ਫਗਵਾੜਾ, 31 ਮਈ (ਹਰਜੋਤ ਸਿੰਘ ਚਾਨਾ)- ਅੱਜ ਸ਼ਾਮ ਚੱਲੀ ਤੇਜ਼ ਹਨ੍ਹੇਰੀ ਕਾਰਨ ਪਿੰਡ ਸਲਾਰਪੁਰ ਵਿਖੇ ਇੱਕ ਸ਼ੈੱਡ ਦੇ ਉੱਡ ਕੇ ਖੇਤਾਂ 'ਚ ਡਿੱਗਣ ਤੇ ਹੇਠਾਂ ਕੰਧਾਂ ਦੇ ਡਿੱਗਣ ਦੀ ਸੂਚਨਾ ਹੈ | ਜਾਣਕਾਰੀ ਦਿੰਦਿਆਂ ਰਣਜੀਤ ਸਿੰਘ ਤੇ ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਅੱਜ ਸ਼ਾਮ ਆਈ ਤੇਜ਼ ਹਨ੍ਹੇਰੀ ਨਾਲ ਉਨ੍ਹਾਂ ਦੀ ਸ਼ੈੱਡ ਅਚਾਨਕ ਪੁੱਟ ਹੋ ਗਈ ਤੇ ਉਸ ਦੀਆਂ ਚਾਦਰਾਂ ਉੱਡ ਕੇ ਕਾਫ਼ੀ ਦੂਰ ਖੇਤਾਂ 'ਚ ਜਾ ਡਿੱਗੀਆਂ ਤੇ ਹੇਠਾਂ ਕੰਧਾਂ ਵੀ ਡਿੱਗ ਗਈਆਂ ਤੇ ਹੇਠਾਂ ਪਈਆਂ ਕੁੱਝ ਮਸ਼ੀਨਾਂ ਦਾ ਵੀ ਨੁਕਸਾਨ ਹੋਇਆ ਹੈ | ਸ਼ੈੱਡ ਮਾਲਕ ਨੇ ਦੱਸਿਆ ਕਿ ਹਨ੍ਹੇਰੀ ਨਾਲ ਉਨ੍ਹਾਂ ਦਾ ਕਰੀਬ 10 ਤੋਂ 12 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ ਪਰ ਕਿਸੇ ਤਰ੍ਹਾਂ ਦੇ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਹੈ |
