ਨਕੋਦਰ, 22 ਨਵੰਬਰ (ਤਿਲਕ ਰਾਜ ਸ਼ਰਮਾ)-ਡਾ. ਇੰਦਰਜੀਤ ਸਿੰਘ ਸੰਘਾ ਜੋ ਕਿ ਗੁਰੂ ਨਾਨਕ ਨੈਸ਼ਨਲ ਕਾਲਜ ਨਕੋਦਰ ਦੇ ਸਰੀਰਕ ਸਿੱਖਿਆ ਵਿਭਾਗ 'ਚ ਬਤੌਰ ਵਿਭਾਗ ਮੁਖੀ ਸੇਵਾ ਨਿਭਾਅ ਰਹੇ ਹਨ, ਨੂੰ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਆਦੇਸ਼ਾਂ ਅਨੁਸਾਰ ਕਾਲਜ ਦੀ ਪ੍ਰਬੰਧਕ ਕਮੇਟੀ ਵਲੋਂ ਪਿ੍ੰਸੀਪਲ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ | ਡਾ. ਇੰਦਰਜੀਤ ਸਿੰਘ ਸੰਘਾ ਨੇ ਪੀ.ਐਚ.ਡੀ. ਦੀ ਯੋਗਤਾ ਸਾਲ 1993 'ਚ ਹਾਸਿਲ ਕੀਤੀ ਸੀ | ਇਸ ਤੋਂ ਇਲਾਵਾ ਇਕ ਅੰਤਰਰਾਸ਼ਟਰੀ ਪੱਧਰ 'ਤੇ ਸੋਨ ਤਗਮਾ ਜੇਤੂ ਖਿਡਾਰੀ ਹਨ | ਕਾਲਜ 'ਚ ਵਿਭਾਗ ਦੇ ਕੰਮਾਂ ਦੇ ਨਾਲ-ਨਾਲ ਯੂਥ ਕਲੱਬ ਦੇ ਕੋਆਰਡੀਨੇਟਰ, ਟਾਈਮ ਟੇਬਲ ਇੰਚਾਰਜ, ਕਾਲਜ ਪ੍ਰੀਖਿਆ ਕੋਆਰਡੀਨੇਟਰ ਰਜਿਸਟਰਾਰ ਅਤੇ ਕਾਲਜ ਮੈਗਜ਼ੀਨ ਸੰਪਾਦਕ ਦੀ ਜ਼ਿੰਮੇਵਾਰੀ ਵੀ ਸਫ਼ਲਤਾਪੂਰਵਕ ਨਿਭਾਅ ਰਹੇ ਹਨ |
