗਰਾਉਂ ਵਾਸੀ ਮਾਸੜ ਅਤੇ ਮਾਸੀ ਨਾਲ ਮਥੁਰਾ ਗਿਆ ਸੀ¢ ਹਾਲਾਂਕਿ ਉਸ ਦੇ ਮਾਸੜ ਅਤੇ ਮਾਸੀ ਦੀ ਮੌਤ ਹੋ ਚੁੱਕੀ ਹੈ ਅਤੇ ਉਨ੍ਹਾਂ ਦੀਆਂ ਦੇਹਾਂ ਵੀ ਮਿਲ ਗਈਆਂ ਹਨ ਪਰ ਪੰਕਜ ਮਲਹੋਤਰਾ ਦੀ ਭਾਲ ਅਜੇ ਵੀ ਜਾਰੀ ਹੈ¢ ਜਲਾਲਾਬਾਦ ਦੇ ਡੀ.ਐਸ.ਪੀ. ਗੁਰਸੇਵਕ ਸਿੰਘ ਬਰਾੜ ਨੇ ਦੱਸਿਆ ਕਿ ਪੰਕਜ ਦਾ ਪਰਿਵਾਰ ਇੱਥੇ ਮੌਜੂਦ ਨਹੀਂ ਹੈ, ਉਹ ਇਹ ਖ਼ਬਰ ਮਿਲਦੇ ਹੀ ਪੰਕਜ ਦੀ ਭਾਲ ਵਿਚ ਮਥੁਰਾ ਗਏ ਹੋਏ ਹਨ |
