ਨਕੋਦਰ, 22 ਨਵੰਬਰ (ਗੁਰਵਿੰਦਰ ਸਿੰਘ)-ਕੇ.ਆਰ.ਐਮ. ਡੀ.ਏ.ਵੀ. ਕਾਲਜ, ਨਕੋਦਰ ਵਿਖੇ ਪਿ੍ੰਸੀਪਲ ਡਾ. ਅਨੂਪ ਕੁਮਾਰ ਦੀ ਅਗਵਾਈ ਅਤੇ ਸਰੀਰਕ ਸਿੱਖਿਆ ਵਿਭਾਗ ਦੇ ਪ੍ਰੋ. ਨੇਹਾ ਕੁਮਾਰੀ ਦੀ ਦੇਖ-ਰੇਖ ਹੇਠ ਕਾਲਜ ਦੇ ਖਿਡਾਰੀਆਂ ਨੇ ਕੁਰੈਸ਼ ਸਟੇਟ ਲੈਵਲ ਚੈਂਪੀਅਨਸ਼ਿਪ ਵਿਚ ਭਾਗ ਲੈਂਦਿਆਂ ਤਗਮੇ ਜਿੱਤੇ ਹਨ¢ ਪਿ੍ੰਸੀਪਲ ਡਾ. ਅਨੂਪ ਕੁਮਾਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਗੁਰਦਾਸਪੁਰ ਵਿਖੇ ਹੋਈ ਕੁਰੈਸ਼ ਸਟੇਟ ਲੈਵਲ ਚੈਂਪੀਅਨਸ਼ਿਪ ਵਿਚ 55 ਕਿਲੋ ਭਾਰ ਵਰਗ ਵਿਚ ਕਾਲਜ ਦੇ ਖਿਡਾਰੀ ਅਨਮੋਲ ਰਾਠੋਰ ਨੇ ਭਾਗ ਲੈਂਦਿਆਂ ਸੋਨ ਤਗਮਾ, 81 ਕਿਲੋ ਭਾਰ ਵਰਗ 'ਚ ਰਬਜੋਤ ਯਾਦਵ ਨੇ ਕਾਂਸੇ ਤਗਮਾ ਜਿੱਤਿਆ ਹੈ ¢ ਇਸ ਤੋਂ ਇਲਾਵਾ ਖਿਡਾਰੀ ਦਿਲਰਾਜ ਸਿੰਘ ਕੈਲੇ ਨੇ 73 ਕਿਲੋ ਭਾਰ ਵਰਗ ਵਿਚ ਭਾਗ ਲੈਂਦਿਆਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ¢ ਉਨ੍ਹਾਂ ਦੱਸਿਆ ਕਿ ਅਨਮੋਲ ਰਾਠੋਰ ਤੇ ਰਬਜੋਤ ਯਾਦਵ (ਦੋਵੇਂ) ਖਿਡਾਰੀ ਕੁਰੈਸ਼ ਨੈਸ਼ਨਲ ਲੈਵਲ ਚੈਂਪੀਅਨਸ਼ਿਪ ਲਈ ਚੁਣੇ ਗਏ ਹਨ ਤੇ ਇਹ ਮੁਕਾਬਲੇ ਪਟਨਾ ਵਿਖੇ 6 ਜਨਵਰੀ, 2026 ਨੂੰ ਹੋਣਗੇ¢ ਉਨ੍ਹਾਂ ਕਾਲਜ ਦੇ ਸਰੀਰਕ ਸਿੱਖਿਆ ਵਿਭਾਗ ਅਤੇ ਜੇਤੂ ਖਿਡਾਰੀਆਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਵੱਖ-ਵੱਖ ਖੇਡ ਮੁਕਾਬਲਿਆਂ ਵਿਚ ਖਿਡਾਰੀ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਕਾਲਜ ਦਾ ਨਾਮ ਚਮਕਾ ਰਹੇ ਹਨ¢ ਇਸ ਮÏਕੇ ਪ੍ਰੋ. ਕਰਮਜੀਤ ਸਿੰਘ, ਪ੍ਰੋ. ਨੇਹਾ ਕੁਮਾਰੀ ਆਦਿ ਹਾਜ਼ਰ ਸਨ¢
